Милан и Интер ќе видат битка за потписот на играчот на Баерн Минхен, Рајан Гравенберх, пренесува „Калчомеркато“.

21-годишниот холандски талент блесна во дресот на Ајакс и направи трансфер во Баерн, каде не добива голема минутажа и е спремен да ја промени средината. Самиот играч јавно го изрази незадоволствот од малата минутажа и сака да направи трансфер ова лето, а Баерн за неговара слобода бара 30 милиони евра.

Миланските гиганти се во потрага по засилување за средниот ред и сакаат да ја искористат ситуацијата.

Двата клуба наскоро ќе почнат преговори за едногодишна позајмица со право на откуп следното лето за 25 милиони евра.

Леон Горецка стана предмет на сериозен интерес на Манчестер Јунајтед. Исто така, уште 2-3 европски врвни клубови се заинтересирани за играчот, објави „Скај Спорт Германија“.

Клубот од Минхен е подготвен да го пушти германскиот фудбалер доколку добие сериозна понуда од 40 до 50 милиони евра. Тренерот на Баерн Минхен Томас Тухел планира да го користи Конрад Лајмер во средниот ред во пар со Џошуа Кимих и не смета на Горецка како главен играч.

Самиот Леон не сака да си замине, но може да се премисли во случај на малку време на теренот. „Црвените ѓаволи“ внимателно ја следат ситуацијата околу играчот и покрај потписот на Мејсон Маунт. Исто така, за играчот се заинтересирани уште 2-3 европски врвни клубови, кои се подготвени да го ангажираат доколку играчот биде достапен на трансфер пазарот.

Горецка (28) на 40 натпревари минатата сезона за Баерн во сите натпреварувања постигна шест гола и имаше шест асистенции. Проценетата цена на овој фудбалер е 45 милиони евра.

Баерн Минхен е подготвен да го направи најголемиот клупски трансфер, односно да платат рекорден износ за фудбалерот на Реал, Аурелио Чуамени.

Германскиот шампион е сигурен дека Реал Мадрид ќе ја прифати понудата, доколку таа отиде над 100 милиони евра за Чуамени.

Моменталниот трансфер рекорд во Баерн го држи Лукас Ернандез во 2019 година, кога Баерн Минхен за неговите услуги на Атлетико Мадрид му плати 80 милиони евра.

Но во Реал Мадрид откако ова лето потрошија нешто повеќе од 130 милиони евра за трансферите на Џуд Белингем, Арда Гулер, Фран Гарсија и Хоселу, Реал сега има ограничен буџет и по се судејки, ќе мора да продадат некој за да купат уште нешто.

Тешката повреда на лигаментите на коленото сигурно ќе го оддалечи Тами Абрахам надвор од терените во наредните девет месеци, поради што Рома е принудена дефинитивно да бара решенија во нападот.

Голема желба е Џанлука Скамака од Вест Хем, со кого наводно има начелен договор, но Волчицата сака летово да го освежи нападот со двајца центарфори. Ова се должи на мизерниот настап на Андреа Белоти кој не постигна гол во Серија А минатата сезона, завршувајќи со само четири гола во другите натпреварувања. Едноставно, Жозе Мурињо сака напаѓачи кои можат да ја затресат мрежата, Белоти не се покажа како вистинскиот избор и затоа Специјалниот се сврте кон Алваро Мората.

Наводно нема проблем да дојде, дури се споменува дека Рома е подготвена да понуди четиригодишен договор вреден 4.500.000 евра по сезона, без разлика што во Атлетико би можел да заработи 6.000.000. Тоа е помала пречка отколку договор со „рохибланкос“, кој се уште се чека.

Фудбалерот на Црвена Звезда, Гејлор Канга се најде под истрага за можно лажирање на годините откако во јавноста се појавија докази дека неговата мајка била почината четири години пред неговиот датум на раѓање.

Низ годините веќе навикнавме на вакви случаи кога во прашање се фудбалерите од афричкиот континет, многу често се појавуваа фудбалери кои изгледаа многу повозрасно за своите години. Проблемот во најголем дел од случаите се открива подоцна бидејќи фалсификатот не се менува и тие продолжуваат да живеат со погрешниот датум на раѓање.

