Лионел Меси испиша уште едно историско поглавје во својата блескава кариера, поставувајќи нов рекорд за најмногу асистенции во репрезентативниот фудбал. Аргентинската ѕвезда стигна до 60 асистенции за националниот тим во убедливата победа од 6–0 над Порторико, на пријателски натпревар одигран во Мајами. 

Меси, кој влезе во натпреварот израмнет со Нејмар со по 59 асистенции, веднаш го сруши рекордот. Прво мајсторски му асистираше на Гонзало Монтиел за водство, а потоа го пронајде Лаутаро Мартинез за последниот гол на Аргентина. 

Натпреварот ја покажа не само креативноста и визијата на Меси, туку и напаѓачката моќ на Аргентина. Алексис Мак Алистер и Лаутаро Мартинез постигнаа по два гола, а тимот имаше целосна контрола врз играта. 

Со 114 голови и сега 60 асистенции во 194 настапи за Аргентина, Меси продолжува да ги поместува границите на фудбалската величина. Зад себе ги остави и Нејмар (59) и Ландон Донован (58), кои претходно го делеа врвот. 

Со Светското првенство 2026 на повидок, Меси не покажува знаци на забавување. Без разлика дали асистира или постигнува голови, 38-годишниот капитен останува клучната фигура на Гаучосите и еден од највлијателните играчи во историјата на светскиот фудбал. 

Лионел Меси и Луис Суарес би можеле повторно да добијат стар познаник во соблекувалната на Интер Мајами, откако медиумите најавуваат можен трансфер на Нејмар во клубот од Флорида.

Според информации на „Дејли мејл“, кои се повикуваат на извори блиски до сопственикот Дејвид Бекам, бразилската ѕвезда е на чекор од договор со Интер Мајами, а целата приказна би можела да се реализира по истекот на неговиот договор со Сантос на крајот од декември.

Доколку трансферот се оствари, Нејмар повторно би се обединил со соиграчите од славните времиња од Барселона, каде заедно со Меси и Суарес ја чинеше легендарната напаѓачка тројка која доминираше во шпанскиот и европскиот фудбал.

Покрај клубските амбиции, Нејмар наводно ја гледа МЛС како идеална можност да ја врати формата и самодовербата пред Светското првенство 2026 година, на кое се надева дека ќе ја предводи Бразил кон титулата што му недостасува во богатата кариера.

Аргентина со убедливи 6-0 го доби пријателскиот натпревар против Порторико, Лео Меси не даде гол, но постави рекорд.

Меси на натпреварот имаше две асистенции. Тој дојде до вкупно 60 асистенции за Аргентина со што стана фудбалерот со најмногу асистенции во репрезентативниот фудбал. Претходниот рекорд го држеше Нејмар со 59 асистенции.

Што се однесува до натпреварот, Аргентина даде по три гола во секое полувреме. Во првото двапати погоди Мекалистер, еден гол даде Монтиел.

Во второто полувреме Лаутаро Мартинез беше двоен стрелец, а автогол си даде Ечевариа.

Италијанската фудбалска репрезентација се препороди под водство на Џенаро Гатузо, но билетот за Светското првенство ќе го бара преку баражот.

Гатузо на четири меча ја водеше Италија, на сите постигнуваа по 3+ голови. Дадоа вкупно 15 погодоци на тие дуели. Иако редат победи, не можат да бидат прво место поради неверојатната гол разлика која ја има Норвешка од +26 голови.

Италија во последното коло ќе ја пречека Норвешка, може да победи и да се израмни бодовно со неа, но не може и да ја прескокне на табелата бидејќи Норвежаните имаат +26, а Италијанците +10 гол разлика.

Јасно е дека настапот на Мундијалот ќе го бараат преку баражите, а Гатузо по вчерашниот меч даде една интересна изјава.

„Ако не се пласираме на Светското првенство ќе се иселам и ќе живеам далеку од Италија, многу далеку“, рече Гатузо.

Карим Бензема би можел да се врати во Европа.

Прославениот француски напаѓач има договор со Ал Итихад до крајот на сезоната, а доколку соработката не биде продолжена, тој ќе има можност да преговара со други клубови уште во јануари.

Според турскиот Фотомак, Фенербахче сериозно го разгледува Карим Бензема. Истанбулскиот клуб не ја започна сезоната на најдобар начин, а клубот му плати на Жозе Мурињо, кој беше отпуштен.

Доменико Тедеско пристигна на негово место и им кажа на раководството дека им е потребен подобар централен напаѓач.

Фенербахче е подготвен да се откаже од Џон Дуран, кој не ги исполни очекувањата и има проблеми со повредите.

Англија се квалификуваа на Светското првенство во Канада, Мексико и САД, откако ја “торпедираа” Латвија со 5-0.

Тие досега ги добија сите мечеви во овие квалификации, вклучувајќи го и натпреварот кога убедливо ја победија селекцијата на Србија.

Резултатот на денешниот меч за Англичаните го отвори Гордон во 26-та минута, а потоа следуваа два погодоци на Хари Кејн во 44-та и од пенал точката во 45+3 за одлични 3-0 на паузата.

Потоа им помогна малку и Латвиецот Тонишевс со автогол во 58-та минута, а Езе стави точка на натпреварот со погодокот во 86-та минута за конечните 5-0.

