Фудбалската репрезентација на Македонија одигра без победник 1-1 (0-1) во квалификациите за пласман на Светското првенство.

Во рамките на Ј групата, Белгија го имаше поседот, повеќе удари кон голто на Димитиревски и повеќе корнери, но Македонија имаше повеќе зрели шанси и еден поништен гол, поради минимален офсајд.

Де Кујпер го отвори резултатот во 29. минута и на тој начин сурово ги казни промашувањата на македонските репрезнетативци.

Ударот на Барди со крајни напори го одбрани голманот Селс, а во 27. минута најпрвин Елмас ја погоди стативата со одличен удар од 18 метри, топката се одби на ногата на Алиоски кој од 7-8 метри наместо празната мрежа ја погоди стативата.

Во вториот дел Елмас постигна гол во 48.минута, ВАР веднаш се јави, долго траеше прегледувањето на ситуацијата, на крајот пресудата беше дека Илиевски бил во офсајд и влијаел на играта.

Конечно македонските фудбалери беа наградени за борбената игра во 87.минута, кога Чурлинов му асистираше на АЛиоски, а овој постигна брилијантен гол.

Македонија за три дена ќе гостува во Астана, кај Казахстан, а Белгија ќе го пречека Велс.

Репрезентацијата на Македонија ќе се соочи со Белгија во третото коло на квалификациите за Светското првенство.

На прес-конференцијата пред натпреварот во Скопје се обрати селекторот, Благоја Милевски, заедно со капитенот, Енис Барди.

Благоја Милевски – селектор на македонската А репрезентација:

„Анализите се направени, не треба да се зборува за квалитетот на Белгија. Тие имаат многу квалитетни играчи, тоа е тим кој години наназад е во врвот на европскиот фудбал. Од друга страна, Македонија покажала дека знае да се бори и со такви тимови. Не гледам причина зошто да не е така и на утрешниот натпревар.

Мора да сме на својот максимум, па ќе видиме што ќе ни донесе тоа. Овој јунски период години наназад ни е проблематичен. Што се однесува до сегашната ситуација, мора да го смениме тој менталитет индивидуално и како тим. Тоа што го видов изминатите седум дена ми дава за право да бидам оптимист дека овој јуни ќе биде поинаков. Менталитетот на играчите е поинаков отколку досега, атмосферата и енергијата се одлични. Без оглед на повредите, во текот на овие денови имаме дополнителни проблеми. Под знак прашалник се Алими, Димоски и Трапановски, но се надевам дека ќе бидат способни да заиграат. Се надевам дека на физички план ќе бидеме поподготвени од минатото.

Енис Барди – капитен на македонската А репрезентација:

„Сметам дека сме подготвени за квалитетен ривал како Белгија. Знаеме што значи кога играме дома, а сите мора да преземеме одговорност. Треба да покажеме дека кај нас дома е тешко да се победи. Ако дадеме максимум, мислам дека можеме до позитивен резултат.

Белгија е фаворит на хартија, но во фудбалот секогаш има шанса за изненадување. Имаме квалитет, доста играчи настапуваат во квалитетни лиги. Имаме искуство и сите услови за да направиме успех. Сепак, за такво нешто секој еден мора да верува во тоа. Дома, пред нашите навивачи треба да се брка добар резултат. Секогаш кога сме играле како тим имавме позитивни резултати, па не гледам зошто не би можело да биде така и утре. Нема зошто да не бидеме на ниво“

Дефанзивецот на Арсенал, Габриел, потпиша нов четиригодишен договор со клубот, објави „Скај Спортс“. Претходниот договор на Бразилецот имаше важност до јуни 2027 година.

Габриел му се приклучи на Арсенал од Лил во 2020 година. Тој има 210 настапи во сите натпреварувања, на кои постигнал 20 гола.

„Дојдов како млад играч и по речиси пет години сум среќен што научив многу. Горд сум на себе, ова беше неверојатно патување и среќен сум што го продолжувам. Се надевам дека ќе освојувам трофеи со овој клуб, бидејќи го сакам овој клуб, а и моето семејство го сака“, – изјави Габриел за веб-страницата на клубот.

Бразилецот ги пропушти последните два месеци од сезоната поради операција на тетивата, но се очекува да биде подготвен за почетокот на следната сезона.

„Скај Спортс“ објави дека одборот на клубот бара продолжување на договорите на Вилијам Салиба и Букајо Сака.

Порано оваа недела, Арсенал објави дека Жоржињо и Киран Тиерни ќе го напуштат клубот на крајот од месецот, кога ќе им истечат договорите.

Нико Вилијамс долго време е интересен за многу големи клубови низ Европа.

Барселона, минатото лето беше заинтересирана за овој млад фудбалер, кој се премисли во последен момент и реши да остане во Билбао. Наводно Арсенал сериозно е заинтересиран, а сега во трката се вклучил и Баерн.

Според германски „Билд“, шпанскиот фудбалер бил скаутиран од директорите на Баерн, Макс Еберл и Кристоф Фројнд, за време на натпреварот против Франција, во Лигата на нации.

Олеснителна околност за Баерн треба да биде откупната клаузула за Вилијамс, која не е поголема од 60 милиони евра, што за гигант како клубот од Минхен не би требало да биде проблем.

Овој крилен напаѓач одигра 29 натпревари за Атлетик Билабо минатата сезона, постигна пет гола и забележа исто толку асистенции.

збекистан се квалификуваше за финалето на Светското првенство во 2026 година. Поранешната советска република ќе игра на најпрестижниот фудбалски собир за прв пат во својата историја.

