Фудбалерот на Академија Пандев и повремен македонски репрезентативец Бојан Димоски направи трансфер во Русија.

Димоски беше претставен како нов фудбалер на Акрон Тољати. Димоски потекнува од школата на Тетекс, потоа заигра за Вардар каде што дебитираше во сениорска конкуренција. Најдобрите настапи ги покажа во Академија Пандев каде што во изминатите три сезони беше еден од најважните фудбалери.

Во овој момент Димоски е со репрезентацијата на Македонија и по натпреварот со Англија на 19-ти јуни (понеделник) ќе се придружи на Акрон кој изминатата сезона во Втората лига во Русија заврши на деветтата позиција.

Зад Наполи е историска сезона. Клубот од Неапол на доминантен начин ја освои Серија А и по трет пат стана шампион на Италија, а првпат по ерата на Диего Армандо Марадона.

Спалети го предводеше од клупата до скудетото, но тоа не беше доволно за да му ја спаси работата. Влегол во конфликт со сопственикот, го напуштил тимот и решил да одмори една година и да не работи никаде.

Веќе извесно време се шпекулира кој би можел да го наследи, а утринава, според неколку италијански и француски медиуми, Кристоф Галтие, кој го водеше Пари Сен Жермен, ја освои титулата во Франција, но доби отказ поради неуспех во Лигата на шампионите.

Пред ПСЖ, Галтие раководеше со Сент Етјен, кој го предводеше од 17. до четвртото место, потоа Лил со кој пред две години го освои францускиот шампионат и стави крај на доминацијата на ПСЖ. Од Лил замина во Ница, а минатото лето се пресели во Париз. Заминувањето во Неапол би било негов прв странски ангажман во кариерата.

Арсенал се вклучи во трката за потписот на германскиот репрезентативец, Каи Хаверц, пренесуваат медиумите на Островот. Хаверц веќе го известил Челзи дека сака да игра во Лигата на шампиони и побарал да му биде дозволен трансфер.

За него интерес покажува и Реал Мадрид, но „кралевите“ не се спремни да платат 70 милиони фунти, колку што бара Челзи. Арсенал ова лето нема да штеди пари и сака да донесе големи засилувања, а ќе има и голем буџет за трансфери.

Покрај Деклан Рајс, за кого „топџиите“ се спремни да платат 100 милиони евра, другата голема желба на Артета е токму Каи Хаверц.

Пари Сен Жермен би можел да го ангажира играчот од средниот ред на Атлетико Мадрид, Антоан Гризман, објави „Марка“.

Според изворот, доколку парижаните го продадат напаѓачот Килијан Мбапе во летниот преоден рок, тогаш на негово место може да биде потпишан Антоан Гризман. Во исто време, се забележува дека главниот тренер на Атлетико Диего Симеоне не сака да се раздели со Гризман, самиот играч исто така сака да остане во мадридскиот клуб. Правата на Гризман и припаѓаат на Барселона. Сега играчот игра за Атлетико Мадрид на позајмица.

Претходно беше објавено дека Мбапе испратил официјален допис до ПСЖ, каде што рекол дека во никој случај нема да го продолжи договорот со парижаните до 2025 година. Исто така е јасно дека напаѓачот би можел да го напушти тимот во летниот преоден рок.

Англиските медиуми објавија бомбастична вест и тврдат дека ѕвездата на Интер Николо Барела е пред трансфер во Њукасл.

Барела веќе две сезони е еден од најдобрите играчи за врска во Серија А и го привлече вниманието на многу европски клубови. Интер има финансиски проблеми и е спремен да слушне понуди за некои свои фудбалери, но Барела е еден од најважните фудбалери и клубот тврдеше дека не е на продажба.

Меѓутоа, Њукасл испратил понуда од 50 милиони фунти која Интер ја прифатил и сега трансферот е пред реализација.

„Нероаѕурите“ со продажбата на Барела ќе ги финансираат трансферите на Милинковиќ-Савиќ од Лацио и Давиде Фратези од Сасуоло.

