Според уредникот на шпанскиот весник „Мундо Депортиво“, Санти Нола, Барселона ќе добие зелено светло да игра во Лигата на шампионите следната сезона без оглед на истражната постапка која што ја спроведува Етичката и дисциплинската комисија на УЕФА.

Комитетот мора да даде лиценци за играње во Европа пред 15 мај, што ќе и овозможи на Барселона да игра во европските натпреварувања и покрај истрагата за случајот Негреира.

Мундо Депортиво известува дека Етичката и дисциплинската комисија нема „информации што би можеле да ја поддржат теоријата за забрана на клубот да се натпреварува“ бидејќи не докажала, во согласност со теоријата на ФЕФ, јасна некомпатибилност меѓу позицијата на Комитетот за судии и компанијата на Енрикез Негреира. Нола во својот напис додава:

„За да дојде доа кривично-правниот канал, потребно е да се докаже дека има купени судии или дека имало намера да се стори тоа. Не е доволна само изјава за можноста“.

Шпанскиот прволигаш Хетафе вчера го отпушти Кике Санчез Флорес од местото главен тренер на клубот по долгата серија на разочарувачки резултати. Денеска од клубот соопштија дека на негово местос еднува спортскиот директор Рубен Рејес.

44-годишниот Рејес има тренерско искуство, а претходно беше на чело на Алкобендас и Рајо Мајадахонда, кои беа во пониските лиги во Шпанија. Рејес го презема тимот кој моментално е во зоната за испаѓање во Ла Лига.

Брајтон се договори за рекордна сума од околу 30 милиони фунти да го купи напаѓачот на Ватфорд, Жоао Педро.

Педро формално ќе го заврши трансферот откако ќе се отвори трансфер прозорецот во јуни. Бразилецот има 11 гола и четири асистенции во 35 натпревари во првенството оваа сезона.

21-годишниот играч беше намета на повеќе клубови од Европа меѓу кои Брајтон и Њукасл беа најголеми фаворити за неговиот потпис.

Доколку Интер обезбеди место во Лигата на шампионите за наредната сезона, тогаш ќе го купи младиот фудбалер на Бриж, Тајон Букенан.

Трансферот за сума од 15 милиони евра е условен со пласманот во елитата, најавија денеска дел од медиумите. 24-годишниот фудбалер игра по страничните позиции но, може да се користи и на двете страни од теренот.

Репрезентативецот на Канада со одличните партии на Светското првенство во Катар го привлече вниманието на италијанскиот тим.

Барселона, донесе одлука да го затвори клупскиот телевизиски канал и да остави на улица 150 лица.

Официјално „Барса ТВ’ ќе престане да постои на 30 јуни кога истекува договорот за емитување на „Movistar Television“. Тешката одлука е донесена со цел да се намалат трошоците.

Клубот е заглавен во долгови и до лето мора да ја намали сумата што ја издвојува за плати на сите вработени, вклучувајќи ги и играчите. Барса ТВ постои од 1996 година и се емитува на каталонски, шпански и англиски јазик.

Мејсон Маунт имаше успешна операција на карлицата. Проблемот се појави во месец март а операцијата беше реализирана дури вчера. Фудбалерот на Челзи тоа го потврди преку социјалните мрежи.

Маунт објави на Инстаграм дека „се помина добро и тој се чувствува добро. Играчот од средниот ред додаде дека е возбуден што „се враќа на тренинзите во наредните недели“.

„Вчера поминав низ помала процедура за да ја поправам непријатноста што ја имав веќе некое време. Сè чувствувам добро“, напиша играчот на „сините“.

Менаџерот на Манчестер Јунајтед, Ерик Тен Хег беше лут на своите играчи поради тоа што ја прокоцнаа предноста од 0-2 синоќа на мечот со Тотенхем.

„Некои мислеа дека се е готово. Знам дека тие не се роботи и заморот е проблем, но мора да дадете сè во секоја прилика. Тоа е основата. Забавивме и тоа беше нашиот проблем. Разочарани сме. Имавме предност од 0-2. Имавме шанси да направиме 1-3 но не искористивме. Не бевме добри во 90-те минути, не одигравме брилијантно. По полувремето со 0-2 моравме да постигнеме уште еден гол“, вели Холанѓанецот.

Ѕвездата на Борусија Дортмунд, Џуд Белингем, изјави дека сонува да стави крај на 11-годишното чекање на клубот за титула во Бундеслигата. 19-годишниот играч е клучен во тимот на Един Терзиќ кој моментално има бод предност пред Баерн Минхен на врвот на табелата, на пет натпревари до крајот на сезоната.

„Никој во нашата соблекувална не сонуваше да биде прв по 29 кола. Сонот е да бидеме први по 34 коло. Мораме да победуваме на секој натпревар до крајот на сезоната. Без разлика дали Баерн го победил Мајнц или загубил, ние имаме наша задача. Сакаме да сонуваме, но прво треба да се погрижиме да ја завршиме нашата работа“, вели Англичанецот.

Челниците на шпанскиот прволигаш Хетафе преку официјалниот сајт на клубот соопштија дека Кике Санчез Флорес не е повеќе тренер на тимот.

58-годишниот Флорес е сменет како резултат на серијата од пет првенствени натпревари без победа, а одлучувачки беше поразот на домашен терен од Алмерија која е е директен ривал во трката за опстанок.

Хетафе во последните седум кола го очекува тешка битка за опстанок во елитата и според последните информации нов тренер ќе биде Хозе Бордалес.

Марко Ројс го продолжи договорот со Борусија Дортмунд на уште една година.

Новиот договор на Ројс е со важност за дополнителни 12 месеци. Се шпекулираше за понуди од Саудиска Арабија, но Ројс продолжи да биде верен кон „милионерите“.

Ројс има 33 години, а за Борусија постигна 161 гол во дресот на овој клуб и му недостасуваат уште 17 за да биде најдобриот стрелец во историјата на Борусија.