Фудбалерите на Бетис убедливо ја победија Џирона на гости со резултат 1-3 во последниот натпревар од 32.коло на шпанската Ла Лига. Македонскиот репрезентативец, Бојан Миовски, поразот на својот тим го гледаше од клупата за резерви.

Полуфиналистот од Конференциската лига ја продолжи добрата форма на стадионот „Монтилви“ и до крајот на сезоната ќе води голема борба за пласман во Лигата на шампионите. .

Веќе во шестата минута Џони Кардосо на додавање на Иско ја најави победата на тимот од Андалузија.

Во 39. минута Антони го удвои водството, а три минути подоцна Иско зголеми на 3:0.

Џирона во вториот дел успеа само да постигне утешен гол преку Кристијан Стуани во 86. минута.

Бетис, сега е на шестата позиција со 51 освоен бод, додека Џирона е на 16. место со 34 бодови и до крајот на сезоната ќе се бори за опстанок во лигата.

Принцот Абдулазиз бин Турки Ал-Фаисал тврди дека Саудиска Арабија може да организира Светско првенство во фудбал на кое ќе играат дури 64 репрезентации.

Во светот се води дебата дали Мундијалот да се прошири на 64 репрезентации. За многумина тоа е луда идеја, но нејасно е дали ФИФА ќе го прифати овој предлог.

Како и да е, Саудиска Арабија која ќе биде домаќин на СП 2034 година, вели дека нема проблем да организира еден таков гломазен настан со толку многу репрезентации.

Принцот Абдулазиз бин Турки Ал-Фаисал вели дека тие не се против идејата за проширување на Мундијалот. Ќе ги реконструираат и изградат стадионите кои ќе бидат вкупно 15 на број и ќе ги задоволат потребите.

Тој исто така ја потврди одлуката која нема да им се допадне на грото од фановите, а тоа е дека на СП 2034 нема да има алкохол затоа што е забрането во нивната земја.

Но, дотогаш има уште девет години, Саудиска Арабија е земја која сака да ги следи европските трендови и иако беше една од најстрогите и најзатворени земји, полека низ годините го олабавува режимот, па до 2034 многу работи може да се случат.

Тренерот на Баер Леверкузен, Чаби Алонсо е свесен дека шансите на тимот да ја одбрани титулата во Бундеслигата се минимални.

„Мора да бидеме реални и да кажеме дека имаме само математички шанси да ја освоиме титулата во Бундеслигата“, изјави Алонсо, пренесуваат денеска германските медиуми.

На четири кола до крајот на Бундеслигата, тимот од Леверкузен е на второто место на табелата со осум бода помалку од првопласираниот Баерн Минхен.

Леверкузен до крајот на сезоната ќе игра натпревари против Аугсбург, Борусија Дортмунд, Фрајбург и Мајнц, додека Баерн ќе се сретне со Мајнц, Лајпциг, Борусија Менхенгладбах и Хофенхајм.

Тренерот на Милан, Серж Консеисао, зборуваше за својата иднина по поразот од Аталанта во Серија А.

Славниот италијански тим тоне се подлабоко и подлабоко. Веќе во првата полусезона стана јасно дека нема да се борат за титулата во Серија А, а сега со 33 бода се се подалеку од местото на табелата кое води на едно од европските натпреварувања, па големи се шансите следната сезона да не учествуваат на ниту едно меѓународно натпреварување.

Милан ја има речиси единствената реална шанса да стигне до Европа доколку го освои Купот на Италија. Во среда во полуфиналето ќе се сретне со Интер (прв натпревар 1:1), што е меч кој според тамошните медиуми би можел да ја реши судбината на Португалецот на клупата на клубот.

„Откако пристигнав, го освоив Суперкупот и победив во првиот меч од Серија А и покрај тоа сите зборуваа кои тренери кои би можеле да дојдат во Милан.

