Германската фудбалска федерација (ДФБ) го зголеми наградниот фонд за Купот на Германија на 75 милиони евра, што е зголемување од 800.000 евра во однос на минатата сезона, објавија медиумите во Германија.

Сите 64 екипи што учествуваат во првото коло ќе добијат по 211.886 евра, при што победникот ќе добие 4,32 милиони евра, додека второпласираниот ќе добие 2,88 милиони евра.

Овогодинешниот турнир на Купот на Германија започнува во петок, а финалето е закажано за 23 мај во Берлин.

Американскиот спортски портал ЕСПН ги избра најдобрите тренери во Европа. Во изборот влегоа само тренерите кои се на чело на клуб најмалку една година. Оние кои водат национални тимови и оние кои се невработени повеќе од една сезона беа исклучени од изборот.

Најдобар тренер според ЕСПН е предводникот на ПСЖ, Луис Енрике. Арне Слот (Ливерпул) и Пеп Гвардиола (Манчестер сити) се најдоа меѓу првите 3.

Во Топ 10 влегоа и: Пеп Гвардиола (Манчестер сити), Чаби Алонсо (Реал Мадрид), Ханс-Дитер Флик (Барселона), Микел Артета (Арсенал), Антонио Конте (Наполи), Симоне Инзаги (Ал-Хилал) и Џан-Пјеро Гасперини (Рома).

Алонсо во изборот влезе поради резултатите постигнати со Баер Леверкузен, Гасперини со Аталанта, додека Инзаги поради оствареното со неговиот поранешен клуб Интер.

Најпопуларната фудбалерка во светот, Алиша Леман, го напушти Јувентус по само една сезона со гигантот од Торино.

Леман се збогува со „старата дама“ со емотивен пост на Инстаграм, каде што ја следат 16 милиони луѓе.

„Поздрави бјанконери, како сте? Сакам да ви се заблагодарам за оваа фантастична година, особено на моите соиграчи и неверојатните навивачи. Напорната работа што ја вложивме минатата сезона и титулите што ги освоивме. Тим што никогаш нема да го заборавам. Не само што имав соиграчи, туку бевме семејство и создадовме доживотни пријателства. Напуштањето на толку неверојатен клуб и луѓе блиски до мене беше многу тешка одлука. Овој клуб, овој тим и овие навивачи секогаш ќе имаат посебно место во моето срце“, сподели Леман.

Кратко по таа порака, се појави пост на официјалната веб-страница на Комо, уште еден италијански клуб што ја претстави Леман како негово најново засилување.

Англиските медиуми тврдат дека Ливерпул веќе има договор со Марк Гуехи, 25-годишниот дефанзивец на Кристал Палас кој уште од минатата сезона е најбаран стопер во Премиер лигата.

Лондонскиот клуб потврди дека е подготвен да се раздели со Гуехи, најмногу поради тоа што неговиот договор истекува следното лето, а тоа му дава можност на Ливерпул да го реализира овој трансфер по попристојна цена.

Најавите се дека Ливерпул веќе има договор со фудбалерот, па останува уште само да ги прецизира деталите со Палас, по што ќе го промовира новиот член на првиот тим.

Сумата од околу 35 милиони евра би била оптимална за двете страни, а Ливерпул ќе добие квалитетен дефанзивец во периодот кога не е јасно дали Ибрахим Конате ќе го продолжи договорот или ќе замине како слободен агент наредното лето.

Фудбалерите на Шкендија претрпеа убедлив пораз со 5-1 на гостувањето кај Карабах и со вкупни 6-1 се елиминирани од првакот на Азербејџан. Ова беше реванш натпревар од третото квалификациско коло од Лигата на шампионите.

Македонскиот првак поведе во 10.минута со голот на Фабрис Тамба, но домашните брзо дојдоа во водство. Прво Клисман Цаке постигна автогол во 16. минута за 1-1, а Кади две минути подцна погоди за водство од 2-1. Карабах ја зголеми предноста откако повторно за три минути постигна два гола. На 3-1 зголеми Нармин Акундзаде во 33.минута, а Марко Јанковиќ беше сигурен од пенал во 35.минута за 4-1. Конечните 5-1 ги постави Леандро Андраде во 59.минута.

По елиминацијата од Лигата на шампионите Шкендија ќе игра во баражот за Лига Европа со поразениот од натпреварот Ференцварош – Лудогорец.

Манчестер Сити ќе се обиде да го доведе италијанскиот голман од ПСЖ, Џанлуиџи Донарума, во случај на заминување на главниот голман на „граѓаните“ Едерсон, објави „РМЦ Спорт“. Претходно беше објавено дека Едерсон би можел да се пресели во Галатасарај.

