Вејн Руни ги коментираше промените во Манчестер Јунајтед по доаѓањето на Ерик тен Хаг, не штедејќи комплименти за холандскиот стручњак. Поранешниот напаѓач на „црвените ѓаволи“ соработуваше и со Алекс Фергусон, а смета дека Тен Хаг е вистински избор за клубот од „Олд Трафорд“.

„Јунајтед со години имаше потреба од ваков тренер. Неколку пати бев во тренинг центарот и зборував со фудбалерите, јасно ми е дека тие сакаат да соработуваат со Тен Хаг.

Тен Хаг го промени менталитетот на фудбалерите и им ја врати самодовербата. Во моментов Јунајтед има негатива зад водечкиот Арсенал, но до крајот има уште многу натпревари и се е возможно. Тен Хаг ја подигна и важноста на резервите, па и тие помагаат многу кога ќе влезат во игра“, изјавил Руни.

Aријан Адеми би можел во следните неколку недели да го напушти Динамо Загреб и да се пресели во Кина, а според најавите на хрватските медиуми оввој трансфер најмногу зависи од денешното дерби против Хајдук.

И претходно се најавуваше дека постои опција Адеми да си замине, сега според информациите пристигнала богата понуда од Кина. Трансферот би можел да зависи од денешното дерби. Ако Динамо го победи Хајдук ќе избега на 11 и со тоа ќе направи сериозен исчекор кон нова титула. Не се открива името на клубот кој се обидува да го доведе Адеми, но наводно станува збор за богата понуда со дополнителни гаранции за македонскиот репрезентативец.

Во Кина преодниот рок е отворен до 7-ми април и Адеми може да направи трансфер пред летото. Хрватските медиуми пренесуваат дека со две следни победи (сега против Хајдук и следниот викенд против Осијек), Динамо нема да прави никаков проблем затоа што и ќе има безбедна предност, а од трансферот добро ќе заработи.

Адеми и во минатото се поврзуваше со можно заминување, меѓутоа засега остануваше во Динамо и одбиваше понуди од Саудиска Арабија, Шпанија…

Виктор Осимен игра во страшна форма оваа сезона и како најдобар напаѓач во Серија А го предводи Наполи кон толку посакуваното скудето.

Голгетерот претходно стрелаше и во Емполи синоќа и во Лигата на шампионите на гостувањето во Германија, меч по кој доби огромни пофалби од својот идол, Дидие Дрогба.

„Неверојатно е кога ќе се разбудите и кога ќе видите дека сте охрабрен од некој кој ви бил пример како Дрогба. Тоа беше големо изненадување и огромна мотивација за мене. Имам голема насмевка на лицето, повремено зборуваме со него и навистина уживав во тоа што тој го направи во фудбалот. Тој беше мојот идол и пресреќен сум што се случува ова“, изјавил Осимен.

По кризниот период Абердин почна да се искачува на табелата, а големи заслуги за тоа има и нашиот Бојан Миовски кој даде три од четирите гола во двете победи кои се случија во последните три меча.

Македонецот синоќа донесе победа од 1-0 против Ливингстон. Миовски стигна до бројката од 15 погодоци во шкотската лига оваа сезона.

Новиот тренер на Абердин, Бери Робсон има само пофалби за македонскиот напаѓач.

„Лесно е да си тренер на Бојан Миовски. Секогаш му велам иста работа, трчај брзо, давај голови и тој го прави тоа. Го направи тоа и денеска против Ливингстон, што беше многу важно бидејќи ова беше значаен натпревар за нас. Ливингстон секогаш настојува да ја прекинува играта и темпото да биде што е можно побавно, но Миовски даде гол со кој ги исфрли од ритам гостите“, изјави Робсон.

Италијанските медиуми пренесуваат дека Милан е заинтересиран за крилниот фудбалер на Њукасл, Алан Сент-Максимин.

Французинот оваа сезона не добива голема минутажа во Њукасл, па е спремен да ја промени средината, а Милан сака да ја искористи таквата ситуација. Малдини веќе имал средба со неговиот агент и спрема понуда за Њукасл, а „росонерите“ сакаат да го доведат на едногодишна позајмица со право на откуп.

