Напаѓачот на Манчестер Јунајтед, Расмус Хојлунд, ги одигра првите
минути на викенд-дербито со Арсенал.
Иако неговиот тим загуби, фудбалерот вели дека е среќен што
конечно можеше да го облече дресот на „црвените ѓаволи“.
Данецот пред неколку недели беше купен од Аталанта но, при
лекарските прегледи беше констатирано дека има полесна повреда на
грбот што го одложи неговиот прв настап за англискиот тим.

ПСЖ и Килијан Мбапе постигнале „џентлменски договор“ со кој
напаѓачот беше вратен во тимот на „светците“, открива еминентнот
„Екип“.
Мбапе долго време тренираше сам како казна за тоа што одби да ја
продолжи соработката со „светците“ до јуни 2025 година.
На крајот двете страни постигнале договор според кој францускиот
репрезентативец наместо 100 милиони евра кои требал да ги добие
како бонус за верност во следната година ќе инкасира сума меѓу 60 и
80 милиони.
Според „Екип“ на средбите е договорено бонусот од 100 милиони да
се намали, а Мбапе да се врати во екипата.
Мбапе не се предомислил и останува на истиот став, да ја одработи
последната година од договорот и потоа како слободен играч да се
пресели во Реал Мадрид.

Ал Итихад доцна синоќа испрати нова понуда за трансфер на Мохамед Салах во Ливерпул.

Со вклучени бонуси и под услов англискиот гигант да ја прифати, таа понуда може да стане рекордно висок трансфер. Делегација на клубот од Саудиска Арабија од саботата е во Англија каде се обидува да изврши притисок врз Ливерпул.

Последната понуда за египетскиот напаѓач е фиксна 175 милиони евра, а со бонуси може да се искачи на 251,5 милиони евра. Сепак најскап трансфер е оној во кој Нејмар во 2017 година од Барселона пристигна во ПСЖ.

Парискиот клуб тогаш го донесе за 222 милиони евра.

Салах е под договор со Ливерпул со кој беше англиски и европски шампион до летото 2025. На 309 натпревари за него постигна 188 и асистираше на 81 гол.

Еден Азар се уште е во потрага по нов клуб, а најновите информации се дека кариерата може да ја продолжи во Серија А.

Азар е слободен агент откако во јуни му заврши договорот со Реал Мадрид и долго време се шпекулира со неговата иднина. Тој има понуди од Саудиска Арабија и САД, но сега пристигнала примамлива понуда од Италија.

Имено, Мурињо сака да го доведе во Рома и веќе имал разговор со Азар да го убеди да му се придружи на „Олимпико“.

Рафаел Пимента кој му е менаџер задолжен за трансфери на Пол
Погба, набрзо ќе има средба со раководството на Јувентус за да
издејствува продолжување на договорот кој ќе истече во 2025 година.
Францускиот фудбалер кој голем период се измачуваше со повреди,
веројатно ќе прифати намалување на платата само за да остане што
подолго во редовите на „старата дама“.
Погба се врати во Торино пред речиси една година но, одигра само
седум мечеви. Тој со оглед на малата минутажа отпадна од списокот
на Франција за претстојните мечеви.

Каспер Шмахјел кариерата ја продолжува во Белгија во редовите на
Андерлехт.

Шмајхел со Андерлехт ќе стави потпис до крајот на актуелната
2023/2024 сезона. Екс-капитенот на англиски Лестер на крајот на
минатиот месец остана без клуб кога беше ослободен од Ница.
Во меѓувреме медиумите во Белгија објавија и дека блиску до потпис
со овој клуб е Торган Азар од Борусија Дортмунд. Според најавите
братот на Еден Азар ќе потпише договор на четири години за сума од
околу пет милиони евра.
Преодниот рок во Белгија е отворен до утре, па набрзо се би требало
да биде официјализирано.

Кике Сетиен кој во минатото ја водеше Барселона доби отказ од
Виљареал.
Во новата сезона Сетиен во првите четири кола од Ла Лига освои
само три бода, па тоа резултираше со негова смена.
На местото тренер на Виљареал, Сетиен го наследи Унаин Емери кој
ја презема Астон Вила.
„Сакаме да објавиме дека тренерот на првата екипа, Кике Сетиен
повеќе не е дел од клубот. Му благодариме за посветеноста и
професионализмот што ни помогна во тежок момент минатата сезона, резултатите на последните натпревари беа причина да се одлучивме на ваков потег“, објавија од „жолтата подморница“.

Даниел Поденс се врати во Грција. 27-годишниот португалски крилен
напаѓач беше купен од Олимпијакос од страна на Вулверхемптон во
јануари 2020 година, а сега се враќа назад во Атина како позајмен
играч.
Од премиерлигашот потврдуваат дека го позајмиле до крајот на
сезоната. Волвс во исто време наведуваат дека ја продолжиле
соработката со Португалецот до 2025 година и дека имаат опција за
уште една година.
Покрај Поденс, Олимпијакос го потврди и црногорскиот
интернационалец Стефан Јоветиќ.

Скоро три месеци откако ја напушти Херта, капитенот на Црна Гора, Стеван Јоветиќ пронајде нов дестинација.

Јоветиќ ќе игра за грчки Олимпијакос. Напаѓачот отпатува во Атина каде што ќе потпише договор со клубот од главниот град на Грција. Оваа информација ја објави медиумите во Грција, а новинарот на Мега ТВ Никос Коцис наведе дека Јоветиќ ќе потпише договор на една година со опција да биде продолжен на уште една.

Откако настапуваше во петте најсилни лиги за Фиорентина, Манчестер Сити, Интер, Севиља, Монако и Херта сега ќе се проба и во шампионатот на Грција. Со Олимпијакос го очекува и настап во Лигата на Европа.

Нејмар го нападна својот поранешен клуб Пари Сент Жермен.

Нејмар пред неколку седмици се пресели во Саудиска Арабија во дресот на Ал-Хилал, а сега открива дека поминал низ пекол во Париз.

Во интервју за бразилскиот „Глобо еспорте“ Нејмар зборуваше и за својот пријател Меси, со кого заедно ова лето го напуштија ПСЖ.

„Бев многу среќен за неговата година, но во исто време и многу тажен, бидејќи тој ја живееше и другата страна на паричката. Отиде до рајот со Аргентина, освои што можеше во последните години, а во Париз преживуваше пекол, и тој и јас“, вели Нејмар.

Меси и Нејмар беа исвиркувани од навивачите по елиминацијата во Лигата на шампионите последните две години, а ултрасите на ПСЖ неколку пати оваа сезона со транспаренти пратија погрдни пораки кон двајцата.

„Секако дека тоа не вознемируваше, бидејќи не бевме таму за да не правиме ништо, туку да го дадеме најдоброто, да бидеме шампиони, да се обидеме да напишеме историја. За жал, не успевме во тоа“, вели Нејмар.