Валенсија среде Мадрид го шокира Реал во 30.коло и веројатно ја забележа клучната победа во борбата за опстанок. „Лилјаците“ победија со 1-2, а голот за победа го постигна поранешниот играч на Реал, Уго Дуро во 95. минута. Овој пораз претставува тежок удар за шампионските амбиции на Реал.

Натпреварот на „Бернабеу“, покрај стрелецот Дуро, го обележаа апсолутниот херој на Валенсија, голманот Мамардшвили и трагичарот кај Реал, Вунисиус.

Грузиецот му одбрани пенал на Винисиус во 13.минута, а во текот на натпреварот имаше уште неколку брилијантни интервенции.

Винисиус не успеа да го реализира вториот пенал по ред, претходно не погоди и против Атлетико во Лигата на шампионите.

Откако Винисиус го промаши пеналот, казната Реал го стигна во 15. минута кога Дијакаби и донесе предност на Валенсија.

Винисиус се искупи за промашениот пенал во 50.минута кога го изедначи резултатот. Реал потоа нападна со сите сили, но Мамрдашвили не дозволи уште еднаш да биде совладан.

Наместо тоа Дуро го шокира „кралскиот клуб“ со што и ја донсе на Валенсија првата победа на „Бернабеу“ по пауза од 17 години.

Женската фудбалска репрезентација на Македонија загуби со 2-1 од селекцијата на Летонија на домашен терен во рамките на второто коло од групата 6 (сегмент Ц) од новото издание на Лигата на нации за пласман на СП 2027.

На тренинг центарот „Петар Милошевски” двете репрезентации одигра доста возбудлив натпревар со многу пропуштени прилики за гол.

Репрезентација на Летонија одлично го започна натпреварот и рано во 2. минута успеа да поведе. Стрелец на водечкиот погодок беше Миксоне.

Македонија брзо ги стабилизираше своите редови, наметна иницијатива и сосема заслужено во 31. минута од средбата преку Максути успеа да го изедначи резултатот.

Миксоне во 81. минута уште еднаш се запиша во листата на стрелци поставувајќи ги конечните 2:1 за Летонија.

На 8. април, женската репрезентација на Македонија на гостински терен ќе игра против Косово во рамките на третото коло од нашата група.

Фудбалерот на Рома, Матс Хумелс донесе одлука да замине во пензија. Тоа ќе го направи на крајот од оваа сезона.

Хумелс пристигна во Рома како слободен играч минатото лето како слободен играч од Борусија Дортмунд.

„Се борам со емоциите. Доаѓа момент кој ниту еден фудбалер не може да го избегне. По 18 години и толку многу работи што ми ги даде фудбалот, на лето ќе ја завршам кариерата“, рече тој во видео пораката.

Кариерата ја завршува на 36 години. Хумелс има играно за Баерн, Борусија, повторно Баерн и повторно Борусија, а кариерата ќе ја заврши во Рим.

За германската репрезентација настапи 78 пати и постигна пет гола.

Има освоено пет титули во Бундеслигата, три Купа на Германија, а два пати играше во финалето на Лигата на шампионите, а двата пати загуби со Борусија од Баерн и Реал.

Со репрезентацијата го освои Светското првенство во 2014 година.

Аугсбург по три месеци доживеа пораз во Бундес лигата. Во баварското дерби, Баерн Минхен ја оправда улогата на фаворит и по пресврт победи. Натпреварот во ВВК Арената во Аугсбург заврши со резултат 1-3 (1-1).

Пред ова дерби, Аугсбург беше во серија од 11 натпревари без пораз во Бундеслигата (шест победи и пет нерешени) и во тој период прими само три гола, вкупно четири во 2025 година, што е рекорд во најсилните пет европски национални шампионати.

Се започна добро за домашните, Баерн тешко создаваше шанси, а Аугсбург поведе по точно половина час игра.

Ефективен гол постигна поранешниот фудбалер на ПАОК и Норич Сити, Димитриос Јанулис. Тоа беше деби во Бундеслигата за искусниот грчки дефанзивец.

Гостите во тој период мака мачеа да ја пробијат цврстата одбрана, но успеаја навреме да израмнат на неколку минути пред паузата.

Лерој Сане одлично ја уфрли топката во шеснаесетникот, а Џамал Мусиала на крајот го најде патот до мрежата меѓу тројца одбранбени играчи.

Второ полувреме донесе понаква слика на теренот.

Најпрво во 52. минута Сане ја погоди гредата, но во истиот напад Мусијал поради повреда на мускулот мораше да ја напушти играта.

Само шест минути подоцна, Швајцарецот Седрик Сесер го доби втор жолт или црвен картон, за во следниот напад гостите го комплетираа превртот: Хари Кејн одлично реагираше на центаршут на Мишел Олисе.

Конечниот резултат го постави Лерој Сане во судиското надополнување.

По десет години Кевин де Брујне го напушта Манчестер сити.

