Јувентус е на прагот да донесе значително засилување во нападот. Италијанскиот гигант ги финализираше клучните детали со Фенербахче за ангажман на мароканскиот напаѓач, Јусеф Ен-Несири, а единствената пречка до реализација е конечното одобрение од самиот фудбалер.

Двата клуба се согласија на формула која предвидува позајмица вредна 5 милиони евра до крајот на сезоната. Договорот вклучува и опција за откуп од 19 милиони евра, која не е задолжителна, како и дополнителни 3 милиони евра преку бонуси за успешност.

Иако Фенербахче првично инсистираше на задолжителен откуп, „Старата Дама“ остана доследна на барањето за флексибилност, успевајќи да го реши застојот во преговорите на почетокот од неделава. Оваа нискоризична структура му овозможува на Јувентус да ја зголеми офанзивната моќ без долгорочни финансиски обврски.

Преговорите со агентите на 28-годишниот напаѓач напредуваат со голема брзина, а во Торино се оптимистични дека ќе добијат потврден одговор веќе викендов. Ен-Несири, кој штотуку ги заврши настапите на Африканскиот Куп на Нации, беше мета и на Наполи, Евертон и Астон Вила, но неговата желба е кариерата да ја продолжи во Серија А.

Доколку се тече според планот, медицинските прегледи ќе бидат закажани веднаш, со цел тој што побрзо да му се стави на располагање на тренерот Игор Тудор во борбата за трофеи.

Мароканскиот репрезентативец со својата висина и доминација во воздухот треба да ги реши проблемите на Јувентус против екипите кои играат со „низок блок“, каде Душан Влаховиќ честопати беше изолиран. Неговата моментална форма е импресивна, со 11 гола на 20 натпревари во турската Суперлига, тој е повеќе од подготвен за предизвиците во италијанскиот фудбал.

Еден од играчите кој остави белег во Реал Мадрид последните десет години Германецот Тони Крос им упати порака на сегашните ѕвезди на „кралскиот клуб“, кои во дуелот со Леванте беа исвиркани од навивачите на Сантијаго Бернабеу.

Фудбалер, кому никогаш не му свиреле на Сантијаго Бернабеу не е голем играч. Тука секогаш играат големи фудбалски имиња. Ако пред почетокот на натпреварот те дочекаат свирежи, тоа не помага во тоа што сите го сакаат, да победуваат, истакна Крос.

Ова е втора сезона во која работите не стојат како што треба и потенцираше дека овој клуб не прифаќа да нема пехари. Крос потенцираше и тоа дека оваа генерација има ментална сила да се избори со притисокот. Тој не ги заборава свирежите во „белиот дрес“ по поразот од Ајакс во 2019 година кога на домашен терен загубија со 1-4.

Барселона се подготвува да потпише нов договор со Фермин Лопез.

„Диарио Спорт“ објавува дека поради интересот на голем број клубови за играчот од средниот ред, „блауграна“ одлучила да дејствува и организирала состанок со неговите претставници.

Каталонците нудат значително зголемување на платата и двегодишно продолжување на договорот.

Сегашниот договор на Фермин важи до летото 2029 година.

Фермин сака да остане и да стане клучен играч во тимот. Останува да се сочека текот на преговорите.

Фудбалерот на актуелниот италијански фудбалски клуб Наполи, Лоренцо Лука, се пресели во редовите на Нотингем Форест како позајмен играч објавија медиумите од Италија.

Договорот меѓу двата клуба вклучува и опција Нотингем Форест да го откупи договорот на италијанскиот напаѓач за сума од 34,8 милиони фунти.

„Лоренцо е играч кој носи специфични квалитети во нашиот тим и многу сме задоволни што ни се придружи.

Тој играше на највисоко ниво во различни земји и доаѓа со добра комбинација од искуство и простор за понатамошен развој“, изјави спортскиот директор на Нотингем Форест, Еду Гаспар.

Пред Наполи, Лука играше за Виченца, Торино, Палермо, Пиза и Удинезе.

