Лаутаро Мартинез ја одби првата понуда на Интер за продолжување
на договорот, а тоа го вклучи алармот кај многу европски гиганти.
Имено, „Газета дело Спорт“ пренесува дека голгетерот се премислил и откако ја увидел ситуацијата на пазарот побарал зголемување во
однос на договорените осум милиони евра од претходно.

Лаутаро побарал плата од десет милиони евра годишно плус бонуси,
која Интер не може да си ја дозволи во моментов. Таквата ситуација
сакаат да ја искористат Реал Мадрид, Манчестер Јунајтед и ПСЖ, кои
се спремни да му понудат многу повисока плата.
Лаутаро има договор до летото 2026 година, па Интер не е приморан
да го продава, но споменатите клубови се спремни да понудат 120
милиони евра за неговиот потпис.

Јувентус постигнал договор со ѕвездата на Лацио, Филипе Андерсон,
пренесуваат италијанските медиуми. Имено, договорот на Филипе
Андресон со Лацио истекува на крајот на сезоната и нема најави за
негово продолжување.
Јувентус сака да ја искористи ситуацијата и да го донесе во Торино
без обештетување, па веќе постигнал договор со неговиот агент.
Алегри многу ги цени квалитетите на Бразилецот и сака да го има во
својот тим, па Филипе Андерсон ќе биде првото засилување за
следната сезона.

Пари Сен Жермен е блиску до купување на дефанзивецот на Лил,
Лени Јоро, пишува новинарот Екрем Конур на социјалната мрежа Х.
Според неговите информации, страните се договорија за условите на
договорот. Останува ПСЖ да се договори со Лил за висината на
обештетувањето на Јоро.
За потписот на дефанзивецот се борат и Реал Мадрид, Баерн Минхен,
Челси и Манчестер Јунајтед.
Во оваа сезона Јоро одигра 27 натпревари за тимот во сите
натпреварувања во кои постигна 3 гола. Договорот на 18-годишниот
играч со францускиот клуб е до крајот на јуни 2025 година.

Интер постигна договор со еден од своите клучни играчи, пренесе
„Газета дело спорт“. Станува збор за играчот од средниот ред Николо
Барела, чиј договор до 2026 година ќе биде продолжен за уште три
години.
Италијанскиот репрезентативец ќе добие и зголемување на годишната плата од 6 на 7 милиони евра преку лесно достижни бонуси. Веќе имало две средби меѓу претседателот на клубот, Стивен Жанг и агентот на играчот, Алесандро Белтрами во Лисабон и Ријад, а
конечен договор најверојатно ќе биде постигнат на трет состанок во
Мадрид.
Изданието открива и дека Манчестер Сити упатил понуда до
„нероазурите“ за Барела во последната недела од минатиот летен
преоден рок. Клубот го известил играчот за понудата, но тој одбил,
претпочитајќи да остане на „Џузепе Меаца“. Оваа сезона, 27-
годишниот играч за врска има 31 настап во сите натпреварувања со 2
гола и 5 асистенции.

Германскиот шампион Баерн Минхен доживеа пораз на првиот
осминафинален меч против Лацио со 0-1 во Лигата на шампиони
(ЛШ), а трагичар беше Дајо Упамекано.
Упамекано направи пенал и доби црвен картон, а по натпреварот беше нападнат од расисти, поради кои се јави и баварскиот гигант.
„Баерн ги осудува расистичките коментари на сметка на Упамекано на социјалните мрежи. Секој кој се служи со навреди не е навивач на
нашиот тим. Сите сме со тебе, Дајо“, објави тимот од Минхен.

Голгетерот на Аталанта, Луис Мјуриел, кариерата ќе ја продолжи во
МЛС лигата во екипата на Орландо Сити. Договорот ќе му биде 2+1
година а во новиот тим ќе го носи дресот со број 9.
Муриел пристигна во Бергамо во летото во 2019 година и одигра
вкупно 184 натпревари со 68 голови и 28 асистенции. Колумбиецот го
држи рекордот за најмногу постигнати голови од играч кој доаѓа од
клупата.
„Многу сум возбуден и среќен. Видов дека доаѓам во клуб кој сака да
освојува трофеи“ изјави 32-годишниот фудбалер.

Македонската фудбалска репрезентација забележа пад од 3 места на најново објавената ФИФА ранглиста која беше објавена денес и сега е на 68-то место. Со оглед на то ашто нашата репрезентација изминативе неколку месеци немаше активности , сосема очекувано беше да има пад од некоја позиција на Фифа ранкингот.

Нема промени нити меѓу најдобрите 10 репрезентации во Светот, Аргентина е прва пред Франција, Англија, Белгија и Бразил кој се во Топ 5 селекциите, додека првата десетка ја сочинуваат уште Холандија, Португалија, Шпанија , Италија и Хрватска.

Централниот дефанзивец на Барселона, Жил Кунде би можел да го напушти шпанскиот тим во претстојниот летен преоден рок, пренесува „Мундо Депортиво“.

Според изворот, раководство на Барселона е подготвено да се раздели со 25-годишниот фудбалер, бидејќи смета дека одбранбената линија е добро пополнета. Клубот има доверба во Роналд Араухо, Иниго Мартинез, Андреас Кристенсен и младиот Пау Кубраси. Забележано е дека Барселона исклучиво ќе размислува за продажба на францускиот дефанзивец само доколку добие добра понуда.

Кунде се пресели во Барселона од Севиља во летото 2022 година за 50 милиони евра.Оваа сезона дефанзивецот одигра 30 натпревари во сите натпреварувања, на кои постигна два гола и три асистенции. Договорот на играчот со шпанскиот клуб е со важност до крајот на јуни 2027 година. Проценетата цена на фудбалерот, според интернет порталот Трансфермаркт, е 60 милиони евра.

Играчот од средниот ред на Арсенал и Норвешка, Мартин Одегард би можел да се врати во Реал Мадрид. Да потсетиме дека 25-годишниот фудбалер веќе играше за мадридскиот клуб од 2015 до 2021 година, главно минувајќи сезона по сезона на позајмица.

Според информациите кои беа објавени, Реал Мадрид е подготвен да се обиде да го ангажира норвешкиот играч за врска во претстојниот летен преоден рок.

ПСЖ е подготвен да ги одмери силите со Реал Мадрид во битката за Одегард. Забележано е дека на двата гиганти нема да им биде лесно да го убедат играчот од средниот ред да го напушти Арсенал ова лето.

Одегард игра за Арсенал од 2021 година. Оваа сезона играчот од средниот ред одигра 30 натпревари за „топчиите“ во сите натпреварувања, на кои постигна седум гола и пет асистенции. Договорот на играчот со лондонскиот клуб е со важност до крајот на јуни 2028 година. Проценетата цена на фудбалерот, според интернет порталот Трансфермаркт е 90 милиони евра.

Португалскиот фудбалер Жоао Кансело сака и следната сезона да
игра за Барселона, бидејќи не планира да се врати во Манчестер
Сити, пренесува британски „Сан“.
Кансело е член на Манчестер Сити, но до крајот на сезоната игра како
позајмен во Барселона. Моментално е еден од најдобрите играчи во
каталонскиот клуб.
Британските медиуми пренесуваат дека португалскиот фудбалер е
задоволен од статусот во Барселона и сака да игра за каталонскиот
клуб и следната сезона. Сепак, Манчестер Сити планира на крајот на
сезоната да го врати Кансело во Англија, а потоа да го продаде.