Aнтони може да остане во Бетис и во следната сезона 2025/2026, пишува „Телеграф“. Бразилскиот крилен напаѓач настапува за шпанскиот тим како позајмен од Манчестер Јунајтед.

Бетис е подготвен да достави понуда за продолжување на позајмицата на играчот за сезоната. Клубот од Севиља е подготвен да го преземе поголемиот дел од платата на aнтони. Во моментов, Шпанците плаќаат 84% од платата на фудбалерот плус бонуси. Aнтони ќе започне предсезонски тренинзи со Манчестер Јунајтед доколку дотогаш не биде завршен договорот.

Aнтони му се приклучи на Бетис во јануари 2025 година. Бразилецот одигра 18 натпревари, постигна пет гола и четири асистенции.

Денес во „куќата на фудбалот“ се одржа седница на Управниот одбор на Фудбалската федерација на Македонија (ФФМ) на која беа донесени повеќе одлуки:

– Управниот одбор на ФФМ донесе одлука финалето од Купот на Македонија да се одигра на Националната арена „Тодор Проески“ во Скопје.

Финалниот натпревар меѓу екипите на Вардар и Струга Трим Љум ќе се одигра на 21. мај со почеток во 20:00 часот.

Медиумите од Шпанија пренесуваат дека Манчестер јунајтед остварил контакт со агентите на Жоан Гарсија, младиот голман на Еспањол има одлична сезона и со месеци се говори дека го бара „половина Европа“.

Андре Онана не ги оправдува очекувањата по трансферот од Интер, имаше нови големи киксови против Лион во Лига Европа, па се почесто се говори дека „ѓаволите“ кројат планови за ангажман на нов голман.

Последните информации велат дека Манчестер јунајтед остварил контакт со агентите на Жоан Гарсија.

23 годишниот голман на Еспањол има одлична сезона и со своите добри настапи го привлече вниманието на Барселона, Реал Мадрид, Атлетико Мадрид и многу други гиганти ширум стариот континент. Кога се пишува за неговата иднина, често се говори дека го бара „половина Европа“.

Жоан Гарсија има откупна клаузула од 25 милиони евра, која ќе порасне на 30 милиони евра во последните недели од летниот преоден рок. Сумата исто така може да порасне за дополнителни 5 милиони евра ако во меѓувреме голманот дебитира за репрезентацијата на Шпанија.

Старо-новите шампиони на Франција, фудбалерите на ПСЖ, во 31.коло го доживеаја првиот пораз оваа сезона во Лига 1. „Светците“ во минатото коло ја одбранија титулата, па овој пораз на домашен терен и не е изненадување.

Тимот од Азурниот Брег направи изненадување во 31. коло, победи во Париз со 3-1.

Тренерот на ПСЖ Луис Енрике на „Паркот на принцовите“ го изведе најсилниот состав.

Морган Сансон ја доведе Ница во водство во 34. минута, а пред паузата домашните одговорија преку Фабијан Руиз.

Сансон повторно постигна гол веднаш на почетокот од второто полувреме, во 46. минута, а Јусуф Ндаџишимије најави големо изненадување во 70. минута.

ПСЖ нападна на крајот, но Марчин Булка се истакна, завршувајќи го натпреварот со двоцифрен број интервенции.

Парижаните се први со 78 бода, додека Ница ги задржува шансите за пласман во Лигата на шампионите и моментално е четврта со 54 бода.

Дисциплинската комисија при Фудбалската федерација на Македонија денеска донесе одлука ФК Воска Спорт да биде казнет со одземање на 9 (девет) бодови од вкупниот број на освоени бодови во тековната натпреварувачка сезона од Прва МФЛ и парична казна од 2.500,00 евра поради напуштање на натпреварот со ФК Вардар во рамките на 28. коло од Прва МФЛ;

ФК Воска Спорт АД се казнува со парична казна во износ од 5.000,00 евра поради слаба организација на натпреварот со ФК Вардар АД од 28. коло во Прва МФЛ;

Нефи Усеини – претседател на ФК Воска Спорт АД се казнува со забрана на вршење на функција во траење од 2 (две) години и парична казна во износ од 1.500,00 евра. Дисциплинската мерка е изречена поради наговарање, односно повикување за повлекување на екипата на ФК Воска Спорт АД на натпреварот против ФК Вардар АД од 28. коло во Прва МФЛ;

Тренерот на ФК Воска Спорт АД, Арбри Клодиан е казнет со 2 (две) години забрана за вршење функција, додека капитенот на ФК Воска Спорт АД, Агон Хани доби казна – забрана за настап 1 (еден) месец.

