Милан е силно заинтересиран за плејмејкерот на Реал Мадрид, Дани Себаљос, пренесуваат шпанските медиуми.

Себаљос влезе во последната година од договорот со Реал Мадрид и на лето ќе си замине од клубот како слободен агент. Милан бара засилување за средниот ред, а Пиоли верува дека Шпанцеот иделано ќе се вклопи во неговиот стил на игра.

„Росонерите“ наскоро ќе стапат во контакт со агентот на Себаљос и ќе започнат преговори, но ќе треба да ја победат конкуренцијата.

Имено, силен интерес за Себаљос покажува и Јувентус, па на лето ќе гледаме италијанско дерби за потписот на Шпанецот.

Претседателот на УЕФА, Александар Чеферин, не сака да го коментира за скандалот со ФК Барселона.

„Не можам  да коментирам од две причини. Прво, затоа што имаме независна дисциплинска комисија. И второ, затоа што не ја знам темата“, вели Чеферин.

Поранешните претседатели Хосеп Марија Бартомеу и Сандро Росел се обвинети дека на Хозе Негреира, поранешен потпретседател на шпанската судиска комисија и на неговата компанија им исплатиле вкупно 8,4 милиони евра.

Екипите од Серија А платиле вкупно 205,7 милиони евра провизии на фудбалски агенти за цела 2022 година, според извештајот објавен од Италијанската фудбалска федерација.

Сумата е рекордна во овој поглед, бидејќи претходното врвно достигнување за италијанската елита беше во 2019 година – 187 милиони евра. Во 2020 година, како резултат на пандемијата на коронавирус, провизиите паднаа на 138 милиони евра, а една година подоцна износот изнесуваше 173 милиони евра. За минатата година убедлив лидер по исплатените пари на фудбалски агенти меѓу калчо тимовите беше Јувентус со 51,3 милиони евра. Најверојатно главен придонес за ова имаат трансферите на Пол Погба и Анхел Ди Марија како слободни играчи. На второ место е Рома со 21,1 милиони евра, а минатото лето тие потпишаа со слободни агенти како Паоло Дибала, Немања Матиќ и Андреа Белоти.

Топ 3 ја комплетира Интер од каде платиле 20,6 милиони евра. Само овие три клуба поделија 93 милиони евра платени провизии или 45% од вкупната сума од 205,7 милиони евра. Четврта на ова рангирање е Фиорентина со 13,6 милиони евра. Лидерот во Серија А, Наполи е петти со 12,5 милиони евра, додека актуелниот шампион Милан е шести со 12 милиони евра. На дното на рангирањето се два дебитанти – Кремонезе со 2,8 милиони евра и Лече со 2,4 милиони евра, како и Торино чија уплатена сума од 2 милиони евра е најмала во Калчо лигата.

Хозе Рохо „Пачета“ од денеска повеќе не е тренер на шпански Ваљадолид. По катастрофалниот пораз од Реал Мадрид со 6-0 на „Сантијаго Бернабеу“, клубот денеска реши да се раздели со стратегот кој го врати Ваљадолид во елитата.

„Ваљадолид го цени периодот кој тренерот го помина на кормилото и го врати клубот во Ла Лига. Ова е тешка одлука поради сето она што значи Пачета за нашиот клуб. Во неговите 75 официјални натпревари тој изгради спортски и приврзан однос со Ваљадолид кој ќе остане засекогаш како дел од историјата“, се вели во клупското соопштение. Засега нема официјално назначено негов заменик.

Маурицио Почетино, Зинедин Зидан, Марко Силва и Јулијан Нагелсман се имињата кои најчесто се споменуваат како можни кандидати за преземање на клупата на Челзи. Пред лондонските гиганти да го решат тоа прашање, мораат да се справат со заминувањето на Потер, со кого потпишаа скапо петгодишно партнерство.

Челзи постигнал договор со Потер и нема да мора да плати отпремнина што би претставувало невидено скапа разделба меѓу менаџерот и клубот. Се проценуваше дека Челзи ќе треба да плати околу 50 милиони фунти за да се ослободи од Потер, кој добиваше 12 милиони фунти годишно.

Сепак, тоа нема да се случи, затоа што било договорено Потер са добие 21,5 милиони фунти на име обештетување, но и таа бројка е светски рекорд за тренери кои останале без работа.

