Жозе Мурињо нема намера да се враќа во Премиер-лигата иако луѓето од Челзи се обиделе да го исконтактираат.

Актуелниот договор на Португалецо со Рома ќе заврши во 2024 година доколку претходно не му биде продолжен или пак, добие отказ. „Волчицата“ под палката на „специјалниот“ игра одлично и успеа да влезе меѓу најдобрите четири екипи во Лигата на Европа.

Тимот од Рим до крајот на сезоната ќе се бори да обезбеди и виза за Лигата на шампионите за наредната сезона.

Челниците на Манчестер Јунајтед ќе се обидат да го купат фудбалерот од средниот ред на Ајнтрахт Франкфурт, Рандал Коло Муани.

24-годишниот играч во сезонава има одиграно 40 мечеви со ефект од 20 голови и 12 асистенции.

Тој има тековен договор до 2027 година а германскиот тим за неговиот потпис бара околу 100 милиони евра. За Муани е заинтересиран и тимот на Баерн Минхен.

Марсел Сабицер во последниот ден од преодниот рок се пресели во Манчестер Јунајтед на позајмица до крајот на сезоната.

„Црвените ѓаволи“ немаат опција за откуп на лето, па двата клуба ќе треба да седнат на преговарачка маса, а Австриецот не сака назад во Минхен.

Сабицер брзо се прилагоди на новата средина и би сакал да остане  на „Олд Трафорд“, а Манчестер Јунајтед донел одлука да го откупи неговиот договор.

Баварците за неговата слобода бараат 20 милиони евра, сума која нема да биде проблем за „црвените ѓаволи“.

Фудбалерот на Јувентус, Анхел Ди Марија, се пожалил на повреда и не заминал на денешното гостување кај Болоња во рамките на тековното коло во Серија А.

По таа вест, веднаш се огласија неколку медиуми кои тврдат дека повредата на Ди Марија е „сомнителна“  бидејќи напаѓачот се налутил откако дознал дека нема да биде стартер.

„Старата дама“ се бори да обезбеди место за Лигата на шампионите за наредната сезона. Натпреварот Болоња-Јувентус започнува денеска од 20:45 часот.

Судијата Саша Штегелман кој не досуди пенал за Борусија Дортмунд на петочниот меч со Бохум во Бундес-лигата, призна дека направил грешка.

„Милионерите“ кои одиграа само 1-1 на теренот на Бохум, со загубените два бода му ја отворија вратата на Баерн Минхен да се пробие на челната позиција доколку денеска слави на домашен терен со Херта. Токму за спорниот миг кој можеше да и донесе победа на Борусија Дортмун се огласи и судијата Штегелман.

„Лут сум и бесен. Кога повторно ја видов ситуацијата проценив дека има пенал за Адејеми но, за жал, тоа не го видов на теренот. Сега кога ги гледам снимките, можам да кажам дека направив грешка“, потенцираше Штегелман.

Ричарлисон минатото лето пристигна во Тотенхем како големо засилување, но игра очајна сезона и до сега нема постигнато ниту еден гол во Премиер лигата.

Меѓутоа, Бразилецот после само една сезона може да го напушти Тотенхем и да се пресели во Реал Мадрид.

Шпанските медиуми пренесуваат дека нова мета на „кралевите“ е бразилскиот напаѓач Ричарлисон, кого Анчелоти одлично го познава од времето кога соработуваа во Евертон. Во Реал веруваат дека Ричарлисон може да биде наследник на Бензема и да формира одлично бразилско трио со Винисиус и Родриго.

Бензема и следната сезона ќе биде прв напаѓач на „кралевите“, а Ричарлисон може да биде негова алтернатива.

Сем Алардајс е главниот фаворит да го наследи Хави Гарсија на клупата на фудбалскиот состав Лидс, најавија медиумите во Англија.

Според наведеното, Шпанецот е на излезната врата откако тимот влезе во лоша серија и грчевито ќе се бори за опстанок во Премиер-лигата. Лидс е едно место пред црвената линија.

Доколку се остварат најавите, Алардајс кој досега работел само во англиски клубови, ќе биде ангажиран до крајот на сезоната.

Приоритет на Ливерпул во летниот преоден рок ќе биде засилување на средниот ред. Клоп сака да донесе најмалку двајца квалитетни играчи за врска, а најновото име на списокот е Ренато Санчез од ПСЖ.

Португалецот не добива голема минутажа во Париз и главно ја грее клупата за резерви, па е спремен да ја промени средината.

Најсилен интерес за него покажуваат неколу клубови од Премиер лигата кои веќе стапиле во контакт со неговиот агент. ПСЖ е спремен да го продаде, а Ливерпул сака да ја победи конкуренцијата.

Клоп смета дека Португалецот ќе биде идеална замена за Наби Кеита, кој заминува од „Енфилд“ како слободен агент.

Фудбалерите на Шефилд Јунајтед изборија директна промоција во Премиер лигата, но нивниот сопственик, принцот Абдула бин Мусаид веќе планира да го продаде клубот.

Саудискиот принц склучил договор со нигерискиот бизнисмен Дози Момбуоси пред Божиќ, со што би добил 115 милиони фунти.

Сепак, сопственикот на „бладс“ сега бара други купувачи и се надева дека пред почетокот на сезоната ќе биде познат новиот сопственик.

„Ако дојдеме до одлука, сакам да биде пред подготовките за следната сезона, за да не се одрази на тимот. Ако сме во клубот, ќе го водиме најдобро што можеме. Мојата намера е да се продаде, но ништо не е загарантирано“, изјави Саудиецот.

Шефилд по две сезони поминати во Чемпионшип се враќа во елитното место на англискиот фудбал, а потврда за нивниот квалитет беше ФА Купот каде во полуфиналето беше елиминиран од Манчестер Сити.

„Ако не можам да ги изберам двајцата, тогаш ќе го ставам Мбапе на врвот. Тој игра неверојатно од својата 17-та година, ги урна сите рекорди во Франција и е симбол за фудбал во нашата земја.

Сепак, ќе бидам и искрен кон него. Ако сака да ја освои Лигата на шампионите и „Златната топка“, тогаш треба да си оди од ПСЖ.  Следната сезона ќе мора да донесе нова одлука за својата иднина“, вели Пети.