Мануел Нојер во изминатиов период доста е актуелен во Баерн Минхен, а причината за тоа се неговите потези кои дефинитивно го разлутија раководството на клубот и навивачите на оваа екипа.

Искусниот голман мораше предвеме да ја заврши оваа сезона откако заработи потешка повреда за време на одморот при скијање за да пред неколку денови бурно реагира откако клубот реши да се раздели со долгогодишниот тренер на голманите, Тони Тапаловиќ.

Сето ова донесе лавина критики за Нојер од сите страни, па легендарниот Лотар Матеус отиде дотаму и порача дека тој повеќе не смее да биде капитен на баварците.

„Нојер веќе не е прифатлив како капетан на Баерн! Тој се скијаше невнимателно и сега дава неовластено интервју во кое жестоко го напаѓа клубот. Зарем не рече пред неколку недели дека никој не е над клубот? И сега ова“, порача Матеус.

Шпанското обвинителство се спротивставува на жалбата на одбраната на Дани Алвеш да го ослободи со кауција, додека истрагата против фудбалерот продолжува по наводите за сексуален напад.

Адвокатите на Алвеш ја поднесоа жалбата минатата недела, велејќи дека Бразилецот се согласил да го предаде пасошот и да носи уред за следење доколку биде ослободен.

Обвинителите во понеделникот изјавија дека Алвеш е во опасност да побегне доколку биде ослободен, па затоа ќе остане зад решетки.

По деветнаесет одиграни натпревари, Базел се наоѓа на разочарувачкото седмо место во швајцарската лига, а тоа беше и причината отказ да добие тренерот Алекс Фреј.

Швајцарскиот клуб утрово потврди дека 43-годишниот стратег добива отказ. Отказот доаѓа по четири натпревари без победа во домашното првенство.

Во моментов Базел е на само три бода над зоната за испаѓање, поради што клубот реагираше со смена на тренерот. Фреј го презеде тренерското столче во Базел на стартот на сезоната. Хајко Фогел привремено ќе седне на кормилото на тимот, а од Базел најавија дека бараат постојано тренерско решение.

Јувентус и Милан покажуваат сериозен интерес за напаѓачот на Манчестер Јунајтед, Антони Марсијал.

Французинот ова лето се врати на „Олд Трафорд“ после позајмицата во Севиља, но не добива голема минутажа. Тен Хаг одлучи да го задржи, но Марсијал не е задоволен од својот статус и сака да ја промени средината. 

„Црвените ѓаволи“ се спремни да го продадат на лето, а најсилен интерес за Французинот покажуваат италијанските гиганти.

„Скај Германија“ известува дека Ралф Хазенхитл е фаворит за тренерската позиција во бундеслигашот Хофенхајм, откако клубот го отпушти досегашниот тренер Андре Брајтенрајтер.

Од Хофенхајм се на мислење дека Хазенхитл е идеален кандидат за водење на тимот, и дека двете страни веќе ги започнале официјалните разговори.

Австрискиот стручњак има претходно искуство од Бундеслигата, каде помина две сезони водејќи ја екипата на РБ Лајпциг, а беше тренер и на Инголштад. Тој е без тренерски ангажман од Ноември минатата година кога доби отказ во Саутемптон.

Голманот на Баерн, Мануел Нојер може да ја загуби капитенската лента. Според „Билд“, главниот тренер на тимот од Минхен, Јулијан Нагелсман може да го назначи играчот од средниот ред Џошуа Кимих за нов предводник на тимот.

Се очекува Кимих да стане нов капитен во блиска иднина. Сепак, оваа промена во структурата на тимот може да остане на сила по враќањето на Нојер во тимот. Да потсетиме дека во моментов голманот продолжува да се опоравува од тешката повреда на ногата добиена на скијање во ски-центар.

Точниот датум за враќање не е објавен, но се очекува играчот да може да започне со тренинзи на почетокот на следната сезона.

Напаѓачот, Николо Заниоло, прифатил да ја напушти Рома и да замине во Галатасарај. Двата клуба се во финални преговори за сума од околу 22 милиони евра без бонуси.

Фудбалерот кој одби да го продолжи договорот со „римската волчица“ и беше избришан од списокот на тренерот Мурињо, сега нема друга опција и затоа се согласил да замине во шампионатот на Турција.

Медиумите тврдат дека неговата  годишна плата ќе биде околу 4 милиони евра.

Англискиот премиерлигаш Лидс Јунајтед објави дека се раздели со тренерот на екипата Џеси Марш.

„Ја потврдуваме информацијата дека Џеси Марш не е повеќе тренер на нашиот клуб. Лидс му е благодарен за се што направи, и му посакува успеси во продолжението на кариерата“, стои во соопштението од Лидс Јунајтед.

Американецот Марш беше тренер на Лидс од февруари минатата година кога на клупата го наследи Марсело Биелса. Претходно ги има водено екипите на Монтреал, Њујорк, Салцбург и Лајпциг.

Лидс Јунајтед во моментот се наоѓа на 17.место од табелата во Премиер лигата, со освоени 18 бода.

Раководството на германската фудбалска лига (ДФЛ), кое е одговорно за организирањето на шампионатот во Првата и Втората Бундеслига, очекува да продаде дел од правата за пренос на натпревари на странски инвеститори за 4,5 милијарди евра, објави „Фајненшл Тајмс“.

Наводно, станува збор за продажба на удел од 25% од вкупната вредност на содржината, која ДФЛ во иднина ја проценува на 18 милијарди евра.

ДФЛ ќе разговара за договорот за правата на медиумите на состанокот на 9-ти февруари. Раководството на лигата очекува на овој начин да ги намали финансиските разлики во однос на англиската Премиер лига и шпанската Ла Лига.

Шест компании конкурираат за купување на правата, вклучувајќи ја и американската „Sixth Street“, која купи удел во медиумскиот бизнис на Барселона за 300 милиони евра минатата година.

Првите луѓе на Баерн Минхен планираат во текот на летото да испратат рекордна понуда за фудбалерот на Наполи, Виктор Осимен, објавија дел од медиумите во Германија и Италија.

Откако Баварците не успеаја да пронајдат вистинска замена за Роберт Левандовски кој замина во Барселона,луѓето од Минхен стапиле во контакт со агентот на напаѓачот на Наполи и понудиле 120 милиони евра за неговиот потпис.

Осимен во сезонава е лидер на листата на стрелци во Серија „А“. Интернационалецот од  Нигерија постигна 14 голови.