Tренерот на Манчестер Јунајтед Ерик Тен Хаг пред последниот меч во годината јасно кажа на која позиција му треба засилување.

„Ѓаволите“ останаа со еден напаѓач помалку по заминувањето на Кристиано Роналдо, а Тен Хаг истакна дека му се потребни само добри фудбалери.

„Потребни ни се добри фудбалери, а не само тие кои ги имаме. Сакаме да ја зголемиме конкуренцијата во тимот за да може да имаме различни решенија. Бараме вистинско засилување за нападот“, кажа Тен Хаг.

Премиерлигашот има ограничен буџет во моментов затоа што потроши 220 милиони фунти, па се шпекулира во јануари ќе бара само засилувања на позајмица.

Манчестер Сити го обезбеди потписот на уште еден аргентински талент, фудбалерот на Велез Сарсфилд, Максимо Пероне.

19-годишниот Пероне е играч од средниот ред, кој честопати беше споредуван со Френки де Јонг од Барселона и Федерико Валверде од Реал Мадрид, поради неговата игра и квалитети.

Многу европски гиганти покажуваа интерес за неговиот потпис, но Сити ја победи конкуренцијата и за трансферот ќе плати 7 милиони фунти.

„Граѓаните“ го следат аргентинскиот фудбал, од каде го доведоа Хулијан Алварез, кој стана хит на Мундијалот и неговата цена порасна неколкукратно.

Во првиот ден од новата година Силекс го претстави напаѓачот Марко Ѓорѓиевски како нивни нов играч. Тој во Кратово пристигнува од Академија Пандев и треба да биде сериозно засилување за напаѓачката линија.

Ѓорѓиевски е второ засилување за Силекс, претходно потпишаа со Хамза Рамани.

Силекс е на петтото место на табелата со само две бода помалку од третполасираната Шкендија и во пролетниот дел сака да се бори за местата кои водат во Европа.

Карим Бензема го однесе Реал до европскиот трон и ја доби „Златната
топка“ за најдобар играч оваа година. Неговиот договор со
„кралевите“ истекува на крајот на сезоната, но Реал веќе спреми нов
договор за голгетерот.
Најавите од Шпанија се дека Реал сака да го задржи Бензема најмалку
до 2024 година и двете страни се блиску до договор.
Во Реал се надеваат дека наскоро ќе бидат договорени сите детали и
Бензема ќе стави потпис на договорот.

Дефанзивецот на Интер, Милан Шкрињар, кој на лето ќе стане
слободен играч, најверојатно ќе се пресели во Арсенал.
Тоа го пренесува „Калчомеркато“ и тврди дека „Топџиите“ се меѓу
клубовите кои будно ја следат ситуацијата со неговиот договор.
Словачкиот фудбалер во последно време беше предмет на бројни
трансфер гласини, а за играчот се борат ПСЖ и Тотенхем. Арсенал
бара нов дефанзивец и планираат да го ангажираат Милан Шкрињар,
а Тотенхем и ПСЖ би испаднате од конкуренција за играчот.
Да потсетиме дека Шкрињар игра за Интер од 2017 година. Оваа
сезона словачкиот дефанзивец учествуваше на 15 натпревари од
италијанската Серија А и не постигна гол.

Семејството Глејзер сака да го продаде Манчестер Јунајтед уште во

првото тромесечие од 2023 година, објави реномираниот новинар
Дејвид Орнстин.
Американската банка „Raine Group“ која ја контролира целата
продажба има поставено рок до март за извршување на продажбата.
Глејзер бараат помеѓу 7 и 8 милијарди за акциите на Манчестер
Јунајтед.
Поради тоа, Манчестер Јунајтед нема да купува играчи во зимскиот
преоден рок, а ќе бара засилување на позајмица, откриваат медиумите
на Островот.
Веста дека клубот ќе доведува засилувања само на позајмица е
сериозен удар за менаџерот Ерик тен Хаг, кој имаше големи надежи,
дека значително ќе го засили тимот во јануари.

Ливерпул сака да го засили тимот во зимскиот преоден рок, а позната
е најголемата трансфер желба на Јирген Клоп.
Јирген Клоп има малку алтернативи во средниот ред и сака да донесе
квалитетен играч за врска, бидејќи во моментов има многу повредени
фудбалери. Најголема желба е играчот на Брајтон, Моизес Каиседо,
кој одигра одлично на Мундијалот за репрезентацијата на Еквадор.
Ливепул веќе испратил првична понуда која била одбиена бидејќи
Брајтон за слободата на играчот бара 60 милиони фунти.
Ливерпул во наредните денови ќе испрати нова понуда, но „црвените“
сигурно нема да ја надминат сумата од 45 милиони пренесуваат
медиумите на Островот.

Душан Влаховиќ се уште се мачи со повредата на препоните, поради
која најверојатно ќе го пропушти дерби натпреварот против Наполи
на 13 јануари во Серија А, објавија денеска италијанските медиуми.
Клубот се надеваше дека тој ќе биде на располагање за мечот против
Наполи, трет во новата година, но според „Газета дело спорт“,
Влаховиќ ќе го пропушти и тој меч.
Влаховиќ не тренираше со тимот откако се врати од Катар каде одигра
само 79 минути и постигна еден гол на два натпревари. Српскиот
репрезентативец веќе неколку месеци се мачи со оваа повреда.
Последниот меч за Јувентус го одигра на 25 октомври против
Бенфика, а последен пат цели 90 минути ги одигра на 15 октомври
кога постигна гол во победата против Торино.

Јирген Клоп е свесен дека иако Премиер лигата се уште не е стигната
ни до половина, неговиот тим нема шанси за титулата оваа година.
„Црвените“ имаа лош старт на сезоната и играа „топло-ладно“ па во
моментов се далеку од врвот на табелата и годинава им преостанува
борба за пласман во Лигата на шампионите.
Тоа го знае и самиот Клоп кој истакна дека Арсенал и Сити ќе се
борат за титулата во Премиер лигата, а дека дури пет клубови ќе се
борат за останатите две места кои ќе водат во Лигата на шампионите.
„Оваа сезона ќе имаме топ 7 тимови затоа што знаеме дека Њукасл е
голем конкурент од оваа сезона. Само четири ќе успеат да стигнат до
целта, а се чини дека во овој момент само две места се останати.
Арсенал има неверојатна сезона, Сити е Сити, а Манчестер Јунајтед е
јасно дека се враќа. Тотенхем секогаш се бори до крај, а Челзи е се
уште тука.
Ќе биде тешко, треба да играме специјално во вториот дел од сезоната
за да имаме шанса да се пласираме во Лигата на шампионите, што е и
наша цел“, изјави Јирген Клоп.