Менаџерот на Челси, Лиам Розениор, решително ги отфрли шпекулациите кои го поврзуваат Кол Палмер со премин во Манчестер Јунајтед, нагласувајќи дека младиот фудбалер е среќен во Лондон: „Разговарав со Кол во неколку наврати… тој е задоволен и сака да биде тука“, изјави Розениор, директно демантирајќи ги пишувањата на медиумите за наводната носталгија на играчот по родниот Манчестер.

Палмер во детството беше навивач на Манчестер Јунајтед, па поради тоа овие изјави не ги стивнуваат шпекулациите на дел од фановите.

Розениор подвлече дека 23-годишниот е „огромен дел од долгорочните планови“ на клубот. Иако актуелната кампања 2025/26 му е отежната поради честите проблеми со препоните, што го ограничи на само 10 натпревари како стартер во Премиер Лигата, неговото влијание останува витално за успехот на клубот.

Трансфер пазарот сепак нуди поразлична слика. Додека некои новинари тврдат дека Челси го смета Палмер за „недопирлив“, други сугерираат дека клубот би можел да размисли за продажба доколку пристигне понуда која значително ја надминува неговата пазарна вредност од 100 милиони евра.

Интересот на Манчестер Јунајтед не стивнува, бидејќи тие во него гледаат идеален наследник на Бруно Фернандеш. Сепак, во моментов нема ништо конкретно. Иднината на Палмер на Стемфорд Бриџ најверојатно ќе зависи од нивната конкуренција меѓу најголемите трофеи.

Валенсија постигна договор за ангажман на аргентинскиот играч Гвидо Родригез. Искусниот фудбалер доаѓа од Вест Хем како слободен агент, а трансферот ќе биде официјализиран по медицинските прегледи закажани викендов. Овој потег се очекува значително да го подигне квалитетот во средниот ред на шпанскиот тим.

„Лилјаците“ успеаја да го обезбедат потписот на Родригез без обесштетување, откако тој предвреме го раскина договорот со премиерлигашот. Сите формалности се веќе завршени, па по официјалниот потпис, 31-годишниот дефанзивен играч од средината веднаш ќе му се стави на располагање на стручниот штаб.

Родригез, кој е актуелен светски шампион со Аргентина, пристигна во Вест Хем во август 2024 година по успешниот период во Реал Бетис. Сепак, неговата минутажа во Лондон драстично се намали по заминувањето на Хулен Лопетеги, што го принуди да побара нова средина. Враќањето во Шпанија за него значи загарантирано место во првиот тим, што му е неопходно за да го задржи статусот на репрезентативец.

За Валенсија, Гвидо Родригез носи тактичка дисциплина и лидерство во критичен дел од сезоната. Од друга страна, Вест Хем ослободува место во пренатрупаниот среден ред, со што се отвора простор за најавената реконструкција на тимот.

Галатасарај продолжува со својата амбициозна офанзива на трансфер пазарот, обезбедувајќи ги услугите на колумбиското крило Јасер Асприља. Според првичните информации, постигнат е вербален договор со Жирона за позајмица на играчот, што претставува уште еден голем потег за турскиот гигант во овој преоден рок.

Договорот е структуриран така што му овозможува флексибилност на Галатасарај, но и долгорочна посветеност кон 22-годишниот фудбалер. Иако првично се работи за позајмица без надомест, вклучена е клаузула за откуп која станува задолжителна по одреден број одиграни натпревари. Целосната сума на трансферот би изнесувала 23 милиони евра, со дополнителни 2 милиони евра во форма на бонуси, додека Жирона ќе задржи и проценти од неговата идна продажба.

Асприља се пресели во Жирона од Ватфорд во 2024 година и веднаш го привлече вниманието во Ла Лига со својата брзина и извонреден дриблинг. Сепак, во потрага по поголема минутажа, Колумбиецот реши да го прифати предизвикот во Турција, иако за него претходно интерес покажаа европски великани како Бенфика, Ајакс и Марсеј.