Во фудбалот сум 40 години, ако мене ме прашате се е во ред, но луѓето со кои работам ги следат сите овие приказни и тоа не ни помага да се стабилизираме. Мораме да работиме денес за да бидеме подобри утре. Искрено понекогаш ми е тешко кога гледам со колку малку почит зборуваат луѓето за тренерот на Милан како никогаш да не сум бил во соблекувалната, како никогаш да не сум бил во фудбалот. Тоа не е точно. Мојата однина е утре, да го подготвам мечот со Интер на најдобар начин и да го освоиме трофејот. Не знам кога последен пат Милан освоил два трофеи во една сезона, но тоа не е нормално“, изјави Консеисао.

Капитенот на фудбалскиот состав Ливерпул, Вирџил ван Дајк ја коментираше ситуацијата со бекот, Трент Александер-Арнолд, кој вчера на мечот со Лестер влезе како замена и им донесе победа на „црвените“.

Познато е дека договорот на 26-годишниот дефанзивец ќе истече на крајот од сезоната и тој ќе го напушти клубот како слободен играч. Според одредени најави, Арнолд ќе замине во Реал Мадрид.

„Секој има мислење за тоа што се случува. Има многу врева околу него и некои би можеле да речат дека тоа е негова вина но, тоа е дел од животот”, изјави Ван Дајк.

Италијанската фудбалска федерација соопшти дека сите денешни натпревари се прекинати поради почит кон починатиот папа Франциско.

Одлуката се однесува на сите нивоа на натпреварување – од највисоката лига Серија А до аматерски натпревари.

Во соопштението на Федерацијата се вели дека „тагува поради смртта на папата Франциско“.

Тренерот на фудбалерите на Ливерпул, Арне Слот, не крие дека е задоволен од победата на гостувањето кај Лестер со која е направен значаен чекор кон освојување на титулата во Премиер-конкуренцијата.

„Доминиравме на целиот натпревар иако противникот имаше добри моменти. Тие се обидува да играат квалитетен фудбал а ние пропуштивме многу шанси.

Секој тренер во светот би му дозволил на Трент да игра. Тој работеше многу напорно во изминатите пет и половина недели за да се врати на теренот“, рече Слот.

Тренерот на Интер Мајами, Хавиер Маскерано, одговори на прашање во каква состојба е напаѓачот Лионел Меси по победата над Колумбус (1-0) во натпреварот од регуларниот дел од МЛС лигата. Тренерот на Интер Мајами: Меси не е задоволен од својот настап

Аргентинецот го одигра целиот натпревар на теренот, но не успеа да постигне гол.

„Меси е добро. Зборував со него во соблекувалната. Тој не е задоволен од својата изведба, но добро е“, изјави Маскерано по мечот.

Вкупно, Меси оваа сезона настапи на 10 натпревари за Интер Мајами, постигнувајќи 8 гола и 3 асистенции.

Раководството на Манчестер Сити размислува да го ангажира голманот на Порто, Диого Коста ова лето, пренесе британски „Мирор“.
Сити купува голман од Порто

„Граѓаните“ сметаат дека оваа сума е превисока и очекуваат дека ќе можат да го купат играчот за 50 милиони, со оглед на добрите односи меѓу новиот спортски директор на англискиот клуб Уго Вијана и агентот на играчот – Жорге Мендеш.

Коста оваа сезона забележа 41 настап за Порто во сите натпреварувања, задржувајќи ја мрежата „сува“ дури 18 пати.

Неговиот договор со португалскиот клуб е до летото 2027 година.

Осман Дембеле кој со Пари Сен Жермен пред време ја обезбеди титулата во Франција и воедно влезе во плу-финалето во Лигата на фудбалските шампиони, вели дека не размислува за престижната награда – „Златна топка“.

„Борбата за „Златната топка“? Најважно е што ПСЖ сега игра како тим. Има уште долг пат да се помине и за мене нема ништо поважно од колективните трофеи”, изјави Дембеле.

ПСЖ во елитната конкуренција на Европа го очекуваат пресметките со Арсенал кој успеа да го елиминира бранителот на тронот, Реал Мадрид.