Не помина долго време откако беше отпуштен од Вест Хем, а Греам Потер се чини дека е блиску до нов договор. Како што објави Би-Би-Си, Потер е во последната фаза од преговорите за позицијата селектор на Шведска.

Шведска го отпушти Јон Дал Томасон во вторник по лошиот настап во квалификациите за Светското првенство. Шведска е последна во Групата Б со само еден бод од четири натпревари.

Потер не е „странец“ за фудбалските фанови во Шведска. Од 2011 до 2018 година, тој го водеше Остерсунд, со кого стигна до првиот ранг од четвртата лига, и до титулата во Купот на Шведска во 2017 година.

Шведска се покажа исклучително лошо во квалификациите досега, но беше победник во својата група во Лигата на нации и на тој начин сè уште можеше да добие место во плејофот за Светското првенство, кое ќе се игра во САД, Канада и Мексико во 2026 година

Менаџерот на Нотингам Форест, Анж Постекоглу, се соочува со сè поголем притисок по неуспехот да забележи победа во првите 7 натпревари откако го презеде клубот во септември. Проблемите на тимот ги зголемија шпекулациите за неговата иднина, а фановите и аналитичарите се сè повеќе прашуваат дали може да го промени текот на сезоната. 

И покрај критиките, Постекоглу останува решен и нагласува дека има долгорочна визија за клубот. Тој ги потенцираше своите претходни успеси, вклучувајќи го водењето на Тотенхем до нивниот прв трофеј по 17 години – Лига Европа во 2025 година – и покрај тешката сезона во Премиер Лигата исполнета со повреди и нестабилна форма. Неговиот досегашен рекорд на претходните клубови покажува дека трпението може да донесе успех. 

Иако иднината му е неизвесна, Постекоглу изрази доверба во напредокот на Форест и ги повика навивачите да се фокусираат на позитивните промени во тимот. Со критичен натпревар против Челси што се приближува, улогата е голема, но менаџерот останува надежен дека успехот ќе дојде со време. 

Во силен знак на незадоволство, фудбалерите на Реал Овиедо и Еспањол останаа неподвижни во првите 30 секунди од вчерашниот натпревар, протестирајќи против одлуката на Ла Лига да организира натпревар од домашното првенство во Мајами. 

Овој чин, намерно изоставен од телевизискиот пренос – кој наместо тоа прикажа воздушни снимки од стадионот – беше реакција на, како што велат фудбалерите и клубовите, недостатокот на транспарентност и дијалог од страна на раководството на Ла Лига за спорниот натпревар меѓу Виљареал и Барселона. 

Протестот не беше изолиран. Капитените на сите 20 прволигашки клубови претходно се договорија за краток 15-секунден протест пред секој натпревар овој викенд. Поентата е јасна – незадоволство од начинот на кој се носат важни одлуки без вклучување на оние што се директно засегнати. 

Иако челниците на Ла Лига го бранат натпреварот во Мајами како дел од стратегијата за интернационализација на лигата, многумина во фудбалската заедница сметаат дека тоа е потег кој го потценува домашниот шампионат и ги игнорира гласовите на играчите и клубовите. 

Молкот на играчите на Овиедо и Еспањол сега стана силен симбол на растечкото незадоволство во шпанскиот фудбал, каде што тензиите меѓу раководството и фудбалерите стануваат сè поизразени. 

Капитенот на Кристал Палас, Марк Гехи, официјално го известил клубот дека нема намера да потпише нов договор и планира да замине кога сегашниот ќе истече во 2026 година. Англискиот репрезентативец, клучен играч во последните сезони, е подготвен за нов предизвик. 

Менаџерот Оливер Гласнер ја потврди одлуката, нагласувајќи дека клубот сакал да го задржи, но ја почитува желбата на Гехи да продолжи понатаму. Оваа најава значи голем пресврт за Палас, кој сега се соочува со дилема – да го продаде во јануари или да ризикува да го изгуби без надомест. 

Гехи беше многу блиску до трансфер во Ливерпул порано оваа година во вредност од 35 милиони фунти. Медицинските тестови беа завршени, но Палас се повлече во последен момент бидејќи не успеа да најде замена. И покрај подготвеноста на играчот да се пресели, трансферот пропадна. 

Иако договорот му трае до јуни 2026, јануарскиот преоден рок е можеби последна шанса Палас да заработи нешто од неговото заминување. Гласнер призна дека ситуацијата е комплицирана, но истакна дека приоритет му е долгорочната стабилност на тимот. 

Интересот за Гехи останува силен. Освен Ливерпул, неколку европски клубови внимателно ја следат неговата состојба. Ако одлучи да ја истера сезоната до крај на договорот, 25-годишниот дефанзивец ќе биде еден од најбараните слободни агенти на пазарот. 

Барселона веројатно нема за скоро да се врати на својот стадион.

„Камп Ноу“ е целосно реновиран и се очекуваше дека каталонскиот клуб ќе може да се врати на својот домашен терен за натпреварот против Џирона, но ќе мора да почека малку пред да се врати.

Според каталонските медиуми, Барселона добила дозвола за фаза 1А, што не го задоволило шпанскиот гигант. Споменатата фаза би значела дека само 27.000 луѓе би можеле да влезат на новиот стадион со 105.000 седишта поради сè уште недовршената ситуација со стадионот и документацијата. Барселона сакаше дозвола за фаза 1Б (47.000 седишта), но бидејќи не ја доби, ќе остане на Монжуик.

