Репрезентативката на Макеонија и една од нашите најдобри фудбалрки, Улза Максути се врати во редовите на Љуботен.

Максути во македонскиот фудбал се враќа по кратката епизода во албанскиот Грамаши, а неколку години наназад е најдобар стрелец во женското првенство.

Покрај Љуботен низ кариерата беше дел уште од Унје Кадин од Турција и струшкиот АС Јунајтед.

„Улза се врати да го довршиме тоа што заедно го почнавме во август! Победите во лигата на шампионите во август ќе ги зачиниме со победи до нова титула. За Улза не треба многу зборови, најдобар стрелец во македонското првенство неколку години наназад, вистинско засилување во нападот со кое се надеваме на многу погодоци!“, порачаа меѓудругото од Љуботен.

Фудбалерите на Манчестер сити одлучија да ги надоместат трошоците за билетите на сите навивачи кои патуваа на гостувањето кај Бодо/Глимт во рамки на Лигата на шампионите, натпревар на кој англискиот шампион претрпе пораз од 1-3.

Натпреварот го одбележа и исклучувањето на Родри, кој во второто полувреме доби два жолти картона за помалку од една минута. Поразот во Норвешка дојде само четири дена по неуспехот во градското дерби против Манчестер јунајтед на „Олд Трафорд“, со што Сити запиша само две победи на последните седум натпревари во сите натпреварувања.

На стадионот „Аспмира“ имаше 374 гостински навивачи, кои беа сведоци на едно од поголемите изненадувања во Лигата на шампионите во последните години. Поголемиот дел од навивачитте преку Осло до Бодо, а мечот го следеле на температури под нулата. За враќање на парите клубот ќе потроши вкупно 9.357 фунти.

„Нашите навивачи ни значат сè. Знаеме каква жртва поднесуваат кога патуваат низ целиот свет за да нè поддржат дома и на гости и никогаш нема да го земеме тоа здраво за готово. Тие се најдобрите навивачи на светот. Свесни сме и дека патувањето до Бодо беше долго и напорно, особено што нè поддржуваа на ладно време за време на тешка вечер за нас на теренот. Покривањето на трошоците за билетите е најмалку што можеме да направиме“, стои во соопштението од фудбалерите.

Тренерот на Бенфика, Жозе Мурињо, смета дека неговиот тим не го заслужи поразот (0-2) од Јувентус синоќа во 7. коло од Лигата на шампионите.

„Разликата помеѓу Јувентус и Бенфика е што тие постигнаа гол, а ние не. Во поголемиот дел од натпреварот, Бенфика беше подобра. Доминиравме во одредени периоди, но за жал, пропуштивме шанси. Игравме добро против многу силен противник, со малку опции и многу млади играчи на клупата. Тоа е фудбалот – мора да се прифати исходот“, изјави Мурињо по натпреварот во Торино.

Јувентус има 12 бода и е на 15. место на табелата. Бенфика е на 29. позиција со 6 бода.

Тренерот на фудбалерите на Јувентус, Лучијано Спалети, вели дека неговиот тим заслужено славеше против Бенфика со 2-0 со што си обезбеди место во плејофот од Лигата на шампионите. Италијанците имаат шанса за пласман меѓу првите 8 и директно да одат во осминафиналето.

„Понекогаш се сомневав дали ќе успееме, но едноставно таков сум. Имавме некои тешкотии во почетокот на второто полувреме а потоа се вративме на нашиот фудбал.

Нашиот радар треба секогаш да биде вклучен но, понекогаш ја губевме топката затоа што имавме непрецизни додавања“, додаде специјалистот.

Фудбалерот на Рома, Костас Цимикас, може да ја напушти Италија и да се врати во Англија во екипата на Нотингем Форест, наведуваат дел од медиумите на „Чизмата“.

Се очекува грчкиот дефанзивец да го заврши престојот на Олимпико бидејќи истекува неговиот рок како позајмен од Ливерпул.

Цимикас се поврзува со голем број клубови но, Нотингем бил конкретен со понудата да го ангажира како позајмен играч а потоа да му го откупи договорот.

Барселона е подготвена да го задржи Роберт Левандовски уште една година откако управата на овој клуб одлучи да му го продолжи договорот на Левандовски.

Понудата содржи и неколку услови, Левандовски треба да прифати да биде втора опција во нападот, што значи помалку минути на теренот и да се согласи на намалување на платата од најмалку 50 проценти.

Левандовски во моментов иам најголема плата во тимот, па според неговата улога во новата сезона, клубот очекува тој да се согласи на значително намалување на платата.

