Манчестер Сити напредува во преговорите со Милан за трансферот на Тијани Рејндерс, тврди „Скај Спортс Италија“. Холандскиот играч од средниот ред е една од големите трансфер цели на Пеп Гвардиола ова лето, а Шпанецот сака да потпише со него пред почетокот на Светското клупско првенство.

Според изворот, Милан е подготвен да продаде еден од своите најдобри играчи веднаш по завршувањето на сезоната. „Росонерите“ нема да играат на европските турнири следната сезона, па затоа се финансиски ограничени.

Рејндерс постигна 15 гола и имаше пет асистенции во 53 натпревари за Милан во сите натпреварувања оваа сезона. Се зборуваше дека и Реал Мадрид е заинтересиран за него.

„Росонерите“ се надеваат дека ќе добијат околу 90 милиони евра за својата ѕвезда. Имаше извештаи дека првата понуда на Сити била за 60 милиони и затоа била веднаш одбиена.

Манчестер јунајтед имаше шанса но не успеа да ја спаси сезоната. Во средата, Јунајтед доживеа пораз од Тотенхем (0-1) во финалето во Лига Европа. Тотенхем го освои трофејот и избори пласман во Лигата на шампионите, а Јунајтед ја комплетира најлошата сезона во последните 50 години.

Ремонт и тоа целосен. Ова му претсоти на Манчестер јунајтед во летниот преоден рок. Наводно сите, со исклучок на капитенот Бруно Фернандеш, сите се на продажба.

Проблемот може да биде нешто друго. Фернандеш е желба на многу други клубови, меѓу кои и на богатиот Ал-Хилал.

Овој клуб е подготвен да плати за услугите на Португалецот и воедно да му понуди голема плата. Информациите од Англија говорат дека Фернандеш ја одбил понудата.

Самиот по финалето изјави дека ќе замине само во случај тоа клупските челници да го побараат.

Желбата на Ал Хилал беше да го доведе Фернандеш пред Светското клупско првенство, каде што саудискиот тим има големи амбиции.

Што се однесува до другите играчи на Јунајтед, сите се на продажба. Останува да се види дали ќе има интерес по разочарувачката сезона.

Рубен Аморим ќе располага со летен буџет за трансфери од околу 100 милиони фунти и ја има цврстата поддршка од Манчестер Јунајтед, и покрај поразот од Тотенхем во финалето на Лига Европа во средата. 

Како што претходно објави „The Guardian“, вербата на раководството во Аморим не зависи од исходот на натпреварот на „Сан Мамес“ во Билбао. Манчестер Јунајтед, под водство на Сер Џим Ратклиф, има доверба во португалецот и е подготвен да инвестира за да го засили тимот. 

Матеус Куња од Вулверхемптон е главна цел на „Црвените Ѓаволи“, и се вели дека токму тој прв ќе пристигне во Карингтон. Лиам Делап од Ипсвич е исто така меѓу приоритетите за Јунајтед, а двата трансфера може да се реализираат без потреба од продажба на сегашни играчи. 

Сепак, за дополнителни засилувања, Јунајтед ќе мора да продаде играчи како: Маркус Рашфорд, Џејдон Санчо и Антони, за да го зголеми буџетот на Аморим. Според „ESPN“, доколку Јунајтед ги реализира планираните продажби, Аморим има јасна визија за тоа како ќе изгледа тимот следната сезона. 

Ерик тен Хаг е во потрага по нова работа откако беше отпуштен од Манчестер Јунајтед во октомври минатата година. Според „Bild“, тен Хаг, кој сака повторно да се докаже како врвен менаџер по турбулентниот период на „Олд Трафорд“, е втор избор на Леверкузен зад Сеск Фабрегас. Сепак, неговото заминување од Комо нема да биде лесна задача. 

Леверкузен јасно ја изрази својата намера да назначи менаџер кој ќе знае како да го искористи актуелниот моментум. Репутацијата на Холанѓанецот за структуриран фудбал базиран на посед – усовршен за време на неговиот престој во Ајакс – добро се вклопува со визијата на клубот за иднината. 

Доколку се постигне договор, ова назначување би било првата улога на Тен Хаг по неговото заминување од Манчестер Јунајтед и потенцијално клучен чекор за него и за Леверкузен во нивните обиди да го зацврстат своето место меѓу европската фудбалска елита. 

Фабрицио Романо изјави дека Тен Хаг ја изразил својата „целосна достапност“ за Леверкузен по директен контакт со германскиот клуб и дека разговорите напредуваат во насока тој да стане нивен следен менаџер. 

Лука Модрич ќе го напушти Реал Мадрид по Светското Клупско Првенство, со што ќе заврши неговиот легендарен престој од повеќе од една деценија на „Сантијаго Бернабеу“. Иако хрватскиот играч од средниот ред изрази желба да ја заврши кариерата како фудбалер на Мадрид, одлуката веќе е донесена – и не била лесна. 

Модрич пристигна во Реал Мадрид во 2012 година, кога Жозе Мурињо сè уште беше тренер на клубот. Во текот на годините, тој освои бројни трофеи со „кралскиот клуб“, вклучувајќи титули во Лигата на Шампионите, трофеи во Ла Лига, Копа дел Реј, како и најголемото индивидуално признание во неговата кариера – престижната Златна Топка во 2018 година. Вистински маестро на теренот, Модрич повеќе од една деценија беше срцето на средниот ред на клубот и еден од најомилените играчи меѓу навивачите на „Бернабеу“. 

