Приоритет на Милан на крајот на сезоната ќе биде доведување на врвен напаѓач, пренесуваат италијанските медиуми.

Жиру е во поодминати години, Ориги има проблем со повреди, па Малдини сака да доведе млад и перскептивен напаѓач. Главна цел е младиот напаѓач на Салцбург, Ноа Окафор, кој го привлече вниманието на многу европски гиганти. Ѕвездата на Лил, Џонатан Дејвид, исто така влезе во плановите на Малдини.

Третото име на списокот е младиот напаѓач на Ајакс, Мохамед Кудус, кој игра уште една одлична сезона.

Италијанските медиуми пренесуваат дека „росонерите“ на лето ќе имаат буџет од 50 милиони евра само нов напаѓач.

Некогашниот фудбалски репрезентативец на Того, Емануел Адебајор соопшти дека става крај на својата играчка кариера.

Адебајор објавата за крај на кариерата ја соопшти на својот Инстаграм профил.

-Мојата кариера беше неверојатно патување. Му благодарам на навивачите што беа со мене на секој мој чекор. Возбуден сум за она што следува во иднина- стои во објавата на Адебајор.

39-годишниот сега поранешен фудбалер  својата кариера ја започна во Мец, а потоа настапуваше за Монако, Арсенал, Манчестер Сити, Реал, Тотенхем, Кристал Палас, Башакшехир, Kајзери, Олимпија и Семаси.

За репрезентацијата на Того има одиграно 85 натпревари и постигна 32 гола. Адебајор во 2008.година беше прогласен за најдобар африкански фудбалер

Поранешниот селектор на Англија, Рој Хоџсон, е назначен за нов тренер на Кристал Палас. Тој ќе го води премиерлигашот од Лондон до крајот на сезоната.

75-годишниот тренер и претходно го водеше Кристал Палас, во периодот од 2017. до 2021.година. Хоџсон меѓу другото беше и селектор на фудбалските репрезентации на Швајцарија, Обединетите Арапски Емирати и Финска. а селектор на Англија беше од 2012. до 2016. година.

Во клупскиот фудбал, Хоџсон беше тренер на Интер, Блекбурн, Фулам, Ливерпул, ВБА и Ватфорд. Кристал Палас пред неколку дена го промени тренерот Патрик Виера, поради серијата на лоши резултати.

Лазар Самарџиќ игра одлично во дресот на Удинезе и го привлече вниманието на многу европски гиганти.

21-годишниот офанзивен играч за врска е роден во Германија, но има српски корени и избра да игра за српската репрезентација. Тој игра одлично во Серија А, а најсилен интерес за неговите услуги покажуваат Барселона и Милан.

Самарџиќ покажа дека е еден од најталентираните играчи во Серија А, па Удинезе сигурно нема да го пушти за сума помала од 20 милиони евра.

Фудбалерот на Јувентус и репрезентативец на Србија, Душан Влаховиќ, е една од опциите за нов напаѓач на „кралскиот клуб“, кој би играл во тандем со Бензема.

Челниците на клубот од Мадрид, ја истражуваат опцијата со Влаховиќ, кој доколку пристигне во Реал, би бил долгорочна замена за Карим Бензема, и би претставувал нова ера за нападот.

35-годишниот француски напаѓач, има договор со Реал до крајот на сезоната, но најверојатно ќе го продолжи истиот уште една наредна сезона. Во клубот се надеваат дека негов наследник би бил или Ерлинг Халанд, или пак Килијан Мбапе. Меѓутоа доколку не се успее во плановите за доведување на еден од овие два топ напаѓачи, тогаш Влаховиќ е одлична алтернатива.

Според Трансфермаркт, пазарната вредност на 23-годишниот Србин, во моментов изнесува 80 милиони евра, сума која Јувентус во јануари минатата година ја плати за неговиот ангажман од Фиорентина.

Фудбалерите на Реал Мадрид доцна синоќа загубија на теренот на Барселона со 2-1 по што заостануваат големи 12 бодови во однос на Каталонците во трката за шампионската титула.  

