Италијанскиот фудбалски состав Фиорентина може да се обиде да го ангажира ветеранот, Томас Милер, кој на крајот на сезоната ќе го напушти Баерн Минхен.

Наводно, „виолетовите“ ги направиле првите контакти со агентот на 35-годишниот Германец кој целата кариера ја помина во Баварија.

Ќе потсетиме дека Фиорентина на времето ангажираше играчи на Баерн Минхен. Тоа беа Клаудио Пизаро и Франк Рибери.

Фудбалерот на Наполи, Давид Нерес, се соочува со повреда на мускулот на левата нога и дефинитивно ќе мора да оди на рехабилитација.

Тој бил на дополнителни прегледи и ќе мора да отсуствува најмалку неколку недели што значи дека ќе мора да пропушти поголем дел од натпреварите во Серија А.

Бразилскиот фудбалер не играше против Монца.

Натпреварувачка комисија во рамките на Фудбалската федерација го регистрираше прекинатиот натпревар Воска-Вардар со службени 3-0 за гостите од Скопје.

Воска е предадена на Дисциплинска комисија поради самоволно напуштање на теренот и поради слаба организација на мечот со „црвено-црните“ од 28. коло во првата лига.

Тренерот на Воска, Арбри Клодиан и капитенот, Агон Хани, ќе бидат под лупата на дисциплинците бидејќи ги повикаа играчите да се повлечат во соблекувалните.

Тренерот на Барселона, Ханзи Флик, изрази задоволство од победата над Мајорка од 1-0 во натпревар од Ла Лига. Каталонците можеа да постигнат и далеку позначаен успех, но тоа не го дозволија одличните интервенции на гостинскиот голман Лео Роман.

„Одигравме силен натпревар и создадовме многу шанси, затоа јас сум среќен. Нивниот голман одлично се снајде. Целиот тим на Мајорка добро се бранеше. Сепак, направивме помалку грешки во однос на претходните натпревари и тоа е позитивно”, изјави Флик.

Флик беше прашан и за „Ел Класико“ против Реал Мадрид во финалето на Купот на кралот. Тимот на Карло Анчелоти ќе има еден ден помалку за опоравување бидејќи вечерва патува за Хетафе.

„Ова може да биде предност, но не е задолжително. Имаше моменти кога бевме во потешка позиција. Реал има одличен тим и еден од најдобрите тренери – Анчелоти, кого многу го почитувам. Ни претстои одличен дуел. Барса и Реал секогаш се борат за трофеи – така беше и така ќе биде. Се надевам дека ќе победиме. Мора да бидеме фокусирани во текот на целиот натпревар“, заклучи тренерот на Барселона.

ПСЖ има 39 натпревари по ред без пораз на гости (30 победи, 9 нерешени), надминувајќи го рекордот на Милан поставен во 1993 година. Тренерот на ПСЖ, Луис Енрике, го оцени рекордот на тимот за најдолга серија без пораз на гостински терен во историјата на најдобрите 5 европски лиги.

Парижаните вчеравечер ремизираа со Нант (1:1) во одложеното 29. коло од францускиот шампионат.

ПСЖ има 39 натпревари по ред без пораз на гости (30 победи, 9 нерешени), надминувајќи го рекордот на Милан поставен во 1993 година.

„Да се ​​собори рекордот на Милан е посебно чувство, тоа е неверојатно. Оваа серија започна со Кристоф Галтие, па респект и за неговата работа. Сè е одлично, освен денешниот резултат, сакавме да победиме“, изјави Гвардиола..

ПСЖ оваа сезона предвреме стана шампион на Франција. На четири кола до крајот на турнирот, тимот е на првото место во Лига 1 со 78 бодови.

Луѓето од фудбалскиот состав, Манчестер Јунајтед, планираат да испратат понуда за голманот на Парма, Сион Сузуки.

22-годишниот играч кој е роден во САД, настапува за селекцијата на Јапонија. Тој во летото во 2024 година го напушти белгискиот клуб Сен-Труден и за 7,5 милиони евра се пресели во Италија.