Иако има 39 години (ќе наполни 40 во септември), Модрич и понатаму дава значаен придонес под водство на Карло Анчелоти, но не со истата регуларност како во претходните сезони. И покрај неговите стабилни настапи, раководството на клубот одлучи да се фокусира на генерациска промена, градeјќи ја иднината околу млади играчи од средниот ред како Џуд Белингам, Едуардо Камавинга, Орелиен Чуамени и Федерико Валверде. 

Реал Мадрид ќе го хостира Реал Сосиедад на „Бернабеу“ во натпревар кој потенцијално ќе биде проштален за Модрич. Со оглед на тоа што клубот не го продолжи неговиот договор, останува да се види дали хрватот ќе ја продолжи кариерата во Европа или ќе побара нов предизвик на друго место. 

Џејми Варди кој ќе го напушти Лестер на крајот на сезоната, има реални шанси да остане во елитанта фудбалска конкуренција на Англија.

Според дел од медиумите, 38-годишниот напаѓач може да добие понуда да го облече дресот на Кристал Палас. Варди во сезонава одигра 35 натпревари во Премиер лигата, постигна 9 гола и имаше 4 асистенции.

Ветеранот беше дел од легендарниот состав на „лисиците“ кој ја освои сензационално премиер Лигата во сезоната 2015/16.

Финалистот од Лигата на шампионите, Интер, активно се обидува да пронајде замена за играчот од средниот ред, Хенрик Михтарјан.

Главна опција за „нероаѕурите“ е Фермин Лопез од Барселона. Според наведеното од страна на „Калчомекато“, италијанците се подготвен да понудат 60 милиони евра за тинејџерот на Барса.

Што се однесува до Мхитарјан, тој игра за Интер од 2022 година. Во сезонава на 48 натпревари има 1 гол и 5 асистенции.

Спортскиот директор на Барселона, Деко, изјави дека луѓето од клубот им се „допаѓаат“ Маркус Рашфорд од Манчестер јунајтед и Луис Дијаз од Ливерпул.

Шпанските медиуми оваа недела објавија дека Дијаз би можел да се пресели во Барселона, а Рашфорд се надеваше на трансфер во каталонскиот клуб во јануари, мно замина на позајмица во Астон Вила.

Нема индикации дека Ливерпул воопшти размислува да отвори преговори за Дијаз, кој има уште две години од договорот со „црвените“, додека Рашфорд може да го напушти „Олд Трафорд“ за околу 40 милиони фунти, објави денес „Би-Би-Си“.

„Ни се допаѓа Луис Дијаз, ни се допаѓа Маркус Рашфорд, ни се допаѓаат и други играчи. Кога одиме на пазарот, има имиња што ги знаеме и кои би можеле да го подобрат тимот“, изјави Деко за каталонската радио станица „РАК1“.

Деко изјави дека приоритет на клубот е да доведе нов крилен напаѓач, но и да продолжи соработката со неколку играчи од тимот.

„Наш приоритет е да го зајакнеме она што го имаме, со продолжување на договорите на Педри, Гави, Араухо, Рафиња, Кунде. Јасно ми е дека кога луѓето зборуваат за засилувања, секогаш мислат на играчи што доаѓаат од странство, но за мене продолжувањето на договорите е исто така засилување. Продолжувањето на договорот со Ламин Јамал е најдобриот трансфер во историјата“, додаде тој.

Дефанзивецот на Тотенхем, Кристијан Ромеро, кој ја освои наградата за најдобар играч во финалето на Лигата на Европа против Манчестер Јунајтед (1:0), беше прогласен и за најдобар играч на сезоната во ова натпреварување.

Капитенот на Тотенхем ја освои престижната награда по проценката на Групата за технички набљудувачи на УЕФА. 27-годишниот Аргентинец играше на 7 натпревари од Лигата на Европа и има една асистенција, со проценета точност на додавања од 91%, а неговата статистика за одземање на топката од противникот е исто така импресивна.

Ромеро се истакна на крајот од сезоната, блескајќи за време на елиминациската фаза, играјќи секоја минута од четвртфиналето, полуфиналето и финалето на турнирот.

Претходните играчи на сезоната во Лигата на Европа беа играчи како Еден Азар (Челзи), Ромелу Лукаку (Интер), Хесус Навас (Севиља) и Пјер-Емерик Обамејанг (Марсеј).

Напаѓачот на Арсенал, Леандро Тросар, е подготвен да потпише нов договор со „топчиите“. Според Би-Би-Си, Белгиецот јасно стави до знаење дека не сака да го напушти клубот, и покрај профитабилните понуди од Саудиска Арабија.

Според изворот, 30-годишниот напаѓач ја потврдил својата посветеност на проектот на Микел Артета и веќе го информирал клубот за својата желба да остане. Тековниот договор на Тросар со Лондончани е до летото 2027 година. Страните разговараат за можно продолжување на договорот уште од јануари, но засега нема финален договор.

Леандро Тросар настапи на 55 натпревари за Арсенал во сите натпреварувања оваа сезона и постигна 10 гола.