Тренерот на Милан, Стефано Пиоли беше презадоволен од начинот на кој го одиграа мечот со Наполи синоќа. Тој ги повика фудбалерите да го задржат истиот став како и на натпреварот против Наполи.

„Задоволен сум од победата, но ова е само првиот чекор. Претстојат уште девет натпревари во првенството, кои мора да се одиграат со истиот став. Ни побегнаа премногу бодови. Денешниот резултат нема да влијае на натпреварите во Лигата на шампионите, тоа е сосема поинаков турнир со друга атмосфера. Ние внимателно ќе ја проучуваме оваа игра и ќе размислиме за следната. Важно беше да победиме и да останеме лидери во борбата за место во Лигата на шампионите“, вели Пиоли.

Роналд Куман зборуваше за неговиот период во Барселона и откри како Меси на неславен начин си заминал од Барселона.

Меси поради финансиските проблеми на Барселона мораше да го напушти клубот во 2021 година. Сега, Куман во интервју откри дека претседателот Лапорта го излажал за иднината на аргентинскиот фудбалер.

„Лапорта ме излажа. Разговаравме и го прашав за Меси дали ќе остане, ми одговори „да ќе остане“. Следниот ден Меси си замина.

Дефинитивно не заслужи на таков начин да замине. Многу работи во Барселона беа против мене. Тешко е кога претседателот се сомнева во вас, би се вратил кога би имал шанса“, изјави Куман.

Ансу Фати и во оваа сезона не успеава да се наметне во Барселона, да ги повтори партии со кои се промовираше на големата сцена и најави дека може да биде новата голема ѕвезда на каталонскиот великан, шпанскиот, европскиот и светскиот фудбал.

Напаѓачот најчесто добива шанса од клупата за резерви, а и кога ќе добие едноставно не ги користи своите минути и се повеќе во медиумите се говори дека може да го напушти клубот во летниот преоден рок. Таткото на играчот, Бори Фати преку интервју за „Кадена Копе“ порача дека многу му е лут на тренерот Чави Хернандес и ако тој се прашува неговиот син треба да си замине од „Камп Ноу“.

Коментар од „десетката“ на Барселона не видовме, слушнавме, но затоа Чави реши да му одговори на Бори и да посочи каква е реално ситуацијата на терен,

„Тој е мирен и фокусиран. Јас се грижам само за него, не за неговиот татко или неговиот табор. Јас, исто така минав низ слични ситуации, тој страда за својот син и го разбирам. Имам самодоверба и тотална верба во Ансу. Зборував со него многу и го запознав многу пати, исто како и со многу други играчи. Јас сум првиот што сака тој да успее“, порача Чави Хернандез.

Јувентус сака да го донесе во клубот спортскиот директор на Милан, Фредерик Масара, пренесува „Газета дело Спорт“.

Јувентус се наоѓа во тежок период откако целото раководство си поднесе оставка поради финансиски малверзации. Откако беше избран нов претседател сега приоритет е да биде комплетирано раководството со нов спортски директор.

Во моментов тренерот Макс Алегри е единствен задолжен за спортскиот сектор, но наскоро треба да биде назначен нов спортски директор. Најголема желба е директорот на Милан, Фредерик Масара, кој беше избран за најдобар директор во Серија А и кој има голема улога во успесите на „росонерите“.

Меѓутоа, Масара има договор со Милан до јуни 2024 година и италијанскиот шампион не сака да го пушти.

Шпанските медиуми пишуваат дека Реал Мадрид би можел да прифати понуди за францускиот репрезентативец Орелиен Чуамени ова лето, откако играчот не успеа да се избори за редовен првотимски статус оваа сезона. Арсенал и Ливерпул се споменуваат како најзаинтересирани за 23-годишната екс-ѕвезда на Монако, која минатото лето пристигна во Мадрид.

Чуамени се пресели во Мадрид за 100 милиони евра од Монако, откако од трката за него извисија Ливерпул и Арсенал, кои сега го враќаат интересот за Французинот.

Младиот играч за врска во последните неколку месеци почесто се појавува од клупата. Англичаните првично имаат понуди од по 90 милиони евра за Чуамени, но не е сигурно дали Реал навистина ќе се одлучи за негова продажба.