Узбекистанците освоија директна квота за првенството, кое ќе се одржи во САД, Канада и Мексико, откако одиграа 0:0 на гостувањето во ОАЕ. Така, тимот го зазема второто место во групата „А“ од квалификациите во зоната „Азија“.

Узбекистан е 81-та различна земја што игра во завршницата на Светското првенство.

Големите ѕвезди на тимот се напаѓачот на Рома, Елдор Шомуродов, и централниот дефанзивец на Манчестер Сити, Абдукодир Хусанов.

Австралија направи важен чекор кон Светското првенство во 2026 година откако ја победи Јапонија со 1-0. Единствениот гол го постигна Азиз Бехиќ во 90 минута.

Светскиот шампион Аргентина би можел да игра пријателски натпревар против Русија во Москва за време на ноемвриската пауза за меѓународни натпревари – и покрај забраната на ФИФА за руските репрезентации и клубови.

Според информациите на „Сан“, цитирајќи го аргентинскиот новинар Гастон Едул, двете земји се во преговори, а руската страна веќе го резервира легендарниот стадион „Лужники“ за периодот од 10 до 18 ноември.

Во последните години, Русија беше изолирана од меѓународниот фудбал, откако ФИФА и УЕФА ги суспендираа сите нејзини тимови од учество на турнири поради војната во Украина, која започна во 2022 година. Ова не ја спречува руската страна да бара пријателски натпревари надвор од официјалниот календар – во последните две години, Русија играше натпревари против земји надвор од Европа.

Последниот официјален натпревар на Русија пред санкциите беше против Хрватска пред околу четири години.

Карло Анчелоти, дебитираше на клупата на Бразил со нерешен резултат. Неговиот тим гостуваше во Еквадор, натпреварот во рамките на квалификациите за пласман на Светското првенство заврши без голови.

Еквадор е вообичаено многу тежок домаќин за сите тимови поради големата надморска височина, но овој пат натпреварот се играше во Гвајакил, град на море, па Еквадорците немаа предност на реткиот воздух на кој се навикнати.

Ѕвезди како Винисиус, Ричарлисон, Касемиро, Алисон и Бруно Гимараеш играа за тимот на Анчелоти, но не успеаја да победат.

Бразилските новинари го следеа секое движење на Анчелоти на клупата, на крајот во извештаите напишаа дека осум парчиња мастики сменил во текот на мечот.

„Одигравме многу добра дефанзивна игра. Требаше да бидеме подобри со топката, да играме со поголем проток, но на крајот нерешениот резултат е добар за нас. Условите беа комплицирани за поинаков стил на игра. Имавме добри шанси во првото полувреме.

Можевме да играме подобро, но мора да ја почитуваме силата на противникот. Не сакам да барам оправдување, но тревникот не беше идеален. Се надевам дека во следниот натпревар ќе имаме подобри услови и дека ќе играме со поголем ритам, движење и интензитет“, рече Анчелоти по натпреварот.

Арсенал го направи Родриго главна трансфер цел за позицијата крилен напаѓач. Арсенал верува дека 24 -годишниот бразилски репрезентативец е играчот кој може да игра одлучувачка улога во освојувањето на трофеи.

Неколку луѓе од Арсенал, вклучувајќи и фудбалери, разговарале со крилниот напаѓач на Реал Мадрид за Арсенал и животот во Лондон.

Арсенал ќе даде сериозна финансиска понуда доколку Родриго биде достапен на трансфер пазарот.

Родриго треба да се сретне со новиот тренер на Реал Мадрид, Чаби Алонсо, за да разговараат за неговата иднина во клубот.

Фудбалерот на Вест Хем, Мохамед Кудус одби да се пресели вo Ал-Хилал од Саудиска Арабија. 25-годишниот играч од средниот ред на Вест Хем добил понуда со трипати поголема плата од сегашната во Лондон, но Ганецот го одби трансферот.

Во исто време, Вест Хем можеше да добие околу 70 милиони фунти за неговата слобода. Претходно се тврдеше дека Ал-Наср, за кој игра Кристијано Роналдо, сакал да го потпише играчот.

Шпанија и Франција одиграа спектакуларно второ полуфинале во Лигата на нации. Финале избори Шпанија со победата 5-4 на стадионот во Штутгарт. Шпанците со два блиц крига дојдоа до водство 4-0, потоа и до 5-1, влегувањето на рајан Шерки ја раздвижи Франција, на крајот „триколорите“ немаа време да изборат продолженија.

Шпанија во првото полувреме им покажа на Французите зото се европски шампиони. Откако Франција не успеа да го отвори резултатот, кога тео Ернандез ја погоди гредата, следуваше блиц криг на Шпанците.

Два гола во три минути, прво погоди Нико Вилијамс, а потоа Микел Мерино. Асистент за два гола беше Микел Ојерзабал.

Во ист ритам Шпанците продолжија и во вториот дел. Блив криг со два гола во 54. и 55.минута. Најпрвин Јамал погоди од пенал, а потоа и Педри.

Франција, четири минути подоцна од пенал го намали резултатот, прецизен беше Мбапе, но Јамал во 67.минута ја врати предноста на Шпанија од четири гола.

Во финишот, поранешните светски шампиони спречија дебакл со три погодоци. Талентираниот Рајан Шерки постигна ефектен гол, потоа автогол си постигна Вивијан, а во четвртата минута од судиското продолжение, Коло Муани успеа дури и да внесе неизвесност во натпреварот.

Шпанија и Португалија ќе играат во финалето, во недела на „Алијанц Арена“во Минхен. Двата тима имаат по една титула во ова натпреварување, а победникот ќе има шанса да стане првиот тим со два трофеи.