Наполи одлучи да го смени тренерот и на местото на Валтер Мацари беше назначен Франческо Калцона кој дебитираше вчера на дуелот против Барселона во Лигата на шампионите.

Кога се говореше за назначувањето на Калцона се говореше за враќање и на Марек Хамшик во Неапол и тоа како дел од стручниот штаб на тренерот. На крајот не се оствари тоа сценарио од проста причина што Словакот засега не е подготвен за некоја улога, функција во тимот во кој мина 12 години.

„Можам само да му се заблагодарам на Калзона што ме сака во неговиот штаб во Словачка. Можеби во мојот ум се уште не сум подготвен да се вратам во Наполи, но има многу време и се надевам дека вратите секогаш ќе бидат отворени за мене. Имам одличен однос со тренерот и му посакувам се најдобро. За него е остварување на сонот да биде тренер на Наполи и се заблагодари на Словачката федерација што му ја овозможи оваа можност“, обелодени Хамшик.

Германските фанови жестоко протестираа во изминатите две недели и прекинаа низа натпревари поради најавите кои пристигнаа од Федерацијата, односно информациите дека фудбалските лиги во оваа земја ќе добијат финансиска помош од странски инвеститори.

Носејќи се по традицијата, германските фанови го доживеаја ова како огромна навреда и на разноразни стадиони видовме прекини со фрлени тениски топчиња и играчки на терените, а бидејќи со тоа почна да се нарушува угледот на Бундеслигата, германската Федерација сега направи чекор назад.

Германските фанови ја добија битката со Федерацијата и ги принудија одговорните лица да ги откажат преговорите за влез на странски инвестициски фонд во германскиот фудбал.

„Договорот со странскиот инвестициски фонд е мртов“, – изјави претседателот на лигашкиот комитет во Германија, Ханс Јоаким Вацке, по што со официјално соопштение се јавија и од Федерацијата.

„Успешното продолжување на процесот за инвестиции веќе не изгледа возможно со оглед на актуелните случувања. И покрај тоа што има големо мнозинство за претприемачката неопходност на стратешкото партнерство, германскиот професионален фудбал е во средината на тестот кој се одвива не само во рамките на лигата меѓу клубовите, туку и делумно во клубовите помеѓу играчите, тренерите, клупски функционери, надзорни одбори, генерални состаноци и слично. Навивачките заедници предизвика големи спорови, кои се повеќе ги загрозуваат фудаблските натпревари, а со тоа и интегритетот на натпреварувањето. Одржливоста на успешното склучување договор во однос на финансирањето на 36-те клубови повеќе не може да се гарантира со оглед на околностите кои настанаа,“ гласи соопштението.

Поранешниот легендарен напаѓач на Манчестер јунајтед, а сега тренер, Вејн Руни, изјави оти би му претставувале чест да му биде помошник на Пеп Гвардиола во Манчестер сити.

„Доколку Пеп Гвардиола би ме повикал да бидам дел од неговиот стручен штаб би ја прифатил таквата идеја, Би отишол во Манчестер сити“, изјави Руни за англиските медиуми.

Руни на 16-годишна возраст дебитираше за Евертон, а една година подоцна стана англиски репрезентативец. На 20 години го облече дресот на Јунајтед за кој на 559 натпревари постигна рекордни 253 голови. До неодамна беше и најдобар стрелец во историјата на англиската репрезентација.

Руни, кој на почетокот на оваа година доби отказ на тренерското место во второлигашот Бирмингем, истакна дека би можел многу да научи од Гвардиола како негов помошник.

Фудбалерите на Интер Мајами со победа над Реал Солт Лејк (2-0) ја отворија новата сезона во МЛС лигата.

Ѕвездениот состав од Флорида предводен од Меси, Суарез, Бускетс и Алба ја оправда улогата на фаворит и ги израдува своите навивачи.

Лео и Луис не се запишаа во листата на стрелци, но беа дел од акциите при кои паднаа погодоците, Тејлор стрелаше во 39 минута на асистенција на Аргентинецот. Вториот гол падна во 83 минута кога Меси го проигра Суарез кој пак ја испрати топката до Гомес за потврда на трите бода за Интер Мајами.

Во наредното коло избраниците на Тата Мартино ги очекува дерби со Лос Анџелес Галакси.

Медиумите во Италија наведуваат дека Тиаго Мота е главниот кандидат да го наследи Стефано Пиоли на клупата на фудбалскиот состав Милан.

Според нивната анализа, „росонерите“ во текот на летото ќе се обидат да го ангажираат тренерот на Болоња кој има одлични резултати со неговиот состав во Серија А.

Иако имаше одредени најави дека Антонио Конте може да седне на клупата на „Сан Сиро“ , тоа веројатно нема да се случи.

Челзи има намера да го придобие напаѓачот на Баерн, Хари Кејн ова лето. Шансите англискиот напаѓач да го напушти клубот од Минхен ќе се зголемат доколку тимот не успее да освои ниту еден трофеј.

Кејн му се приклучи на Баерн од Тотенхем во август 2023 година за 95 милиони евра. Во составот на тимот од Минхен, Англичанецот одигра 30 натпревари, на кои постигна 29 гола и креира осум асистенции.

Порталот „Transfermarkt“ ја проценува вредноста на 30-годишниот фудбалер на 110 милиони евра.

Договорот на играчот со германскиот клуб е до крајот на јуни 2027 година.

Фудбалерот на Ливерпул, Вирџил ван Дајк,  го собори рекордот на Финецот, Сами Хипија за најмногу голови што ги постигнал еден дефанзивец на стадионот – „Енфилд“.

Холанѓанецот погоди на вчерашниот меч со Лутон во Премиер-лигата со што дојде до бројката од 12 голови пред домашните навивачи.

Ван Дајк кој дојде во 2018 година во таборот на „црвените“, има 18 голови во Премиер лигата. Тоа е своевиден рекорд бидејќи ниту еден друг дефанзивец нема толку голови во тој временски распон.

Едуардо Камавинга веќе се етаблираше во еден од најдобрите фудбалери на „кралскиот“ клуб и ги освои сите можни трофеи.

Иако има само 21 години Французинот е еден од најдобрите играчи за врска во Европа и за него интерес покажуваат многу европски гиганти. Поради тоа Реал реши да го награди со нов договор и преговорите со неговиот агент се во напредна фаза.

Французинот ги одбил сите понуди од други клубови и се очекува наскоро Камавинга да стави потпис до 2028 година со значително повисока плата.

Охридскиот прволигаш Воска Спорт го потврди именувањето на Захариевски за нов тренер.

Заедно со Захариевски на клупата на Воска Спорт ќе работи и Сеит Крека, кој досега работеше со младите возрасни групи во клубот.

Дебито на Захариевски на клупата на Воска ќе биде викендов на дуелот со Силекс во рамките на 20-то коло во Првата македонска фудбалска лига.

Манчестер Сити е сериозно заинтересиран за ѕвездата на Милан, Рафаел Леао, пренесуваат италијанските медиуми. Португалецот се етаблираше во еден од најдобрите млади фудбалери во Европа и го привлече вниманието на многу европски гиганти.

Гвардиола сака на лето да ги засили крилните позиции и да донесе играч кој ќе биде идеален партнер за Халанд, а верува дека најдобра опција е токму Рафа Леао.

Португалецот пред неколку месеци стави потпис на нов договор, но Сити е спремен да испрати понуда од 100 милиони евра.