Во овој момент, се проценува дека „Блауграната“ ќе остане на гореспоменатиот стадион уште три натпревари – против Џирона и Елче во лигата и против Олимпијакос во Лигата на шампионите.

Потоа, се очекува да се вратат на „Камп Ноу“. Сепак, сè уште не е познато кога Барселона ќе може да ужива во поддршката на полн, реновиран стадион. Каталонците почнаа со реновирање на големиот стадион во јуни 2023 година. Целосното завршување на работите е планирано за јуни следната година.

Репрезентативната пауза за италијанскиот клуб Милан донесе повреди на неколку играчи. По францускиот репрезентативец Адриан Рабио во следниот период Милан ќе биде и без Кристијан Пулишиќ.

По направената магнетна резонанца потврдено е дека Пулишиќ има полесна повреда на десниот бицепс, стои во информацијата од клубот. Во текот на следните денови играчот ќе има дополнителни прегледи. Првите процени се дека ќе паузира десетина дена.

Американскиот репрезентативец би ги пропуштил двата дуела ос Серија А со Фиорентина и следниот викенд против Пиза.

Од почетокот на сезоната Пулишиќ постигна четири голови и има две асистенции.

Драган Стојковиќ – Пикси повеќе не е селектор на фудбалската репрезентација на Србија. Извршниот одбор на Фудбалскиот сојуз на Србија ја прифати неговата оставка по поразот од Албанија во квалификациите за Светското првенство 2026, со што „орлите“ останаа без кормилар.

Пикси по разделбата упати емотивно писмо во кое се заблагодари на сите со кои соработуваше во изминатите години.

„По четири и пол години, повеќе не сум на позицијата селектор на А-репрезентацијата на Србија. Прво, сакам искрено да му се заблагодарам на Фудбалскиот сојуз на Србија за довербата што ми ја покажа, беше чест и голема привилегија да ја водам репрезентацијата на мојата земја. Заедно успеавме да постигнеме историски резултат и, по 24 години, да поврземе две големи натпреварувања, односно Светското првенство и Европското првенство. Успеавме да ја постигнеме целта што си ја поставив како тренер. Секогаш ќе ги паметам сцените од Лисабон, бидејќи тоа е еден од најубавите моменти во мојот живот и еден од најголемите успеси на српскиот фудбал во поновата историја“, порача Стојковиќ.

Стојковиќ ја презеде Србија во 2021 година и ја одведе на две големи натпреварувања, Светското првенство во Катар и Европското првенство во Германија. И покрај критиките во последниот период, тој ќе остане запаметен како човекот кој успеа да ја врати репрезентацијата на најголемата сцена.

Македонскиот нпѓач Љупче Дориев повторно беше меѓу најзаслужните за новата победа на неговиот тим Согдиана, кој со 2-1 славеше против составот на Термез Сукон.

Дориев се запиша во листата на стрелци со вториот гол на натпреварот, а за него тоа беше 14 гол од почетокот на сезонта во првенството на Узбекистан.

Поранешниот фудбалер на Шкендија игра во одлична форма и е еден од клучните фудбалери на својот тим, а покрај головите, на своето конто има и пет асистенции.

Во италијанските медиуми се појавија шпекулации дека Бразилецот Нејмар би можел да се пресели во редовите на Интер, но „нераѕурите“ веднаш реагираа и ја отфрлија таа можност.

Спортскиот директор на Интер, Пјеро Аусилио, во интервју за „Кориере дело Спорт“ остро ги демантираше ваквите информации.

Нејмар веќе еден месец се рехабилитира од повреда и извесно е дека до крајот на октомври нема да се врати на терените, што дополнително ги потхрани шпекулациите за негова можна промена на клубот.

„Нејмар во Интер? Тоа се апсолутни глупости! Никогаш не сме разговарале на таа тема, ниту сме испратиле понуда. Се обидовме со Лукман, но дојде напредокот на Еспозито и Бони. Го следевме и Хојлунд. Гасперини е голем тренер“, изјави Аусилио.

Во истиот разговор, директорот откри и дека летово добил понуда од Ал Хилал, клуб во кој замина поранешниот тренер на Интер, Симоне Инзаги.

Фудбалерите Пари Сен Жермен и Стразбур ремизираа 3-3 во дербито на осмото коло од Лига 1.

Луд натпревар беше виден на „Паркот на принцовите“. Домаќинот трган фуриозно, а на крајот мораше да се бори за еден бод.

Сè започна со голот на Баркола во шестата минута, но гостите до полувремето направија пресврт, со головите на Паничели во 26-та и Мореира во 41-та минута.

Паничели дополнително ги загрижи „Светците“ во 49-та минута, а Рамос го врати ПСЖ во игра од пенал во 58-та минута.Мајулу спаси бод за ПСЖ во 79-та минута. И на овој натпревар Луис Енрике не можеше да смета на важни играчи – Дембеле, Маркињос, Невеш, Руиз, додека Кварацхеликја, Мендеш и Витиња започнаа од клупата.

ПСЖ го запиша второто последователно реми, и е на чело со 17 бода, еден повеќе од Стразбур.