Интер сака да го откупи дефанзивецот Франческо Ачерби на крајот на сезоната, но претседателот на Лацио ги налути „нероаѕурите“.

Имено, Лотито за откуп на Ачерби бара 4 милиони евра, а Интер смета дека таа сума е превисока за еден 35-годишник. Ачерби влезе во расправија со раководството на Лацио минатото лето и беше исфрлен од тимот, па Интер ја искористи ситуацијата и го доведе на позајмица.

Дефанзивецот игра добра сезона, па Интер сака да го задржи, но Марота смета дека сумата која ја бара Лацио е превисока и е спремен да плати само 1 милион.

Лотито е познат како тежок преговарач, но двата клуба имаат доволно време до крајот на сезоната да најдат заеднички јазик.

Лидс ја раскина соработката со Џеси Мараш, а во натпреварот против Јунајтед на клупата беше Скубал и добро се покажа освои бод, Лидс беше дури и пред голема победа.

Сепак, во клубот бараат долгорочно решение, се споменуваше Раул, кој сепак ја одби понудата и не сакаше да го напушти вториот тим на Реал Мадрид. Потоа се појави и името на Покетино, па Биелса…Сега јужноамериканските медиуми се погласно шпекулираат за Марсело Гаљардо.

Аргентинскиот стратег во претходните осум години го водеше Ривер и кон крајот на минатата година стана слободен. Гаљардо се споменуваше како можен нов тренер на Барселона, но Каталонците сепак се одлучија за други решенија.

Фудбалерот на Лацио, Луис Алберто, доби две понуди да се врати во првенството на Шпанија но, реши да остане во најмала рака до крајот на сезоната во Серија А.

„Не сакам на лош начин да си заминам од Лацио. Прво ќе разговарам со претседателот, со спортскиот директор и со тренерот. До последниот ден ќе дадам се за Лацио.

Во Сeрија А има само четири тима кои играат европски фудбал. Наполи, Лацио, Сасуоло и Фиорентина“, кажа како размислува Алберто.

Барселона ги започна преговорите за нов договор на младиот талент, Алехандро Балде, пренесуваат каталонските медиуми.

Договорот на 19-годишниот Балде е приоритет за Каталонците. Левиот бек игра одлична сезона и до сега одигра 22 меча, а беше повикан и на Мундијалот.

Неговиот договор истекува во 2024 година, па на лето ќе влезе во последната година од договорот. Поради тоа Барселона сака што поскоро да ја продолжи соработката, бидејќи за Шпанецот интерес покажуваат мнигу европски клубови.

Каталонците започнале преговори за продолжување на договорот до 2027 година и зголемување на платата на младиот дефанзивец.

Примарна цел на Интер во летниот преоден рок ќе биде доведување на дефанзивец кој ќе го замени Милан Скриниар.

„Нероаѕурите“ веќе ја почнаа потрагата, а најново име на списокот е дефанзивецот на Челзи, Тревор Чалоба. Чалоба е младински репрезентативец на Англија, може да игра на повеќе позиции во одбраната и поради тоа е голема желба на миланскиот гигат.

Челзи веќе ги доведе Фофана и Бадијачиле, па минутажата на Чалоба значително се намали е поради тоа е спремен да го пушти дефанзивецот.

Интер ќе треба да ја победи конкуренцијата бидејќи за Англичанецот силен интерес покажува и Милан. Цената на Чалоба во моментов изнесува помеѓу 20 и 25 милиони евра.

По серијата разочарувачки резултати, Јирген Клоп доби добри вести. Диого Жота ги продолжи тренинзите со тимот, а Јирген Клоп се надева дека неговото враќање ќе му помогне на тимот да излезе од кризата и дека ќе почне да победува.

Португалскиот репрезентативец нема играно од октомври кога заработи повреда против Манчестер Сити. Повредата го спречи да учествува на Светското првенство во Катар. Сепак, Жота сега е во комбинација и најверојатно ќе му биде на располагање на Клоп за дербито со Евертон во понеделник.

На денешната тренинг сесија учествуваа и Вирџил ван Дијк и Роберто Фирмино, кои пред неколку дена продолжија со тренинзите, но се уште се подготвуваат на индивидуална основа. Артур Мело за прв пат по долго време учествуваше во работата на тимот на цел тренинг.

Тренерот на норвешки Бодо/Глимт, Кјетил Кнутсен е главен фаворит за испразнетото место на клупата на англиски Лидс Јунајтед.

Кјетил Кнутсен е на листата на желби на Англичаните, кои се во потрага по нов тренер откако му врачија отказ на Џеси Марш. 54-годишниот Кнутсен е меѓу имињата на кои клубот моментално се фокусира, откако тренерот на Вест Бромвич Карлос Корберан и тренерот на Рајо Ваљекано Андони Ираола ја одбија работата.

Во комбинација останува и актуелниот тренер на холандски Феенорд, Арне Слот.

Напаѓачот на Тотенхем, Хјун-Мин Сон, ја доби наградата за најдобар азиски фудбалер за 2022 година. Јужнокорејецот зад себе ги остави напаѓачот на Порто, Мехди Тареми и играчот на Ал Хилал, Салем Ал-Даусари.

Сон не ја има својата најдобра сезона, но минатата година стана најдобар стрелец во Премиер лигата заедно со Мохамед Салах.

Напаѓачот се повреди, но успеа да се опорави за да учествува на Светското првенство во Катар, каде Јужна Кореја ја помина групната фаза и испадна во осминафиналето по поразот од Бразил.

По поразот од Олимпик Марсеј и елиминацијата во Купот на Франција, дефанзивецот на парижани, Маркињос изјави дека сега е време да замолчат и да се фатат за работа.

„Знаевме дека сакаат да не притиснат високо, но не успеавме да се разиграме преку нивните слободни простори. Направивме многу грешки, што скапо не чинеше. Ова е пораз кој навистина боли, бидејќи е Куп натпревар и против еден од нашите големи ривали. Има некои работи кои јасно треба да ги исправиме. Време е да замолчиме и да се собереме ако сакаме да ги постигнеме нашите цели оваа сезона“, вели Маркињос.

ФИФА го прифати барањето на Фудбалскиот сојуз на Турција за продолжување на преодниот рок во земјата поради катастрофата од земјотресот. Вчера требаше да се затвори преодниот рок на Турција, но Фудбалскиот сојуз на земјата во понеделникот поднесе барање до ФИФА за продолжување на истиот поради катастрофата од земјотресот која ги зафати Турција и Сирија.

ФИФА го прифати барањето, откако Фудбалскиот сојуз на Турција истакна дека земјата е во национална жалост и дека во 10 провинции има вонредна состојба.

Сега преодниот рок во Турција ќе се затвори дури на 18 февруари.