Сент-Максимин е технички одличен фудбалер кој може да игра како на левата така и на десната крилна позиција, па поради тоа е желба на тренерот Пиоли.

Манчестер Јунајтед е последниот клуб кој се приклучи во трката за потписот на напаѓачот на Аталанта, Расмус Хојлунд.

19-годишниот Данец игра одлично од почетокот на сезоната веќе постигна 5 гола на последните 8 меча во Серија А. Манчестер Јунајтед е во потрага по класичен напаѓач и верува дека Хојлунд е идната ѕвезда на светскиот фудбал и може многу години да го предводи нападот.

„Црвените ѓаволи“ сакаат да ја победат конкуренцијата бидејќи за младиот Данец интерес покажуваат уште Арсенал, Милан и Барселона.

Хојлунд минатото лето пристигна во Аталанта како голем талент за 15 милиони фунти, но неговата цена порасна повеќе од двојно.

Тренерот на Интер Мајами, Фил Невил потврди дека американскиот клуб покажува интерес кон Лионел Меси од ПСЖ и Серхио Бускетс од Барселона.

На двајцата им завршуваат договорите со своите клубови на лето, а Бускетс веќе потврди дека на лето ќе ја напушти Барселона. Се поизвесно е дека Лионел Меси нема да стави потпис на нов договор со ПСЖ, па на лето и тој ќе биде слободен агент.

„Сакаме да ги доведеме најдобрите играчи, а Меси и Бускетс се такви фудбалери. Тие можат да донесат огромен успех не само за нашиот клуб, туку и за МЛС. Ако пристигнат ќе се промени целата лига“, изјави Невил.

Договорот со Бускетс е во завршна фаза, додека Меси ја разгледува и можноста за враќање во Барселона, а Мајами е втора опција.

Европската фудбалска федерација – УЕФА отвори истрага откако еден навивач на ПСВ во Ајндховен истрча на теренот и го удри голманот на Севиља Марко Дмитровиќ за време на натпреварот во Лига Европа.

Инцидентот се случи за време на второто полувреме кога хулиган втрча на теренот во Ајндховен и го нападна голманот Дмитровиќ, кој успеа да се одбрани и го совлада напаѓачот. Потоа редарите го отстранија хулиганот надвор од стадионот.

Српскиот голман после натпреварот изјави дека никогаш не е убаво да се видат такви сцени и ги повика надлежните да го казнат навивачот.

Борусија Дортмунд го договори трансферот на јапонскиот репрезетативец и ѕвезда на Ајнтрахт, Даичи Камада, пренесува „Билд“.

26-годишниот фудбалер постигнал договор со раководството на Дортмунд и ќе потпише 5-годишен договор со „милионерите“. Според информациите Камада во Дортмунд ќе добива помеѓу 5,5 и 6 милиони евра.

Камада игра фантастична сезона и до овој момент има 13 гола и 6 асистенции, а на лето ќе биде слободен агент и без обештетување ќе се пресели во Дортмунд.

Ливерпул игра многу лоша сезона, под сите очекувања, па јасно е дека на тимот му претстојат промени на лето.

„Црвените“ брзо отпаднаа од трката за титулата во Премиер лигата, доживеаа дебакл во ЛШ, а се борат за пласман во Топ 4. Јирген Клоп призна дека ќе има многу промени и му претстои многу работа на лето.

„Знаеме дека мора да напредуваме и да ги менуваме работите и тоа ќе го направиме. Не очекува многу работи на лето, но тоа не можеме сега да го сториме. Сега останува само со сопствени сили да се избориме за целите“, изјави Клоп.

Договорите им истекуваат а крајот на сезоната на Кеита, Милнер, Окслејд-Чембрлен и Роберто Фирмино.

„Се уште не можеме да знаеме кого ќе донесеме и колку играчи додека не знаеме кои сите ќе заминат. Нашите трансфери мора да имаат смисла. Во јануари не беше време за големи промени“, заклучи Клоп.