Ренато Санчез ова лето беше блиску до трансфер во Милан, но на крајот се одлучи за Пари Сент Жермен.

Меѓутоа, Португалецот не добива голема минутажа во Париз и главно ја грее клупата за резерви, па не доби повик и за Мундијалот. Бидејќи не може да се избори со големата конкуренција во ПСЖ, Санчез е спремен да ја промени средината уште во јануари. Најсилен интерес за него покажуваат Милан и Јувентус, кои веќе стапиле во контакт со неговиот агент и работат на трансферот.

Италијанските гиганти треба да се изборат со конкуренцијата бидејќи интерес за Португалецот покажуваат и неколку клубови од Премиер лигата.

Манчестер Јунајтед на лето е спремен да направи „бум“ на трансфер
пазарот и ќе има голем буџет за трансфери.
„Скај Спорт“ пренесува дека главна мета на „црвените ѓаволи“ е
напаѓачот на Тотенхем и англиската репрезентација Хари Кејн.
Кејн е прв избор на Тен Хаг, а „ѓаволите“ се спремни да понудат 100
милиони фунти за неговиот потпис.
Кејн пред две години беше на чекор од трансфер во Манчестер Сити,
но тогаш „спарси“ за неговата слобода бараа 150 милиони фунти.
Меѓутоа, Кејн се уште не ставил потпис на нов договор, а Јунајтед е
спремен да му понуди многу повисока плата.
Поради тоа Тотенхем ќе биде приморан да ја прифати понудата,
особено ако не избори пласман во Лигата на шампиони.

Кристијано Роналдо пред крајот на 2022 година потпиша договор со Ал Наср од Саудиска Арабија и го доби најбогатиот договор во историјата. Роналдо потпиша договор до 2025 година, а ќе заработува по 200 милиони евра годишно и ќе биде главна ѕвезда во Саудиска Арабија.

Тренерот на Ал Наср, Руди Гарсија кажа што му посакува на Роналдо пред почетокот на новата авантура.

„Единствено нешто што му посакувам на Роналдо е да го откриe задоволството од играњето и повторно да се насмее. Ако го пронајде тоа задоволство, тогаш целта ќе биде постигната“, изјави Гарсија.

Англиските медиуми пренесуваат дека капитенот на Манчестер Јунајтед, Хари Мегваер, ги демантирал гласините дека сака да го напушти „Олд Трафорд“ бидејќи е незадоволен од минутажата.

„Имав некои здравствени проблеми после моето враќање од Светското првенство во Катар. Сега се чувствувам подобро. Имаме доста добри штопери во екипата, и конкуренцијата е јака, но јас ќе продолжам да се борам за поголема минутажа на теренот“, порача Мегваер.

29-годишниот англиски дефанзивец е член на Манчестер Јунајтед од 2019. година, а претходно има настапувано за Лестер, Хул, Виган и Шефилд. 

Хакан Чалханолу, Николо Барела и Ромелу Лукаку се повредија по
натпреварот на Интер против Монца.
Овие играчи во текот на денот ќе бидат подложени на тестови за да се
утврди колку се сериозни нивните повреди. Во моментов најголема
грижа е за Чалханолу, кој се жали на болки во бутот. Доколку се
покаже дека неговата повреда е посериозна, тој може да го пропушти
дури и натпреварот од Суперкупот на Италија против Милан.
Во однос на Лукаку се жали на проблем со коленото. Има надеж да се
опорави навреме за пресметката со Милан. Повредата на Барела се
чини дека е најлесна, бидејќи тој превентивно нема да игра против
Парма, но се очекува да биде достапен за средбата со Верона во
сабота.
Во исто време во амбулантата на Интер се уште Марсело Брозовиќ и
Самир Хандановиќ.