Белгиецот своето заминување го потврди на социјалните мрежи објавувајќи порака со која се збогуваше со клубот каде што ги помина најдобрите денови од кариерата.

„На секоја приказна и доаѓа крајот“, потврди Де Брујне меѓу другото во пораката.

Во редовите на Манчестер сити Де Брујне пристигна во 2015 година од Волфсбург и за десет години на „Етихад“ успеа да освои 16 трофеи, меѓу кои шест титули во Премиер лигата, но и Лигата на шампионите во 2023 година.

Ако се верува на најавите во странските медиуми во изминатите денови Де Брујне кариерата ќе ја продолжи во МЛС лигата или Саудиска Арабија.

Карло Анчелоти во текот на целата сезона има проблеми со повредини фудбалери, најмногу во дефанзивната линија, па на ред дојдоа и голманите.

Тибо Куртоа и Андреј Луњин нема да можат да настапат викендов гол поради повредите, па на Анчелоти не му преостанува ништо друго освен да му овозможи деби на младиот Фран Гонзалес.

Куртоа се уште не е целосно опоравен од повредата на коленото, но се очекува да биде подготвен за првиот четвртфинален натпревар од Лигата на шампионите со Арсенал.

Луњин има проблем со мускулот, се повреди во текот на натпреварот со Реал Сосиедад во Купот, но сепак остана на голот до крајот на натпреварот.

Младиот Гонзалес неодамна беше европски младински шампион со Шпанија и му се предвидува светла иднина.

Гонзалес оваа сезона настапуваше и за вториот тим на Реал Мадрид. Запиша 16 настапи, а на другите натпревари седеше на клупата на првиот тим.

Натпреварот помеѓу Реал и Валенсија е закажан за в сабота од 16 часот и 15 минути.

Крилниот напаѓач на Астон Вила, Маркус Рашфорд ќе мора да се согласи на намалување на платата за трајно да се пресели во клубот од Бирмингем од Манчестер Јунајтед. 27-годишниот фудбалер на почетокот на февруари беше позајмен од „црвените ѓаволи“, објави „Фудбал Инсајдер“.

Според изворот, моменталната плата на англискиот играч е 350 000 фунти неделно (1,4 милиони фунти месечно), што го надминува лимитот за плата на Астон Вила. Во исто време, клубот од Бирмингем се договори со Манчестер Јунајтед да го купи Рашфорд за 40 милиони фунти (47,6 милиони евра).

Нагласено е дека Астон Вила може да му понуди и долгорочен договор на 27-годишниот напаѓач со цел да ги распредели трошоците за неговата плата на подолг период. Како дел од тимот на Унаи Емери, Рашфорд одигра 11 натпревари во сите натпреварувања на кои постигна три гола и четири асистенции. Актуелниот договор на играчот со Манчестер Јунајтед е до летото 2028 година.

Фудбалерите на Челси славеа во дербито против Тотнем во Премиер Лигата со 1-0 со голот на Енцо Фернандез.

По мечот пофални зборови имаше тренеротт Енцо Мареска за својот играч за врска Моисес Каиседо. За дефанзивниот играч од средината тренерот смета дека е можеби најдобар на светот.

„Каиседо е еден од најдобрите, ако не и најдобриот дефанзивен играч за врска на светот во моменов. Најдоброто нешто кај Каиседо е што секој ден работи многу сериозно и максимално. Тој е пример за сите“, изјави Мареска.

Инаку Челси го купи Каиседо за 116 милиони евра од Брајтон во 2023 година.

Новиот спортски директор на Арсенал, Андреа Берта, веќе ги обезбедил првите две нови засилувања за „топчиите“ за следната сезона. Берта пристигна во Лондон со богато искуство од Атлетико Мадрид, откако им се приклучи на лондончани како замена за Еду Гаспар.

„Естадио Депортиво“ во Шпанија објави дека Еспањол веќе купува замена за Жоан Гарсија, кој по се изгледа е првото име кое Берта го договорил за трансфер во Арсенал ова лето. Каталонците ја прифатиле понудата за трансфер на Гарсија и голманот ова лето заминува на „Емирати“.

Второто име за кое Берта веќе има позитивен сигнал дека ќе го облече дресот на Арсенал е Мартин Зубименди. И за него се тврди дека е „практично завршен“ трансфер, иако за Зибименди има сериозен интерес и од Реал Мадрид.

Јувентус сериозно размислува за доведување на Сандро Тонали во својот тим идната сезона. Според „Газета дело Спорт“, „бјанконерите“ ја истражуваат можноста да го вратат Тонали во Серија А, нешто повеќе од една година откако италијанскиот играч од средниот ред му се приклучи на Њукасл.

Се зборува дека Јувентус е подготвен да плати 70 милиони фунти за да го ангажира играчот од средниот ред на Њукасл, но засега нема одговор од англиска страна, дали тие се подготвени за оваа сума да се разделат со Тонали, кој се покажа како клучна фигура во тимот на последните неколку средби.