Манчестер Јунајтед прокоцка огромна шанса за победа на гостувањето кај Лион во првиот натпревар од четвртфиналната фаза во Лига Европа. Францускиот тим прв зададе удар, а откако „ѓаволите“ со два гола го презедоа водството и беа пред славје, во судиското надополнување Рајан Черки со мајсторска завршница стрелаше за конечни 2-2.

Камерунецот лошо интервенираше и во 26.минута кога Алмада центрираше, а тој лошо го процени летото на топката, потоа и лошо реагираше, а топката заврши зад неговиот грб.

Изедначи Јунајтед со голот на Лени Јоро, негов прв во дресот на „црвените ѓаволи“, во петтата минута од надополнувањето на времетов о првиот дел.

Немаше победник и голови во Глазгов на дуелот меѓу Ренџерс и Атлетик Билбао.

Тешко е да се каже кој е позадоволен. Гостите сигурно жалат бидејќи шкотскиот тим имаше играч помалку во поголемиот дел од натпреварот, поради црвениот картон што го доби Робин Пропер во 13. минута.

Баскијците имаа шанса за победа, но голманот Лиам Кели го одбрани пеналот на Алекс Беренгер во 82. минута.

Интереен ќе биде и реваншот во Франкфурт, кога Ајнтрахт ќе го пречека Тотенхем, откако вечерва одиграа 1-1.

Германскиот тим до предност дојде со голот на Уго Екитике, по грешката на Џејмс Медисон на средината на теренот, но англискиот фудбалер 20 минути подоцна се извади со асистенција за Педро Пора за израмнување. Всушност, тоа беше мајсторија на Шпанецот, кој со петица го совлада голманот на Ајнтрахт.

Интернационалниот олимписки комитет (ИОК) реши да направи промени на фудбалскиот турнир на Олимписките игри во Лос Анџелес во 2028 година. ИОК го зголеми бројот на репрезентации на женскиот дел од турнирот и во исто време донесе одлука да го намали брјот на учесници на машкиот дел од турнирот.

На Олимпијадата во Лос Анџелес наместо досегашните 12 ќе учествуваат 16 женски репрезентации, додека машкиот олимписки турнир ќе биде намален од 16 на 12 екипи.

ИОК рече дека причината за промената е брзо растечката популарност на женските тимски спортови, особено во САД и дека промената во форматот на натпреварувањето е одраз на тој брз раст.

„Сакавме да направиме нешто што ќе го одрази тој раст, а исто така и дека САД се дом на најпопуларниот женски фудбал“, рече спортскиот директор на ИОК, Кит Меконел на прес-конференција.

Тој нагласи дека ИОК разговарал за ова прашање со организаторите на Игрите во ЛА и ФИФА, управното тело на светскиот фудбал, пред да ја донесе одлуката.

Соединетите Американски Држави, кои исто така ќе бидат домаќини на Светските првенства за жени во 2026 и 2031 година, освоија пет златни олимписки медали во женска конкуренција.

Тренерот на Астон Вила, Унаи Емери, по вчерашниот пораз кај ПСЖ во Лигата на шампионите, вели дека на реваншот на „Вила парк“ ќе биде сосема друга приказната.

„Повеќе или помалку, очекував ваков резултат, 2-1 или 3-1. Наредната недела ќе играме дома и тоа ќе биде голем предизвик за нас бидејќи ќе бидеме посилни со поддршката на нашите навивачи.

Сепак, нашиот став не се менува, мора да победиме на реваншот со повеќе од еден гол разлика. Во првото полувреме имавме три или четири шанси“, рече тренерот на Астон Вила.

Челниците на фудбалскиот состав Манчестер Сити би можеле да го ангажираат дефанзивецот на Тотенхем, Дестин Удоги.

Наводно, „граѓаните“ имаат намера да ангажираат бек во текот на летото а 22-годишниот Италијанец е на нивната потесна листа. Трансферот нема да биде лесен бидејќи „спарси“ сакаат да го задржат одличниот фудбалер кој дејствува по страничните позиции.

Според дел од медиумите, англискиот состав го пикирал и фудбалерот на Јувентус, Андреја Камбиасо.

Капитенот на Борусија Дортмунд, Емре Чан, не крие дека е разочаран од поразот од Барса со 4-0 во првата пресметка во четвртфиналето во Лигата на фудбалските шампиони.