Трансферот се смета за готова работа, а Асприља веќе неделава се очекува во Истанбул на медицински прегледи. Навивачите на Галатасарај се во еуфорија поради доаѓањето на талентираното крило, кое треба дополнително да го засили нападот на тимот во трката за трофеи.

Тами Абрахам е на пат да се врати во англискиот фудбал по четири и пол години. Ејбрахам е на прагот да се врати во Астон Вила, за која постигна 26 гола во Чемпионшип во сезоната 2018/19.

Како што објави „ТРТ Спор“, а потврди и Фабрицио Романо, Бешикташ и Астон Вила постигнале договор. Вила ќе плати 21 милион евра и во Истанбул ќе го испрати Јашин Озџан, како дел од трансферот.

Ејбрахам пристигна од Рома во црно-белиот тим од Босфор ова лето, а во последно време не игра во добра форма.

Екипата на Унаи Емери беше без Дониел Мулен кон средината на јануари, кој замина на позајмица во Рома, па Абрахам пристигнува како врвна замена во се попредизвикувачкиот дел од сезоната.

Искусниот англиски голгетер ќе биде замена за Оли Воткинс, кој е единствениот вистински напаѓач во Вила во тековната кампања.

Повеќекратниот германски првак Баерн Минхен планира во своите редови да донесе уште еден англиски репрезентативец, откако напаѓачот Хари Кејн одлично се снајде во редовите на бундеслигашот. Кејн е еден од подобрите играчи на „баварците“.

Според информациите Баерн е заинтересиран за Трент Александер-Арнолд, откако англискиот репрезентативец не се снајде во редовите на Реал Мадрид.

Според шпанските медиуми Александер-Арнолд е пред заминување од „кралскиот клуб“ каде има договор до летото 2031 година, а неговата процена е дека вреди околу 70 милиони евра. Покрај Баерн, интерес имало и од неколку премиерлигаши за враќање во Англија на фудбалерот.

Реал Мадрид е млубот што заработил најмногу во сезоната 2024/25, покажува извештајот од „Дилојт“.

Реал Мадрид, оствари профит од една милијарда и 200 милиони евра, иако минатата сезона не беше ниту шампион на Шпанија, ниту ја освои Лигата на шампионите.

Во првите 10 клуба што заработиле најмногу, има шест од Премиер лигата, 15 во првите 30.

Кога станува збор за Премиер лигата, Ливерпул е „број 1“ во сезоната 2024/25, во која ја освои титулата. Клубот заработил 836,1 милиони евра, односно 702 милиони фунти.

Манчестер Јунајтед никогаш не бил на пониска позиција на 29 објавени листи на „Дилојт“. Јунајтед е на осмото место оваа година со заработка од 793,1 милиони евра. Манчестер Сити исто така падна на листата. Сити падна од второто на шестото место со заработка од 829 милиони евра.

За Реал, на второто место на листатасе наоѓа Барселона. Гигантот од Каталонија се враќа во првите три за прв пат од сезоната 2019/20. со заработка од 975 милиони евра.

Трет е Баерн Минхен со заработка од 861 милион евра, четврти е победникот на Лигата на шампионите, Пари Сен Жермен со 837 милиони евра.

Првите 20 клуба на листата ја зголемија својата заработка за 11 проценти, тие 20 клуба заработија вкупно 12 милијарди и 400 милиони евра.

Арсенал (седмо место, 821,7 милиони), Тотенхем (деветто место, 672,6 милиони) и Челзи (десетто место, исто како и минатата година, 584,1 милиони) се исто така во првите десет клуба по заработка.

Интер е на 11-то место (537,5 милиони), Борусија Дортмунд е на 12-то место со 531,3 милиони, а потоа следува Атлетико Мадрид со 454,5 милиони.

Топ 20 ги комплетираат Астон Вила, Милан, Јувентус, Њукасл, Штутгарт, Бенфика и Вест Хем.