Според изворот, Манчестер Сити веќе започнал разговори со преставници на Италијанецот, кој е многу ценет и од Пеп Гвардиола.

Договорот помеѓу Донарума и Манчестер Сити нема да биде проблем, бидејќи играчот е многу интересен за клубот.

Да потсетиме дека договорот на Донарума со ПСЖ истекува во летото 2026 година. Според изворот, нема договор меѓу играчот и клубот за продолжување на соработката.

На 9 август, ПСЖ го објави трансферот на голманот Лук Шевалие од Лил. Се забележува дека Донарума мора да го напушти клубот пред 31 август, во спротивно ќе остане без тренинг за сезоната 2025/2026, за што главниот тренер на парижаните Луис Енрике веќе го предупреди.

Италијанскиот новинар Матео Морето објави дека македонскиот репрезентативен голман Столе Димитриевски има три опции за да ја продолжи својата фудбалска кариера. Откако во Валенсија очигледно нема да биде прв избор за чувар на мрежата, Столе сега е на потег да избере нова средина.

Морето пишува дека Лил, Фенербахче и италијанска Џенова се заинтересирани за услугите на нашиот репрезентативец. Најголем интерес очигледно има од Фенербахче предводен од Мурињо, но отворени се и преостанатите две опции.

Македонската репрезентација ќе одигра контролен натпревар против Саудиска Арабија на 4 септември во рамки на официјалниот ФИФА термин. Дуелот ќе се одигра на стадионот „Викторија“ во Прага, Чешка, со почеток во 17:00 часот.

Ова ќе биде трет меѓусебен натпревар помеѓу двете репрезентации. Првиот се одигра на 1. август 2001 година во Ријад и заврши без победник (1:1). Вториот меч беше на 22. октомври 2022 година во Абу Даби, кога Саудиска Арабија славеше со 1:0. За Македонија на натпреварот настапија фудбалери од домашниот шампионат.

Контролниот меч во Прага ќе биде важен тест за нашите најдобри фудбалери и можност за селекторот Благоја Милевски да ја провери формата и тактичките замисли пред продолжението на квалификациите за Светското првенство 2026. Само три дена подоцна, на 7 септември, Македонија ќе го пречека Лихтенштајн на Националната арена „Тодор Проески“ во Скопје.

Ливерпул е во напредна фаза од преговорите за доведување на стоперот на Кристал Палас, Марк Гуеи, додека летниот преоден рок влегува во своите последни недели. Засилувањата во одбраната се приоритет за англискиот шампион, а Гуеи е идентификуван како клучна цел во тој процес.

Англискиот репрезентативец и капитен на Кристал Палас има уште само една година од договорот, што го става клубот под притисок да го продаде сега, за да избегне да го загуби без надомест следното лето. Се верува дека Гуеи веќе постигнал личен договор со Ливерпул, а разговорите меѓу клубовите се во напредна фаза. Договор вреден околу 35 милиони фунти е блиску до финализација.

Покрај Гуеи, Ливерпул има сериозен интерес и за Џовани Леони, 18-годишен дефанзивец од Парма. Клубот го гледа Леони како долгорочна инвестиција и дел од поширока стратегија за создавање стабилна одбранбена линија. Додека Гуеи би донел искуство и лидерство, Леони се смета за талентиран играч со голем потенцијал.

Овие чекори го одразуваат внимателното планирање на тимот од „Енфилд“, по лето исполнето со одредени заминувања. Со јасна намера да обезбеди и квалитет и длабочина во тимот, Ливерпул се подготвува за уште една интензивна сезона на домашната и европската сцена.

Челси ги засили своите напори за ангажман на Алехандро Гарнаџо, влегувајќи во напредни преговори со Манчестер Јунајтед во обид да го обезбеди потписот на аргентинското крило.

Гарнаџо, кој има 21 година, јасно ставил до знаење дека сака преселба на „Стемфорд Бриџ“ и веќе ги договорил личните услови со лондонскиот клуб. Разговорите меѓу двата премиерлигаши траат подолго време, но во последните денови забележан е значителен напредок кон финализирање на трансферот.

Јунајтед го проценува Гарнаџо на сума меѓу 50 и 60 милиони фунти и е подготвен да го пушти како дел од пошироката реконструкција на тимот ова лето. Клубот неговото заминување го гледа како дел од таа поголема промена.

Челси, охрабрен од неодамнешните успеси, гледа во Гарнаџо клучно засилување за офанзивата. Со играчот кој е целосно посветен на трансферот и со одбивање на другите понуди, расте оптимизмот дека договорот наскоро ќе биде финализиран.