Медиумите наведуваат дека неговата ослободителна клаузула се движи околу 40 милиони евра.

Винисиус Жуниор донел одлука да го продолжи договорот со Реал Мадрид, објавија шпанските медиуми.

Информацијата дека Бразилецот нема намера да го напушти Мадрид и покрај финансиски неверојатната понуда што ја добил од Саудиска Арабија, ја објави новинарот Ману Карено во неговата емисија „Ел Ларгеро“, а во текот на ноќта ја пренесоа и двата реномирани мадридски медиуми, „АС“ и „Марка“.

Споменатиот новинар тврди дека менаџерите на 24-годишниот фудбалер во изминатите денови неколкупати се сретнале со челниците на Реал и дека повеќето детали се договорени, а официјалното соопштение за продолжување на соработката се очекува веднаш по завршувањето на сезоната. Неизвесно е само дали новиот договор ќе биде потпишан на две или три години.

Наводно, Винисиус успеал да го убеди Флорентино Перез да му ја зголеми платата која според договорот потпишан во 2022 година во просек изнесува 15.000.000 евра по сезона.

Извесно е дека Манчестер сити во летниот преоден рок ќе добие нов голман. Медиумите шпекулираат дека португалски голман ќе дојде на местото на Бразилецот Едерсон.

„Граѓаните“ решија да се разделат со Кевин Де Брујне, а се чини дека истото ќе го направат и со долгогодишниот голман.

Како што дознава „Фут Меркато“, наследник на Едерсон на голот на Манчестер сити би требало да биде голманот на Порто, Жоао Коста.

Португалскиот репрезентативец неколку сезони брани во врвна форма, јасно е дека Порто нема да го пушти така лесно. се шпекулира дека Сити ќе треба да плати 75 милиони евра колку што изнесува откупната клаузула.

Инаку и Едерсон во Сити дојде од Португалија, од редовите на Бенфика. „Граѓаните“ во 2017 година за неговиот трансфер издвоија 40 милиони евра.

Фудбалерите на Барселона славеа минимална, но важна победа од 1-0 над Мајорка и така ставија притисок врз Реал Мадрид кој во натпреварот против Гетафе од 33. коло ќе влезе со негатива од седум бода од Барселона на врвот на табелата.

Доминираше денес Барселона од почетокот на натпревар, се реда шанси пред голот на Лео Роман, но чуварот на мрежата на гостите беше одличе ни имаше неколку одлични интервенции.

Сепак, не можеше ништо да направи по 40-тина секунди игра кога Олмо ја искористи асистенцијата од Гарсија и погоди за 1-0 и победа.

Треба да се истакне и дека Роман со своите 13 одбрани вечерва постави и рекорд во Ла Лига за оваа сезона со најмногу одбрани на еден натпревар. Барселона го заврши натпреварот со вкупно неверојатни 40 удари.

Фудбалерите на Манчестер Сити ја победија Астон Вила со 2-1 во 34. коло од Премиер лигата.

Првиот меч од 34.коло донсе драматичен финиш и неочекуван херој на Манчестер Сити, Матеус Нинеш кој погоди за победа во 94.минута.

Момците во светлосини дресови брилијантно го отворија овој натпревар и поведоа со голот на Бернардо Силва во 7. минута. Само девет минути подоцна беше досуден пенал за гостите од Бирмингем по ВАР консултации, одговорноста ја презеде Маркус Рашфорд и изедначи на 1-1.

Сити доминираше на овој натпревар. Имаше многу поголем посед на топка, постојано напаѓаше и се обидуваше да постигне гол, а Мартинез брилијантно го запираше секој нивен обид.

По 90 минути игра, судијата Крег Паусон ја продолжи играта на уште 5 минути, а кога се чинеше дека натпреварот ќе заврши нерешено, тогаш Сити го зададе конениот удар.

Во 94. минута Матеуш Нунеш на асистенција на Доку му донесе победа на Манчестер Сити.

Сити скокна на третото место со 61 бод, еден повеќе од Нотингем Форест, два од Њукасл и четири од Челси и Астон Вила. Овое пет тима се борат за преостанатите три места во Лигата на шампионите.