Дисциплинската комисија при Фудбалската федерација на Македонија (ФФМ) денеска донесе одлуки по се она што се случуваше во рамките на 29. коло во Првата и 23. коло во Втората фудбалска лига на Македонија.

Алпер Потук – фудбалер на ФК Гостивар АД се казнува со забрана на настап во период од 2 (две) години поради повикување на директни учесници на натпревар да го напуштат натпреварот од 29. коло од Прва МФЛ помеѓу екипите на ФК Гостивар АД и ФК Работнички АД.

ФК Гостивар се казнува со одземање на 9 (девет) бодови освоени во тековната натпреварувачка сезона и парична казна во износ од 2.500,00 евра поради напуштање на теренот на натпреварот во рамки на 29. коло од Прва МФЛ меѓу екипите на ФК Гостивар АД и ФК Работнички АД.

ФК Гостивар се казнува со парична казна во износ од 5.000,00 евра поради слаба организација и присуство на неслужбени лица во оградениот дел од теренот (службени простории) на натпреварот од 29. коло во Прва МФЛ против ФК Работнички.

ФК Гостивар АД се казнува со забрана на одигрување на 10 (десет) натпревари на свој терен како домаќин, односно 100 километри надвор од теренот кој го имаат пријавено како домашен терен.

Енес Уста – претседател на ГФК Гостивар се казнува со забрана на вршење на било каква функција во фудбалот во траење од 2 (две) години поради повикување на фудбалерите на ГФК Гостивар да го напуштат теренот и да се прекине натпреварот ГФК Гостивар – ФК Работнички во рамки на 29. коло во Прва МФЛ.

Блажо Панов – шеф на стручен штаб на ГФК Гостивар се казнува со забрана на вршење на било каква функција во фудбалот во траење од 2 (две) години поради повикување на фудбалерите на ГФК Гостивар да го напуштат теренот и да се прекине натпреварот ГФК Гостивар – ФК Работнички во рамки на 29. коло во Прва МФЛ.

Сите играчи на натпреварот од ГФК Гостивар кои биле во официјалниот записник на натпреварот против ФК Работнички се казнуваат со парична казна од 500,00 евра за фудбалер поради напуштање на натпреварот против ФК Работнички.

Сите четворица конкуренти сè уште имаат вистински шанси за освојување на трофејот и суперкомпјутерот Опта ги даде своите предвидувања за најверојатниот победник оваа сезона. 

Компјутерот ја проценува веројатноста на секој натпревар (победа, реми или пораз) со користење на коефициентите од пазарот за обложување.

Шансите и рангирањето се базираат на претходните перформанси на тимот.

Натпреварот во целост е симулиран 10.000 пати за да се добие конечна проекција за секоја страна.

Париз Сен Жермен е на врвот со најголема шанса – 41.9%.
Потоа следува Барселона со 25.8%, која исто така е силен кандидат.
Интер има 20.2% шанса, додека Арсенал е со 12.1%, но сепак останува во контенција.

Барселона доживеа огромен удар три минути пред полувремето во првиот натпревар од полуфиналето во Лигата на шампиони.

Откако Каталонците се вратија во игра благодарение на голот на Ламин Јамал и уште еден од Феран Торес, Кунде падна на земја со повреда.

Французинот доби третман на теренот, но Ханси Флик беше принуден да го замени со Ерик Гарсија.

Тестовите извршени на Џулс Кунде покажаа дека тој има повреда на дисталната тетива на левата нога.

Беше совршена европска вечер за Манчестер Јунајтед, Тотенхем и Челзи.

Огромна е веројатноста за англиско финале во Европа Лигата помеѓу Манчестер Јунајтед и Тотенхем, по нивните убедливи победи во полуфиналето над Атлетик Клуб и Бодо Глимт.

Статистичарите од Опта му даваат на Јунајтед 97% шанса да стигне до финалето, а 91% на Тотенхем – што значи 88% шанса за англиско финале.

Тоа би било само шестото англиско финале на големо европско првенство – со половина од нив вклучувајќи го Тотенхем.

Во меѓувреме, Челзи има една нога во финалето на Конференциската Лига по удобната победа на гостински терен против Џургарден.

Тажни вести пристигнуваат за сите фанови на шпанската репрезентација. Почина најпрепознатливиот фан на „фуријата“, Маноло Касерес Артесеро, или попознат како „Маноло Ел Дел Бомбо“.

Навивачот кој со својот тапан и уникатна облека беше присутен на сите натпревари на Шпанија почина во 76. година од животот.

Веста за неговата смрт ја објави угледниот „Мундо Депортиво“, изразувајќи длабоко сочувство за неговото семејство. Навивачите се збогуваат со својот омилен Маноло, кој остави длабок траг како навивач со искрена емоција и човек кој секогаш пленеше со своето присуство.

Шпанскиот стручњак Хулен Лопетеги е новиот селектор на најдобрите катарски фудбалери.