Капитенот на Арсенал, Мартин Одегард, ќе биде надвор од терените до средината на ноември поради повреда на коленото што ја заработи на почетокот на месецот.

Норвежанецот го повреди внатрешниот страничен лигамент за време на победата над Вест Хем на 4 октомври и мораше да го напушти теренот уште во првото полувреме.

Од клубот следниот ден потврдија дека Одегард ќе го пропушти актуелниот репрезентативен циклус, но тогаш не открија точен рок за неговото враќање.

Според најновите информации, 26-годишниот плејмејкер ќе биде надвор од комбинација сè до крајот на следниот репрезентативен прозорец во ноември, што значи дека сепак избегна потешка повреда каква што првично се стравуваше.

Одегард ќе ги пропушти премиерлигашките натпревари против Фулам, Кристал Палас, Барнли и Сандерленд, како и дуелите од Лигата на шампионите против Атлетико Мадрид и Славија Прага.

Фудбалската репрезентација на Јужна Африка е 23-та репрезентација, која обезбеди место на Светското првенство следната година во Канада, САД и Мексико.

Јужна Африка пласманот го избори со победата од 3-0 над Руанда дома во 10-то коло од мундијалските квалификации.

Головите на Таленте Мбате, Освин Аполис и Евидес Макгопе и ја донесоа победата на „бафана бафана“.

Јужна Африка го престигна Бенин во последното коло и го освои првото место во групата Ц.

На крајот, Бенин ги загуби сите шанси да биде на Светското првенство, откако загуби во последното коло од Нигерија со 3:0 и падна на третото место поради помала гол-разлика.

Јужна Африка ќе игра на Светското првенство за прв пат откако беше домаќин на натпреварувањето во 2010 година.

Турскиот клуб Галатасарај изрази интерес за напаѓачот на Ливерпул, Мохамед Салах , и размислува за негов трансфер оваа зима, објавија медиумите во Турција.

Според изворот, клубот од Истанбул планира да се обиде да потпише со 33-годишниот Египќанец во зимскиот преоден рок. Во меѓувреме, Ливерпул, и покрај тековниот договор на Салах до крајот на следната сезона, наводно е подготвен да размисли за негова продажба.

Се забележува дека клубот верува дека времето на Салах со тимот постепено завршува и е подготвен да ги сослуша понудите со цел да ја добие максималната сума за ѕвездата додека е сè уште можно.

Интересно е што самиот Салах бил импресиониран од атмосферата на еден од натпреварите против Галатасарај во Лигата на шампионите. Наводно, тој дури и го прашал Илкај Гундоган дали таква енергија на трибините навистина преовладува на секој домашен натпревар на турскиот тим.

Македонската фудбалска репрезентација до 21 година на гостувањето во Црна Гора забележа уште еден пораз. Овој пат нашите надежи се совладани со 3:2.

Избраниците на селекторот Станиќ на полувремето водеа со 0:1 но во вториот дел домашните за релативно краток период постигнаа три гола. Ова е трет пораз на Македонија по стартните против Полска односно Италија, а имаме и еден триумф против Ерменија на домашен терен.

Првиот наш обид кон противничкиот гол беше на Меметриза Хамза, кој одлично шутираше со лева нога, но голманот Радановиќ интервенира. Корнерот кој што беше изведен потоа донесе водство. По краткото проигрување, токму Меметриза Хамза нафрли одлично, а Мелиќи на петерецот највисок, погодува во десниот агол на Радановиќ.

Домашните се обидоа на два пати, со удари од надвор од шеснаесетникот, но и со удар од непосредна близина, но Васко Василев во првиот дел одличен и сигурен.

Нашата најголема шанса за двојно водство пристигна по двојното проигрување на Дашмир Елези, кој од непосредна близина на голот на Радановиќ, убаво шутираше од прва, но црногорскиот голман овој пат на висина на задачата.

На спротивната пак страна Вуканиќ последен се закани, но по акцијата од лево и одличното проигрување за него, играчот на Будуќност шутираше над голот.

Во 54 минута Димитар Трајков се обиде од полудистанца со лева, но Радановиќ повторно сигурен. Нешто што не може да се каже за нашиот голман, Васко Василев, кој што 56. Минута на ударот на Вуканиќ од свртување ја одби топката во својот петерец, а таму налета „деветката“ Перишиќ и реализираше за 1-1.

По израмнувањето на домаќинот, Македонија повторно се обиде да дојде до водство и се префрли на домашната половина. Тоа му овозможи на домаќинот да има простор на нашата половина за контра напади, а еден таков им донесе и водство. Мрваљевиќ одлично поведе на нашата половина, додаде за Јуковиќ, а овој со финта се намести на десна нога и шутираше неодбранливо за 2-1.

Тоа се случи во 68. Минута, за да веќе во 73. Домаќинот има 3-1. Вуковиќ нафрли од десно, топката стигна токму до Мрваљевиќ, а овој со помош на еден од нашите играчи во кој што удри топката постигна гол за двојно водство на домашните.

Македонија од ова не успеа да се врати во игра иако имавме минимални шанси на крајот од мечот. Истите ни ги донесе Димитар Трајков кој постигна гол во судиското продолжение. Сепак, немавме сила за да се вратиме резултатски комплетно.