Левандовски пристигна во Барселона во летото 2022 година за 45.000.000 евра од Баерн Минхен. Освои две титули во Ла Лига, Купот на Кралот и два Суперкупа.

Арсенал и Челзи влегувата во трка за потписот на Арда Гулер, доколку играчот на Реал биде достапен во летниот преоден рок.

Според „CaughtOffside“, Гулер е долгорочна цел на Арсенал, додека „сините“ неодамна имаа неколку контакти за да се распрашаат за неговата ситуација.

Турскиот интернационалец е на радарот на Арсенал уште од октомври 2024 година.

Во меѓувреме, Челзи исто така сака да влезе во трката. Двата клуба веруваат дека Гулер би можел да биде достапен ова лето за околу 90 до 100 милиони евра.

Комплетирано е претпоследното, седмо коло од Лигата на шампионите на УЕФА. Барса преживеа Прага и на крајот стигна до сигурна победа, Ливерпул беше убедлив во Марсеј, Јуве го доби мало дерби против Бенфика, Баерн лесно се псрави со Унион во второто полувреме, а Челзи на „мускули“ го победи Пафос. Њукасл беше убедлив против ПСВ, а Атлетик Билбао, со пресврт во вториот дел победи во Бергамо.

Резултати:

ГАЛАТАСАРАЈ – АТЛЕТИКО МАДРИД 1:1 (1:1)
/Љоренте 20аг – Симеоне 4/

КАРАБАГ – АИНТРАХТ ФРАНКФУРТ 3:2 (1:1)
/Дуран 4, 80, Мустафазаде 90+4 – Узун 10, Шаиби 78 пенал/

АТАЛАНТА – АТЛЕТИК БИЛБАО 2:3 (1:0)
/Скамака 16, Крстовиќ 88 – Гурузета 58, Серано 70, Наваро 74/

БАЕРН – УНИОН СЕН ЖИЛОА 2:0 (0:0)
/Кејн 52, 55пен./

ЧЕЛЗИ – ПАФОС 1:0 (0:0)
/Каиседо 78/

ЈУВЕНТУС – БЕНФИКА 2:0 (0:0)
/Тирам 55, МекКени 64/

МАРСЕЈ – ЛИВЕРПУЛ 0:3 (0:1)
/Собослај 45+1, Медина 73, Гакпо 90+3/

ЊУКАСЛ – ПСВ 3:0 (2:0)
/Виса 8, Гордон 30, 65/

СЛАВИЈА ПРАГА – БАРСЕЛОНА 2:4 (2:2)
/Кусеј 10, Левандовски 44аг – Фермин Лопес 34, 42, Олмо 63, Левандовски 71/

Работнички комплетираше уште едно зимско засилување, откако клубот официјално се договори со искусниот дефанзивец Егзон Белица. Стоперот доаѓа како слободен фудбалер по разделбата со Шкендија во текот на зимскиот преоден рок и повторно се враќа во тимот од Дебар Маало, каде веќе има оставено белег со своите настапи.

Белица претходно две сезони го носеше дресот на Работнички, во периодот од 2023 до 2025 година, а раководството верува дека неговото искуство ќе биде значајно засилување за одбранбената линија во продолжението од сезоната.

Во својата кариера има богато интернационално искуство, настапувајќи за клубови од повеќе европски лиги, меѓу кои се екипи од Косово, Албанија, Летонија, Финска и Романија.

На македонската фудбалска сцена, покрај Работнички и Шкендија, Белица беше дел и од составот на ГФК Охрид.

Францускиот фудбалер Лукас Хернандез и неговата сопруга се соочуваат со сериозни обвинувања, откако против нив е отворена истрага за наводна трговија со луѓе и прекршување на основните човекови права, по пријава поднесена од едно колумбиско семејство.

Како што се наведува во пријавата, семејството тврди дека во периодот од септември 2024 до ноември 2025 година било принудено да работи за брачната двојка без формално регулиран работен однос и без потпишани договори. Според нивните искази, членовите на семејството имале исклучително големи работни обврски, со ангажман од 72 до 84 часа неделно, без јасно дефинирани права и услови за работа.

Во документите доставени до надлежните органи се наведува дека тие биле изложени на постојан притисок, како и дека немале обезбедени основни стандарди загарантирани со закон. Случајот, според информациите што ги пренесуваат медиумите, е пријавен до Јавното обвинителство во Версај, кое треба да утврди дали постои основ за кривична постапка.

Засега, ниту Хернандез ниту неговата сопруга не се огласиле јавно во врска со обвинувањата, а се очекува во наредниот период да следи официјална реакција од институциите.