Потпиша договор до крајот на Азискиот куп во 2027 година, кој се одржува во Саудиска Арабија.

– Катарската фудбалска асоцијација официјално го објавува назначувањето на шпанскиот селектор Хулен Лопетеги за нов селектор на репрезентацијата на Катар, наследувајќи го сонародникот Шпанец Луис Гарсија – се вели во соопштението на асоцијацијата.

Првата задача на новиот селектор ќе биде да се обиде да го одведе Катар до место на Светското првенство во 2026 година преку дополнителни квалификации.

Фудбалерите на Челзи и Бетис победија во првите полуфинални натпревари од Конференциската лига.

Челзи славеше победа од 4-1 на гостувањето кај Ѓургарден и веќе е во финалето, додека Бетис ја победи Фиорентина со 2-1

Челси по првиот дел зачекори во финалето, кога на семафорот стоеше 2-0.

Стрелец на првиот гол беше Санчо во 13-тата минута, а на вториот Мадуеке на две минути пред крајот на регуларниот дел.

Во вториот дел Џексон постигна два гола во 59-та и 65-та минута, а честа на домашниот тим ја спаси Алемењеху Мулугета во 68-та минута.

Во вториот полуфинален натпревар, Бетис ја победи Фиорентина на домашен терен со 2-1.

Значајна, но не и недостижна предност постигна шпанскиот тим, благодарение на Езалзули и Антонио.

Головите ги постигнаа во шестата и 64-та, а Раниери ја преполови предноста во 73-тата минута и ги остави „Виола“во живот пред реваншот.

Реванш натпреварите во Лондон, односно Фиренца, се закажани за една недела, на 8 мај.

Едер Милитао е блиску до враќање по повредата на коленото. Дефанзивецот на Реал Мадрид ги скина вкрстените лигаменти на натпреварот против Осасуна (4-0) на 9 ноември 2024 година.

Како што објави „АС“, закрепнувањето на Милитао оди добро – во март тој продолжи со тренинзите со топката и веќе е во можност да изведува интензивни вежби. Се очекува Бразилецот наскоро да почне да тренира скратено со главната група на Реал Мадрид, а неговото конечно враќање се очекува до крајот на мај.

Се забележува дека Милитао веројатно нема да игра за Реал Мадрид оваа сезона во Ла Лига , но сè укажува дека Бразилецот ќе биде подготвен за Светското клупско првенство, кое ќе се одржи во САД во јуни-јули.

Да потсетиме дека покрај Милитао, Реал Мадрид има уште четворица повредени дефанзивци од својот главен состав: Даниел Карвахал, Антонио Рудигер, Ферланд Менди и Давид Алаба.

Фудбалерите на Брентфорд го победија Нотингем Форест со 2-0 на гостински терен во 34. коло од Премиер лигата.

Со овој натпревар беше комплетирано 34-то коло од елитното ниво на фудбал на островот, а Брентфорд им направи огромна услуга на Њукасл, Сити и Челзи.

Овие три екипи сега се на последните три места што водат кон Лигата на шампионите следната сезона, додека Форест е шести, што е доволно само за Лигата на Европа.

Гостите поведоа во 44-тата минута преку Шаде, а предноста беше удвоена во 70-тата минута преку Виза.

На Висa му асистираше голманот Флекен, што беше деветта асистенција на голман оваа сезона во Премиер лигата, што е нов рекорд. Тоа беше втора асистенција за искусниот холандски голман, а пред него е само Едерсон со неверојатни четири.

Тренерот на Манчестер Јунајтед, Рубен Аморим, изјави дека евентуалното освојување на Лига Европа само ќе му обезбеди место на тимот во Лигата на шампионите следната сезона, но тоа нема да биде доволно за да ја направи тековната сезона успешна.

Јунајтед се среќава со Атлетик Билбао во полуфиналето на второто најсилно европско натпреварување, откако го елиминираше Лион во натпревар за паметење.

Сепак, Аморим е свесен дека освојувањето на Лигата на Европа само би ги маскирало проблемите на Јунајтед.

„Сите знаат дека би било голема работа за нас ако го освоиме трофејот. Тоа би ни обезбедило играње во Лигата на шампионите следната сезона и би можело да промени многу работи, но засега тоа не е најважното нешто. Би имало повеќе пари за трошење, но прво мора да решиме некои други проблеми“, рече Аморим.

Тој исто така спомена кои работи би требало да се променат ако сакаат да го подигнат клубот на повисоко ниво.

„Мораме да го промениме ставот на нашите навивачи со добри одлуки, подобро регрутирање и работа во академијата. Исто така, треба да бидеме поконзистентни. Лига Европа засега е само пократок пат до Лигата на шампионите, за која прво мора добро да се подготвиме“, рече Аморим.

На четири кола до крајот, Јунајтед е на 14-то место во Премиер лигата со само 39 освоени бода.