Дебито на Португалецот Кристијано Роналдо во дресот на Ал Наср ќе
се случи на 21 јануари кога во рамки на 14. коло од фудбалското
првенство на Саудиска Арабија, неговиот нов клуб ќе игра против Ал
Етифак,во чиј редови настапува македонскиот репрезентативец Дарко
Велковски.
Роналдо пред два дена беше прмоворан како ново засилување на
саудискиот прволигаш, а навивачите на Ал Наср очекуваа
португалскиот напаѓач да дебитира на денешниот првенствен
натпревар против Ал Тае.
Меѓутоа, Роналдо, според правилата на ФИФА, ќе мора да пропушти
два натпревари за својот нов клуб поради суепснецијата која му ја
изрече Манчестер јунајтед во врска со инцидентот кога напуштајќи го
теренот по натпреварот со Евертон, скрши мобилен телефон на дете
со аутизам.
Роналдо потпиша договор со Ал Наср до јуни 2025 година, а годишно

ќе заработува околу 200 милиони евра.

Француската фудбалска федерација уште по мундијалот навести дека
планира да го задржи Дидие Дешамп на селекторската позиција, а
денеска стигна и официјална потврда.
Преку својата официјална интернет страница, федерацијата објави
дека Дешамп го продолжил договорот и ќе биде предводник на
„триколорите“ барем до 2026 година.
Претходно се шпекулираше дека Дешамп ќе замине по СП во Катар,
но пласманот во финалето и начинот на кој Французите останаа без
титулата, очигледно биле доволни аргументи за искусниот стручњак
да добие доверба за уште најмалку два квалификациски циклуси.
Дешамп ќе ја води Франција и на следното Европско првенство, но и
во квалификациите за мундијалот и завршниот турнир во 2026
година, додека оваа одлука истовремено може да биде најава и за тоа
што ќе се случува со одредени репрезентативци, вклучувајќи го и
Карим Бензема.

По заминувањето на Тите од селекторската функцијаво Бразил,
тамошната федерација се впушти во процес на избор на нов селектор.
Неколку имиња веќе го одбија тимот на „Селесао“, меѓу нив Жозе
Мурињо, но и Пеп Гвардиола, а сега неверојатно се појави уште едно,
неочекувано име на хоризонтот како желба на бразилската фудбалска
федерација.
Ако се верува на хрватските медиуми, поточно на „вечерњи лист“,
Бразил го следи Златко Далиќ, за кој биле заинтересирани да му
понудат ангажман.
Далиќ кој со Хрватска прво пред четири години во Русија освои
сребрен медал, каде беа поразени од Франција во финалето, за во
Катар пред еден месец, да освојат бронзен, добивајки го Мароко во
мечот за трето место.
Инаку Бразил последните 100 години, го имат водено само двајца
странски селектори, Уругваецот Рамон Платеро во 1925 година и
Португалецот Жорж Гомез да Лима во 1944 година.

Челзи и Канте би можеле да ја продолжат соработката. Според
последните информации преговорите помеѓу двете страни одат во
вистинска насока и Канте би можел да потпише нов повеќегодишен
договор до 2026 година.
Канте оваа сезона се мачеше со повреди, практично не ни играше, па
поради тоа клубот беше поделен околу неговиот нов договор.
Од самиот почеток Канте приоритет го стави останувањето во Челзи,
иако се споменуваше дека може да замине во Барселона.

Холандскиот репрезентативец Вут Вегхорст веројатно денеска се
прости од навивачите на Бешикташ и во вториот дел од сезоната ќе го
носи дресот на Манчестер Јунајтед.
Напаѓачот е фудбалер на Барнли, но на позајмица во Бешикташ, а
Јунајтед изрази желба да го откупи во јануарскиот преоден рок. Ако
не може веднаш да го купи, клубот од Олд Трафорд би го добил, исто
така, на позајмица овој месец со обврска да плати отштета од околу
10 милиони евра на крајот од сезоната. Таму треба да биде замена за
Кристијано Роналдо кој си замина минатиот месец. Вегхорст постигна
еден од двата гола на денешниот натпревар на Бешикташ против
Кашимпаша, а потоа отиде до трибината каде се најверните навивачи
на клубот и им покажа колку сака, потег кој многумина го
протолкуваа како простување од нив пред враќањето во Англија.