Канга во овој момент има 32 години бидејќи според неговите документи тој е роден 1990 година, но сега се појавија докази дека мајката на Канга починала 1986 година.

Исто така Канга е обвинет дека не е ниту Габонец, затоа што е роден во ДР Конго како Киаку Киаку Канга на 5 октомври 1985 година што би значело дека во овој момент има 37 години.

Фудбалерот јавно не се огласил, вакви сомневања постоеа и пред две години, меѓутоа сега доказите се многу цврсти, па не е исклучено Канга да добие сериозна казна. Постои голема веројатнот во целиот случај да е вклучена и Фудбалската федерација на Габон.

Никола Секулов и официјално ја заврши својата епизода во Јувентус каде што настапуваше од најмладите категории и сега е нов член на Кремонезе.

Секулов кој се одлучи да го носи дресот на италијанската репрезентација беше дел од Јувентус од најрана возраст, а во последниот период играше за У23 тим, повремено и тренираше со првиот тим. Во изминатата сезона, Секулов доби и повик за дербито со Интер, но Алегри не му даде минутажа.

Кремонезе оваа сезона испанда од Серија А и во новата сезона ќе се натпреваруваа во Серија Б, па се очекува Секулов да биде стандарден играч.

Првите фудбалски чекори, Секулов ги направи во Пијаченца каде што е роден, потоа беше во Парма, па во Јувентус.

Новинарите на лондонски „Дејли Мејл“ составија листа на играчи чии трансфери оставиле голема трага во англискиот фудбал, а за нив или воопшто не било платено обесштетување или биле ангажирани за симболична сума.

Број еден во изборот на „Дејли Мејл“ е Французинот Ерик Кантона, кој во 1992 година дојде во Манчестер јунајтед од Лидс за 1.5 милиони евра. Неговиот трансфер не беше ниту меѓу првите пет тоа лето. Втор на листата е сонародникот на Кантона, Патрик Виера, кој од Милан за 3.5 милиони евра го засили Арсенал во 1996 години.

Меѓу Топ 3 највредни трансфери во историјата на Премиер лигата во изборот на лондонскиот весник е и доаѓањето на Џејми Варди од нисколигашот Флитвуд во Лестер во 2012 година.

Варди со Лестер ја освои шампионската титула, стекнувајќи и статус на репрезентативец, а Лестер за неговите услуги плати 1.2 милиони евра.

Шпанскиот фудбалски шампион Барселона ќе се соочи со премиерлигашот Тотенхем Хотспур во дуел за Гампер Купот на 8 август.

Поради реконструкција на стадионот на Каталонците „Камп ноу“, натпреварот ќе се одигра на Олимпискиот стадион „Луис Компанс“ исто така во Барселона.

Ова ќе биде завршниот натпревар од претсезоната на каталонскиот клуб во пресрет на гостувањето кај Хетафе од првото коло на Ла Лига, кое ќе се одржи на 13 август.

Садио Мане кариерата ја продолжува во Саудиска Арабија и тоа во 

клубот Ал Наср, кој неодамна доби забрана за трансфери од ФИФА.

Клубот во кој настапува и Кристијано Роналдо, ќе упати вербална нота, односно молба до ФИФА за барем овој трансфер период да им биде слободен, за да може да ја подготват добро екипата за идните неколку трансфери периоди во кои ќе бидат блокирани.

Но постои и опција доколку Ал Наср им исплати 460.000 евра на Лестер, казната може да биде редуцирана.

Преговорите помеѓу Сенегалецот и саудисиот клуб одат во добар правец и наводно веќе се договорени конкретни бројки во овој договор. Мане наскоро треба да биде официјализиран во новиот клуб.

Бенџамин Павард сака да го напушти Баерн во летниот трансфер период.

24-годишниот Французин има договор со Баерн до 2024 година, но одби да го продолжи договорот, па најверојатно ќе ја промени средината ова лето.

Интерес за Французинот покажуваат неколку европски клубови, а фаворит е Манчестер Сити, кој веќе почнал преговори со агентот.

После заминувањето на Вокер, Гвардиола го сака Павард како идеално засилување за десната бековска позиција.