Фудбалерот на Јувентус, Хуан Куадрадо, на крајот на месецот ќе биде слободен играч и веројатно ќе замине во друга земја, најавија денеска медиумите во Италија.

За неговиот потпис се заинтересирани екипите на Валенсија (Шпанија) и турскиот, Фенербахче. 35-годишниот ветеран  во последната сезона кај „старата дама“ имаше 47 мечеви во сите конкуренции со ефект од два гола и четири асистенции.

Репрезентативецот на Колумбија претходно играше и во Челзи, Удинезе, Лече, Фиорентина и Индепендиенте Меделин.

Италијанските медиуми пренесуваат дека тренерот на фудбалскиот клуб Рома, Жозе Мурињо, ја одбил богатата понуда од Саудиска Арабија за преземање на екипата на Ал Ахли, и најверојатно ќе остане тренер на Рома.

Информациите велат дека португалскиот стручњак неодамна во Лондон имал состанок со челниците на Ал Ахли кои му понудиле износ од дури 120 милиони евра за две сезони, ако се согласи да ја води оваа екипа во наредниот период. Меѓутоа Мурињо претходно се обврзал дека ќе остане во Рома и ќе ја продолжи својата работа калчолигашот.

Мурињо за тренер на Рома беше назначен во 2021 година, а негови најголеми успеси со овај клуб се освојувањето на Лигата на Конференции во 2022. година.

Оваа година Рома под негово водство играше во финалето од Лига Европа каде беше поразена од шпанска Севиља.

Шкотски Селтик е блиску до договор со Брендан Роџерс кој би можел да ја преземе функцијата менаџер, пренесуваат британските медиуми.

Роџерс Селтик го водеше од 2016-та до 2019-та година и во секоја сезона ја освојуваше шампионската титула, а според информациите од Шкотска 50-годишниот тренер е пред враќање во клубот.

Според информациите од двете страни денес би требало да се одржи нов разговор, а извори блиски на „Скај“ тврдат дека соработката е на повидок.

Поранешниот менаџер на Ливерпул на почетокот на април доби отказ од Лестер по серијата лоши резулати, а „лисиците“ на крајот испаднаа од друштвото на најдобрите.

Дефанзивецот на Интер, Милан Шкрињар, пред натпреварот на репрезентацијата на Словачка против Исланд потврди дека кариерата ќе ја продолжи во Пари Сен Жермен.

На 1 јули му истекува договорот со миланскиот клуб и како слободен играч ќе се пресели на „Паркот на принцовите“.

Според информациите, 28-годишниот дефанзивец потпишал четиригодишен договор со ПСЖ.

„Веќе се чувствувам добро, но без игри не можете да го најдете вашиот ритам. Ако тренерот сака да ме пушти, ќе му помогнам на тимот бидејќи сум подготвен. Да видиме што ќе се случи во Париз, во ПСЖ, но најважно е да се чувствувам добро“, рече Шкрињар на прес-конференцијата во пресрет на европскиот квалификациски натпревар Словачка – Исланд.

Минатата сезона Словакот одигра 31 натпревар за Интер со една асистенција.

Белгискиот напаѓач кој е член на Челзи, а настапуваше со позајмица во Интер, Ромелу Лукаку би можел да се пресели во Ал-Наср.

Според некои медиуми, Лукаку отпатувал во Саудиска Арабија за да преговара со клубот. Напаѓачот доби понуда со плата од 25 милиони евра по сезона. Саудискиот тим нуди двегодишен договор.

Се истакнува дека Лукаку веќе ја одржал првата рунда преговори со Ал-Наср. На Белгиецот му одговараат услови, но тој има договор со Челзи до 2026 година. Лондонскиот клуб планира да добие најмалку 50 милиони евра за трансферот на играчот. Ромелу Лукаку оваа сезона одигра 36 натпревари за Интер во сите натпреварувања, постигнувајќи 14 голови и седум асистенции. Цената на 30-годишен фудбалер, според порталот Трансфермаркт е 40 милиони евра.