Каталонците славеа убедливо во Шпанија и на некој начин се промовираа како сигурни патници во наредната рунда иако реваншот ќе биде одигран на теренот на „милионерите“ во Германија.

„Не одигравме добро, бевме без жар во стартовите. Направивме премногу грешки а тоа го казнија одличните напаѓачи на Барселона“, рече играчот на Борусија Дортмунд.

Фудбалерот на Барселона, Рафиња, го израмни рекордот на Лионел Меси во Лигата на шампионите кога станува збор за освoени бодови – голови плус асистенции.

Крилниот напаѓач на Каталонците постигна гол и направи две асистенции во првиот натпревар од четвртфиналето против Борусија Дортмунд. Бразилецот во тековнава сезона има 19 бодови (12 голови и 7 асистенции).

Истиот ефект го имаше и Лео Меси во сезоната 2011/12. Аргентинецот тогаш имаше 14 голови и пет додавања кои завршиле со погодок.

Некогашниот фудбалер на Баерн Минхен, Овен Харгривс, ја нарече Барселона брилијантен тим.

„Мислам дека немаат слаби точки. Борусија се обиде со неколку шанси но, Барселона е премногу добра и задоволство e да се гледа“ – рече некогашниот фудбалер.

„Ако продолжат да играат така мислам дека можат да ја освојат тројната круна“, рече поранешниот играч од средниот ред на Баерн Минхен.

Манчестер Јунајтед се откажала од намерата да го доведе Нигериецот Виктор Осимен, откако стана познато дека напаѓачот деновиве разгледувал само понуди од Саудиска Арабија и од наредната година ќе игра во таа земја.

Иако за него има огромен интерес од неколку европски гиганти, сепак, Осимен веројатно ќе реши да тргне по огромната заработувачка што му ја нудат саудиските клубови, а таа се проценува дека би изнесувала околу 25 милиони евра годишно.

Осимен има само 26 години и се очекуваше да продолжи со настапи на стариот континент, но очигледно парите си го прават своето. Нигериецот блесна во дресот на Наполи, каде ја освои шампионската титула, а оваа сезона игра за турскиот Галатасарај.

Барселона и ПСЖ се на чекор до полуфиналето во Лигата на шампионите. Вечерва во првите четврфинални натпревари Барселона ја победи Борусија со 4-0, а ПСЖ славеше над Астон Вила со 3-1.

Барселона на „Монжуик“ ја надигра Борусија, која своите шанси евентуално да извлече поволен резултат ги пропушти во првото полувреме.

Првиот дел и припадна на Барселона со 1-0, голот го постигна Рафиња, негов 12 сезонава во Лигата на шампионите.

Распадот на „милионерите“ од Дортмунд се случи во вториот дел. Ги нокаутира нивниот поранешен играч Левандовски со два гола во 48. и 60.минута, а точка на мечот стави Јамал во 74. минута.

Сличен натпревар беше виден и на „Паркот на принцовите“ во Париз со таа разлика што „светите си дозволија од нивна грешка први да примат гол. Роџерс погоди во 35.минута, но водството англискиот тим го имаше само четири минути кога со брилијантен гол изедначи Десире Дуе.

На стартот, од вториот дел нова магија, за 2-1 погоди Кварацхелија, во 49.минута, а точка на натпреварот стави Нуно Мендеш во 92.минута.

Баерн Минхен доживеа непријатен пораз од Интер на Алијанц Арената и за седум дена ќе мора да победи во Милано за да се пласира во полуфиналето од Лигата на шампионите.

Баварците искористија само една од своите шанси, Интер постигна два гола и италијанскиот тим има предност по првиот четвртфинален меч.

„Добро го почнавме мечот, доминиравме во првите 30 минути и можевме да постигнаме еден или два гола, можеби и повеќе.

Доминиравме и во второто полувреме, креиравме шанси, влезе Милер и постигнавме гол. Бевме подготвени на најдобар начин за овој меч и сите одлуки беа од фудбалски причини. Интер беше многу силен вечерва, нам ни недостасуваше Мусиала. Не сакам да зборувам за повреди, но ги имаме пет-шест. Загубивме со 2-1 и не можам да го променам резултатот. Резултатот вели Интер, но ќе видиме следната недела“.