Атлетико Мадрид денес се раздели со Жоао Феликс, кој замина во Челзи на позајмица со крајот на сезоната.

„Јорганџиите“ сега се во потрага по нов офанзивен фудбалер како негова замена, а прво име на списокот е Мемфис Депај од Барселона. Депај е во втор план па сака да ја промени средината, а и Барселона сака да го продаде во јануари бидејќи на крајот на сезоната ќе замине без обештетување.

Барселона сака да го пушти во јануари и за неговата слобода бара само два милиони евра, а Атлетико Мадрид е спремен да ја искористи ситуацијата.

Интерес за Холаѓанецот покажуваат и неколку клубови од Премиер лигата, но Атлетико сака да ја победи конкуренцијата.

Репрезентацијата на Полска беше една од оние што останаа без селектор по завршувањето на Светското првенство, а сега со клупата на оваа репрезентација се поврзува Стивен Џерард.

Чеслав Михниевич не доби продолжување на договорот иако стигна до нокаут-фазата. Тој беше критикуван за премногу дефанзивната тактика со која игра и поради која до израз не може да дојде голгетер како Левандовски.

Од друга страна Џерард е без ангажман откако доби отказ во Астон Вила во октомври. Информациите се дека Полјаците веќе ги оствариле првите контакти. Се очекува да има нова средба на која ќе се види колку Џерард е блиску да стане селектор на Полска.

Ако се оди во добра насока Џерард би можел да биде промовиран во нов селектор на Полска до крајот на месецот.

Шпанска „Марка“ објавува дека таткото на Лео Меси, Хорхе, кој воедно е и негов менаџер,  наводно дал согласност за продолжување на договорот на најдобриот светски фудбалер со Париз Сен Жермен. Актуелниот договор на Меси со клубот од Париз истекува на крајот од сезоната.

Според информациите на „ Марка“, челниците на ПСЖ подготвиле мега понуда за Меси, за која сметаат дека ќе биде невозможно да биде одбиена од Аргентинецот. 

Лео Меси во последните свои изјави вели дека се чувствува среќен во Париз и дека неговото семејство нема против да го продолжи својот престој во главниот град на Франција.

Англискиот фудбалски клуб Манчестер Јунајтед изготвил кратка листа со три напаѓачи од кои ќе треба да избере едно име кое ќе го засили тимот во летниот преоден рок.

Во моментот раководството на Јунајтед работи на доведување на холандскиот голгетер Вут Вегхорст кој настапува за Бешикташ како позајмен фудбалер на Барнли. Вегхорст се очекува да биде привремена замена за голгетерското место во екипата кое остана празно после заминувањето на Кристијано Роналдо.

Информациите велат дека тренерот и управата на клубот од „Олд Трафорд“ разгледуваат три имиња кои би биле можни засилувања за нападот во тимот за летниот период. Тоа се напаѓачот од Наполи, Виктор Осимен, Бенџамин Шешко од РБ Лајпциг и капитенот на Англија и Тотенхем, Хари Кејн.

Теун Копмајнерс прераснува во најголемата ѕвезда на Аталанта и неговиот голгетерски ритам не останува незабележан од пошироката спортска јавност, што прави да има интерес за неговите услуги и од најбогатата лига во светот.

Холанѓанецот вчера постигна нова фантастичен гол против Болоња и го најави пресвртот на својот тим, па како нова голем фудбалски миленик во Бергамо, сега успеа да ги смири тифозфите.

Копмајнерс вели дека е почестен од интересот кој го пројавил фудбалски великан како Ливерпул, но во моментов не размислува и не планира да си замине од Аталанта.

„Ги видов вестите и гласните кои ме поврзуваат со Ливерпул. Навистина е убаво да се слушне тоа и почестен сум, но јас максимално сум посветен и фокусиран на Аталанта. Пресреќен сум што сум тука и што играм за Аталанта“, изјави Копмајнерс.

Напаѓачот на лондонски Челзи, Пјер-Емерик Обамејанг, кој неодамна се пресели во таборот на лондончани, може да ја промени клупската средина во овој преоден рок.

Според „Дејли Мејл“, неколку шпански клубови се заинтересирани за 33-годишниот фудбалер, а трансферот на Жоао Феликс би можел значително да ги намали шансите на Габонецот да влезе во стартниот тим и да има значително влијание за евентуален преселба.

Исто така е јасно дека меѓу овие тимови е и Атлетико Мадрид, што би можело да значи потенцијална размена на играчи меѓу клубовите. Да потсетиме дека Обамејанг пред оваа сезона се пресели во Челзи од Барселона. Пјер-Емерик  Обамејанг има 15 настапи за лондончани во сите натпреварувања и постигна три гола.

Манчестер Јунајтед е во позитивна серија од пет последователни победи по Светското првенство во Катар, а од сите пет меча, Хари Мегваер беше стартер само на еден.

Ерик Тен Хаг на два натпервари одлучи да го игра Лук Шо како стопер на местото на капитенот на Јунајтед, што според Рио Фердинанд е повеќе од јасен сигнал дека Хари мора да си замине од Манчестер.

Фердинанд се обиде да се стави во кожа на стоперот кој беше стандарден стартер во тимот на Саутгејт на турнирот во Катар, предолжувајќи му да го искористи овој јануарски преоден рок за да си оди од клубот.

„Би му рекол на Хари да си оди веднаш. Да бев на негово место, немаше да чекам. Лук Шо почна да игра како стопер на негово место. Тоа е исто како јас да се вратам од Светско првенство, да играм добро, а потоа на мое место да игра Патрис Евра во тимот“, рече Рио.

Челзи и Баерн Минхен се силно заинтересирани за холандскиот
репрезентативец и играч на Интер, Дензел Дaмфрис.
Холаѓанецот оваа сезона се етаблираше во еден од најдобрите десни
бекови, а одигра одлично и на Мундијалот. Интер има финансиски
проблеми, па доколку пристигне понуда повисока од 50 милиони евра
е спремен да го продаде на лето.
Баерн и Челзи се спремни да ја платат таа сума и веќе ја започнаа
битката за неговиот потпис.
Интерес за Дaмфрис покажуваат уште и Манчестер Јунајтед и
Барселона, па се очекува голема битка за неговиот потпис.

Ромелу Лукаку ова лето се врати во Интер како големо засилување, само една година откако беше продаден за 115 милиони евра.

Меѓутоа, Белгиецот нема среќа оваа сезона со повредите, па го пропушти готово целиот дел од сезоната пред мундијалската пауза. После Мундијалот одигра два меча и се очекуваше конечно да се врати во старата форма, но повторно се пожали на повреда.

Лекарскиот тим на Интер утврдил дека Лукаку има воспаление на коленото, па 29-годишниот напаѓач ќе мора да паузира уште некое време.

Лукаку ќе мора да мирува и не е познато кога точно ќе се врати на терените.

Италијанските медиуми пренесуваат дека сегашниот тренер на турскиот клуб Фатих Карагумрук, Андреа Пирло, може да стане нов селектор на белгиската фудбалска репрезентација.

Репрезентацијата на Белгија остана без селектор после оставката на Шпанецот Роберто Мартинез, кој ја напушти позицијата по завршувањето на Мундијалот во Катар.

43-годишниот Пирло, претходно како тренер го водеше и гигантот Јувентус со кој го освои Купот и Суперкупот на Италија.