Интересно е тоа што Фудбалската федерација на Португалија веќе подготвува планови да започне преговори со Мурињо доколку тој биде ослободен од Фенербахче.

Идејата добила поддршка и од Кристијано Роналдо, што дополнително ја зголемува веројатноста за можен трансфер на „Специјалниот“ на клупата на националниот тим на Португалија.

Мурињо одамна има изразено желба да ја предводи својата земја, а нестабилната атмосфера во Турција и честите контроверзии во кои се вклучува, можеби навистина ќе го одведат кон тој чекор.

Кејлор Навас се поврзуваше со Барселона кон крајот на минатата година кога Каталонците бараа голман откако Марк-Андре тер Штеген заработи сериозна повреда. Искусниот голман реши за прв пат да проговори на оваа тема.

„Дали Барселона ме контактираше кога Тер Штеген се повреди? Да, тие го контактираа мојот менаџер кој ме информираше дека има интерес да ме доведат. Тоа беше голем комплимент за мене, но и комплицирана ситуација“, вели Навас и продолжува.

„Доколку Флорентино Перез ме повикаше, со пливање ќе дојдев од во Мадрид од Костарика. Реал е посебен за мене, да ме прашаа ќе ја завршев кариерата таму.“

Костариканецот пристигна во Реал Мадрид во летото 2014 година од Леванте и остана пет години, освојувајќи сè што можеше со „кралскиот клуб“.

Сепак, кога ја изгуби позицијата прв голман во летото 2019 година, тој се пресели во ПСЖ. Тој бранеше и за Нотингем Форест, а во првиот дел од сезоната беше без клуб откако истече договорот со клубот од Париз.

Сепак, 38-годишниот голман се врати на сцената претходно оваа година кога потпиша за аргентинскиот Њуелс Олд Бојс.

Европската фудбалска асоцијација (УЕФА) отвори регионална канцеларија во Истанбул на пригодна свеченост на која присуствуваше и претседателот на Фудбалската федерација на Македонија (ФФМ), Масар Омерагиќ. Свеченоста беше одбележана со присуство на шефот на турската држава Реџеп Таип Ердоган, претседателот на УЕФА Александар Чеферин, како и речиси сите претседатели на фудбалските сојузи од регионот.

Поздравувајќи го отворањето на новата регионална канцеларија во Истанбул, првиот човек на ФФМ Омерагиќ истакна дека станува збор за стратешки проект за понатамошен развој и унапредување на фудбалската соработка во Југоисточна Европа.

„Преку оваа нова канцеларија, УЕФА ќе ја зајакне својата координација со земјите од регионот, а интеграцијата на европскиот фудбал ќе се продлабочи уште повеќе“, посочи Омерагиќ.

Фудбалерот, Илкај Гундоган, го потенцираше Кевин Де Брујнe, за најдобар играч во историјата на Манчестер Сити. Познaто е дека на крајот на сезоната Белгиецот ќе го напушти англискиот клуб.

„Тој е незаменлив. Знаеме дека никој не може да дојде и едноставно да го замени. Секако, некако ќе ја пополниме таа празнина, клубот секогаш успева да го направи тоа.

Тоа што Кевин го направи за овој клуб е неверојатно. Беше радост да го делам теренот со него толку многу години“, рече играчот од средниот ред на „граѓаните“.

Фудбалерот на Астон Вила, Маркус Рашфорд, кој игра како позајмен од Манчестер Јунајтед, не крие дека сака да го облече дресот на Барселона.

27-годишниот напаѓач кој нема да се врати на – „Олд Трафорд бидејќи не влегува во плановите на менаџерот, Рубен Аморим, има опција да остане во сегашниот тим за околу 40 милиони фунти или да направи трансфер во друг состав.

Ќе потсетиме дека Барса сакаше да го ангажира Рашфорд во текот на зимата но, не успеа поради одредени финансиски проблеми.