Јошко Гвардиол беше едно од најпријатните изненадувања на
Мундијалот во Катар пред еден месец.
Неговата цена драматично порасна на трансфер пазарот, откако
одигра маестрално во дресот на Хрватска, со која освоија бронзен
медал, како во Франција пред 24 години.
Гвардиол има договор со Лајпциг до 2027 година, но големи се
шансите тој да не го испочитува договорот, бидејки голем е интересот
за неговиот трансфер.
Иако првично се веруваше дека Реал и Челси ќе ја имаат предноста за
неговиот трансфер, сепак, Гвардиол порача дека во детството навивал
за Ливерпул, што даде до знаење дека и „црвените“ веројатно се дел
од трката за неговиот потпис.

„Мојот клуб од детството е Ливерпул. Од мали нозе ги гледам
нивните натпревари, ја следам детално секоја сезона, тоа е клубот кој
ми остана во срце“, јасно порача Гвардиол.

Златан Ибрахимовиќ се опорави од тешката повреда, па се врати на
тренинзите, а наскоро би можел да добие први минути за Милан во
Серија А, во новата 2023 година.
Но и покрај тоа што тој е во длабоки години, Ибрахимовиќ како да
сака да покаже дека годините за него се само обични бројки.
Легендарниот шведски интернационалец, се уште има амбиции да
игра за националниот дрес на Шведска, а селекторот тврди дека
годините за Ибра се само бројка.
„Се слушнавме неодамна, во добри односи сме. Ако успее да заздрави
целонсо, веројатно ќе биде опција за нас во нападот. Годините не се
важни, не се грижам за неговата форма, одличен е. Многу
допринесува кога е во соблекувалната со нас, ги фасцинира младите
играчи со присуството“, истакна Андерсон.

Манчестер Јунајтед го совлада Евертон со 3-1 во ФА Купот, а играч на
натпреварот беше Маркус Рашфорд кој беше „виновен“ за трите
погодоци на домашниот тим.
Прво му асистираше на Антони за водечкиот гол за 1-0, потоа го
принуди Коуди да си даде автогол за да на крајот и самиот се запише
во листата на стрелци. Со ова Маркус само потврди дека е во страшен
ритам, постигна голови на сите натпревари по СП во Катар, па и тој
самиот принава дека се наоѓа во најдобрата форма во кариерата.
„Ова веројатно е најдоброто форма во која сум бил, се чувствувам
добро на теренот. Влегувам во позиции и делови за да постигнувам
голови. Ако продолжам да создавам шанси, чувствувам дека ќе
продолжам да постигнувам голови“, вели Маркус.

Баерн Минхен веќе некое време се обидува да пронајде замена,
алтернатива за Мануел Нојер кој поради потешка повреда подолго
време ќе го нема на терените.
„Баварците“ се надеваат дека ќе успеат да се разберат со Борусија
Менхенгладбах за услугите на искусниот Јан Зомер на кого договорот
му завршува во месец јуни, но од „Борусија Парк“ стигна јасна
порака која ја упати директорот Роланд Виркус.
„Нема да го пуштиме Зомер во јануари, за ова веќе го информиравме
Баерн“, порача Воркус.
Сега германскиот првак одново ќе се сврте кон Александер Нубел кој
е нивни голман, ама е на позајмица во Монако.

Џек Батланд во вториот дел од сезоната ќе игра за Манчестер
Јунајтед. „Црвените ѓаволи“ се договориле со Кристал Палас за
трансферот на 29-годишниот англиски голман.
Станува збор за позајмица без можност за купување. Батланд денеска
би можел да ги има медицинските прегледи во Јунајтед.
Оваа сезона голманот на Палас нема одиграно ниту еден натпревар во
Премиер лигата.