Арсенал е подготвен да инвестира повеќе од 230 милиони евра за да го засили својот тим во летниот преоден рок, пренесува „Тајмс“.

Според изворот, тренерот на Арсенал, Микел Артета, добил зелено светло од управата за големи трошоци во летото. Менаџерот на „топчиите“ е заинтересиран да ги ангажира играчите од средниот ред на Вест Хем и Брајтон, Деклан Рајс и Мојсес Кајседо.

Исто така, Арсенал може да се врати на опцијата за потпис на Рафиња од Барселона и Муса Дијаби од Баер Леверкузен.

„Топчиите“ остануваат заинтересирани за играчот од средниот ред на Челзи, Мејсон Маунт. Арсенал во моментов е втор во Премиер лигата по 35 одиграни натпревари со 81 бод, 4 помалку од лидерот Манчестер Сити.

Реал Мадрид го стави на трансфер пазарот левиот бек Ферлан Менди,а  веќе е познат фаворитот за неговиот потпис.

Менди оваа сезона имаше проблеми со повреди и „кралевите“ сакаат на лето да доведат нов лев бек, па му ја отворија вратата. Најсилен интерес за Менди покажува Арсенал, кој наводно веќе постигнал договор со неговиот агент.

Французинот има уште две години од договорот,  „кралевите“.се спремни да го пуштат за 20 милиони евра.

Арсенал е спремен да ја плати таа сума, па се очекува Французинот да биде прво засилување за „топџиите“ ова лето.

Интер сака да го откупи дефанзивецот Франческо Ачерби на крајот на сезоната, но Лацио постави висока цена.

Имено, Лотито за откуп на Ачерби бара четири милиони евра, а Интер смета дека таа сума е превисока за еден 35-годишник. Ачерби влезе во расправија со раководството на Лацио минатото лето и беше исфрлен од тимот, па Интер ја искористи ситуацијата и го доведе на позајмица.

Дефанзивецот игра добра сезона, па Интер сака да го задржи, но Марота смета дека сумата која ја бара Лацио е превисока и е спремен да плати само 1 милион.

Ачерби не сака да се врати на „Олимпико“, па се очекува двата клуба наредните недели да седнат на преговарачка маса.

Спортскиот директор на Борусија Дортмунд, Себастијан Кел се уште се надева дека Џуд Белингам може да остане во клубот.

За Англичанецот постои огромен интерес од многу европски гиганти и според медиумите сигурно ќе си замине ова лето.

„Ќе направиме се што е можно за да го задржиме Белингам, бидејќи сме амбициозни и сакаме да ги задржиме најдобрите фудбалери. Се уште нема никаква одлука, бидејќи нема ништо конкретно. Нема понуди“, изјави Кел.

„Треба да бидеме подготвени за различни сценарија, но немаме поставено краен рок. Верувам дека битката за него ќе се забрза по завршувањето на сезоната, но сметам дека имаме шанси да го задржиме“, додаде спортскиот директор.

Аргентинецот Марсело Биелса е назначен за нов селектор на фудбалската репрезентација на Уругвај.

Во соопштението издадено од уругвајскиот фудбалски сојуз, се наведува дека со Биелса е потпишан договор со кој тој ќе биде селектор до крајот на Светското првенство 2026.година.

Дебито на новиот тренер на селекторската клупа на Уругвај се очекува да биде во јуни, на пријателските натпревари со Никарагва и Куба.

Јужноамериканските квалификации за пласман на СП 2026 година, започнуваат во септември.

Шведскиот репрезентативец, Дејан Кулушевски, кој има потекло од Македонија, ќе остане во редовите на Тотенхем откако челниците одлучиле да му го откупат договорот, најави весникот „Сан“.

Тој беше ангажиран на позајмица од Јувентус за период од 18 месеци а договорот меѓу двата клуба вклучува опција за негово откупување за 35 милиони евра.

Кулушевски има одиграно 54 натпревари за „спарси“ во сите конкуренции со ефект од седум голови и 15 асистенции.

Фудбалерот , Ким Мин-Јае, кој успеа со Наполи да го освои Скудетото во Италија, од наредната сезона ќе настапува во Премиер-лигата на Англија во Манчестер Јунајтед.

Централниот дефанзивец  се согласи во текот на летото да му се приклучи на 20-кратниот шампион на Англија. Екипата од „Олд Трафорд“ ќе  плати 48 милиони евра за да го добие неговиот потпис. 

Репрезентативецот на Јужна Кореја и претходно нагласи дека има голема желба да настапува во англиски состав.

Малерозниот фудбалер, Пол Погба, повторно заработи потешка повреда и ќе мора да паузира најмалку три недели, објави клубот од Торино.

Тоа значи дека за него е завршена сезоната. Францускиот репрезентативец откако имаше подолг период на рехабилитација успеа да се врати во форма но, на мечот со Кремонезе беше принуден да излезе од игра кон средината на првиот дел.

Погба најверојатно нема да добие повик да настапи за „триколорите“ во јунските мечеви од квалификациите за Европското првенство.

Маурицио Почетино во текот на оваа недела ќе го потпише договорот со Челзи и официјално ќе почне да го подготвува тимот за следната сезона. Според информација на „TalkSport“, договорот за кој веќе двете страни си подале рака е во времетраење од три години.

Иако официјално нема да ја преземе менаџерската функција до крајот на сезоната, Почетино веднаш ќе почне да работи на неговата реконструкција.

Еден од најдобрите фудбалер на Арсенал оваа сезона, Мартин Одегард призна дека неговиот тим сега веќе „нема надеж“ да ја освои титулата во Премиер лигата.

„Топчиите“ загубија со 0-3 од Брајтон и го ставија Манчестер Сити на прагот на титулата, на кој му е потребна само една победа во последните три натпревари за да ја одбрани шампионската титула и оваа сезона.

„Сега ќе биде многу тешко, мора да бидеме искрени. Не е добро чувството во моментов. Начинот на кој игравме, особено во второто полувреме, не знам што се случи да бидам искрен. Сега се чувствувам како да нема надеж“, рече капитенот на Арсенал.