Уго Лорис долги години беше капитен на Франција и сите гледаа на
него како на вистински пример во тимот, но од денеска натаму, Дидие
Дешамп ќе мора да бара нов лидер во француската репрезентација.
Дешамп пред два дена го продолжи договорот со Франција и останува
национален селектор уште три години, а вечерва доби вест дека веќе
нема да може да смета на искусниот голман на Тотенхем.
Лорис реши да стави крај на репрезентативната кариера на 36-
годишна возраст, па така поразот во финалето со Аргентина е негов
последен меч за националниот тим.
„Едноставно доаѓа време кога мора да ги предадете ракавиците на
некој друг. Oтсекогаш сум велел и повторувал дека францускиот тим
не му припаѓа никому и мораме сите да се погрижиме да биде така.

Манчестер Јунајтед е во позитивна серија од пет последователни
победи по Светското првенство во Катар, а од сите пет меча, Хари
Мегваер беше стартер само на еден.
Ерик Тен Хаг на два натпервари одлучи да го игра Лук Шо како
стопер на местото на капитенот на Јунајтед, што според Рио
Фердинанд е повеќе од јасен сигнал дека Хари мора да си замине од
Манчестер.
Фердинанд се обиде да се стави во кожа на стоперот кој беше
стандарден стартер во тимот на Саутгејт на турнирот во Катар,
предолжувајќи му да го искористи овој јануарски преоден рок за да си
оди од клубот.
„Би му рекол на Хари да си оди веднаш. Да бев на негово место,
немаше да чекам. Лук Шо почна да игра како стопер на негово место.
Тоа е исто како јас да се вратам од Светско првенство, да играм добро,
а потоа на мое место да игра Патрис Евра во тимот“, рече Рио.

Евентуален трансфер на Рубен Невеш во Барселона може сериозно да ги наруши односите помеѓу тренерот Чави и претседателот Лапорта, пренесува „АС“.

Барселона мора да донесе замена за Бускетс, кој на крајот на сезоната заминува од клубот, па потрагата веќе започна. Чави инсистира како наследник на Бускетс да пристигне Асиер Иларименди од Реал Сосиедад. Во исто време претседателот Лапорта преферира да го купи Невеш од Вулверхемптон.

Невеш на лето влегува во последната година од договорот, па неговата цена драстично ќе се намали и тој трансфер ќе биде полесен за реализација.

Меѓутоа, Португалецот не е профил на играч за врска каков што сака 

Чави, па тоа може да донесе до голем конфликт помеѓу двајцата.

Реал Мадрид е подготвен да го задржи Марко Асенсио во својот тим и следната сезона. Договорот на играчот истекува на лето, но клубот е подготвен да му понуди нов. Сепак, тоа ќе биде на многу пониски финансиски параметри од оние што ги добива играчот од средниот ред во моментов, пишуваат медиумите од Шпанија.

Асенсио мора да процени дали таквата понуда му одговара. Во оваа фаза тој и неговиот агент Жорж Мендеш не брзаат да ја прифатат понудата на Реал Мадрид и сакаат да ги разгледаат сите можни опции. Исто така, можно е Асенсио да ја прифати понудата на Реал и да продолжи да игра на „Сантијаго Бернабеу“, по примерот на Серхи Роберто, кој на сличен начин прифати помала плата за да остане во Барселона.

Од друга страна, пак, Асенсио не е особено задоволен од неколкуте минути игра што ги добива и се чини дека тешко ќе се избори со конкуренцијата на Родриго и Феде Валверде за место на десното крило од нападот.

Раководството на Челзи сака значително да го засили тимот во зимскиот преоден рок и работи на неколку трансфери.

Денес „сините“ постигнаа договор со Атлетико Мадрид за шестмесечна позајмица на Жоао Феликс, за која ќе платат 11 милиони евра. Меѓутоа, тоа не е се, бидејќи медиумите пренесуваат дека Челзи работи и на трансферот на Маркус Турам од Борусија Мехенгладбах.

Турам оваа сезона игра одлично, веќе има 10 гола во Бундеслигата, а неговиот договор истекува на крајот на сезоната.

Мехенгладбах не сака да го загуби Турам без обештетување, па е спремна да го продаде во јануари за „само“ 12 милиони евра.

За него интерес покажуваат неколку европски гиганти, но Челзи е спремен да ја победи конкуренцијата.