Математика вели дека Барса речиси сигурно ќе биде шампион на Ла Лига бидејќи е тешко за очекување дека Реал ќе ја надополни негативата во последните 12 кола. Тоа на некој начин го потврдува и изјавата на голманот на „белите“. Мора да сме искрени и реални. Барса има четири меча предност така да тешко дека ќе ја одбраниме титулата. Можеме да ја освоиме Лигата на шампионите и Кралскиот куп“, рече интернационалецот од Белгија.

Манчестер јунајтед игра променливо оваа сезона, но со подобри резултати од претходните сезони, па сега тренерот Ерик Тен Хаг сака дополнително да го засили составот.

Голманот Давид Де Геа е прв чувар на мрежата на „ѓаволите“, но Тен Хаг сака да донесе негов наследник и наводно изборот паднал на голманот на Андерхелхт, Барт Вербруген.

Овој 20-годишен голман стана прв голман на Андерлехт по Светското првенство, а сега „ѓаволите“ ќе се обидат да го купат за само 10 милиони евра.

Менаџерот на Тотенхем, Антонио Конте ги разгневил некои од главните играчи на тимот со коментарите после мечот со Саутемптон.

Конте отворено ги нападна фудбалерите дека немаат карактер и дека се себични, а упати критики и до сопственикот на клубот. Конте смета дека токму тоа е причина за недостатокот на титули, па неговите зборови предизвикаа „лавина“ во сите структури на клубот.

Според англиските медиуми фудбалерите знаат дека следната сезона ќе имаат нов менаџер, но некои од ѕвездите сакаат Конте да добие отказ веднаш. Следниот меч Тотенхем го игра на трети април против Евертон, па репрезентативната пауза е идеална за тренерска смена.

Последната одлука секако е на претседателот Даниел Леви, кој треба да одлучи дали да ја заврши сезоната со Конте на кормилото или веднаш да му врачи отказ.

Бордот на директори побарал објаснување од Конте, па во наредните денови ќе биде донесена одлука да неговата иднина.

Динамо има убедлива предност на табелата како првопласиран тим во Хрватска, но бидејќи влезе во лоша серија од едно реми и два порази во низа, шампионот ќе мора да се докажува утре во големото дерби против Ријека.

Големото дерби кое ќе се игра на „Максимир“ ќе има посебен шмек во Загреб и поради прошталниот меч кој ќе го одигра Аријан Адеми, кој 24 часа по утрешниот меч ќе биде во Кина, каде веќе си договори трансфер за заработка од 1,65 милион евра по сезона.

„Сега ни доаѓа ера без Адеми во тимот и ќе мора да се навикнеме на тоа. Утре ќе го одигра прошталниот меч, ќе стави крај на своите најдобри 13 години. 13 години му посвети на Динамо и сега ние му ја исполнуваме желбата. Сакаше финансиски да ја осигура иднината на своето семејство и сака да се прости од Динамо додека е на врвот.

Не сака да биде товар за клубот за година или две, Аријан е наша легенда, пример за сите соиграчи. Благодарни сме му за се, навистина заслужи од секој аспект да биде испратен онака како што заслужува. Ќе направиме се прошталниот меч да го памети по добро“, изјави тренерот Анте Чачиќ.

Новак Ѓоковиќ втора година по ред не може да влезе во САД затоа што не е вакциниран против ковид-19, па поради тоа ги пропушти Мастерсите во Мајами и Индијан Велс, но сите се надеваат дека тој ќе може да настапи на Ју-Ес Опен.

Американците ќе ги променат правилата за влез на невакцинирани лица во САД во мај, па така Ѓоковиќ би можел да добие дозвола за настап на Мастерсот во Синсинати и гренслем-турнирот Ју-Ес Опен.

Тениската асоцијација на САД се надева дека Ѓоковиќ ќе ја добие дозволата и ќе заигра на турнирите.

„Правилата за влез во САД ги одредува Белата куќа. Се надеваме дека Ѓоковиќ ќе добие шанса да игра на турнирите затоа што САД ќе укине дел од правилата или ќе ги намали мерките“, кажа Крис Видмајер од тениската асоцијација.

Ѓоковиќ минатата година ги пропушти Австралијан опен и Ју-Ес Опен зашто не е вакциниран.