ПСЖ може да го потпише 24-годишниот играч од средниот ред на Рома и Франција, Ману Коне. Францускиот клуб е подготвен да плати 60 милиони евра, објави „Кориере дело Спорт“.

Коне се приклучи на Рома од Борусија Менхенгладбах во летото 2024 година за 20 милиони евра. Тој ги одигра сите првенствени натпревари оваа сезона, помагајќи им на Рома да се натпреварува за пласман меѓу првите четири. Според „Трансфермаркт“, неговата моментална трансфер вредност е 50 милиони евра.

Дидие Дешамп го изостави Коне од почетниот состав на Франција за натпреварот против Азербејџан (10 октомври), но се очекува тој да настапи против Исланд вечерва.

Јувентус интензивно работи на трансферот на талентираниот 19-годишен бразилски фудбалер Ендрик . Италијанските медиуми објавија дека Јувентус има намера да го пизајми Ендрик. Бразиелцот од почетокот на сезоната е закован за клупата кај тренеорт Чаби Алонсо.

Во интерес на Реал би било да го позајми играчот за да има континуитет на играње некаде, Јувентус сигурно би го поздравил неговиот квалитет, а Италијанецот Карло Анчелоти, инаку селектор на Бразил, би сакал Ендрик да игра што е можно повеќе за да ја одржи формата за Светското првенство следната година.

Минатата година, Ендрик дојде во Реал од бразилскиот Палмеирас, каде што играше одлично и постигна 18 голови на 66 лигашки настапи. Тој пристигна во Реал за 60 милиони евра, а досега одигра 22 натпревари во Ла Лига и беше стрелец само еднаш.

Јувентус моментално е петти на табелата во Серија А и оваа сезона, барем во првенството, повторно се мачи офанзивно. Тој постигна само девет гола на шест натпревари, па доаѓањето на Ендрик сигурно би ги зајакнало напаѓачките опции на клубот од Торино.

Во својата кариера, Ендрик одигра 14 натпревари за Бразил и постигна три гола.

Шпанскиот фудбалер Феран Торес ќе го пропушти квалификацискиот натпревар за Светското првенство во 2026 година против Бугарија поради повреда, објави денес Шпанската фудбалска федерација (RFEF).

„По дополнителни прегледи, медицинската служба на RFEF утврди дека Торес има преоптоварен мускул, но не станува збор за сериозна повреда. Во согласност со политиката за намалување на ризиците и давање приоритет на здравјето на играчите, одлучено е Торес да го пропушти натпреварот против Бугарија. Медицинската служба на Барселона е информирана за сите детали“, се вели во соопштението на RFEF.

Квалификацискиот натпревар од групата Е за СП 2026 помеѓу Шпанија и Бугарија ќе се игра утре во 20:45 часот во Ваљадолид. Шпанија го држи првото место во табелата во групата Е со девет бода од три натпревари.

Торес (25) одигра 51 натпревар за шпанската репрезентација и постигна 22 гола.

Еден од најдобрите фудбалери на Јувентус, Глеисон Бремер, ќе мора одреден период да отсуствува во терените.

Бразилскиот дефанзивец го пропушти натпреварот против Милан пред седум дена, поради болки во левото колено.

Клубот објави дека поради менискусот на левото колено, Бремер ќе мора да биде опериран.

Ова е нов удар за Бремер кој штотуку се врати од сериозна повреда и пауза од десет месеци.

Јувентус не го објави точниот датум на неговото враќање, ниту навестување кога би можело да биде, но според некои првични индикации, неговото враќање се очекува во ноември.

Тој ќе ги пропушти натпреварите против Комо, Наполи, но и натпреварот против Реал Мадрид во Лигата на шампионите.

Македонската фудбалска репрезентација до 21. година утре со почеток од 18:00 часот на гостински терен во Црна Гора го игра четвртиот натпревар во овој квалификациски циклус.

Нашите фудбалски надежи во овој дуел влегуваат по домашниот триумф над Ерменија од 2-1. До победата стигнавме откако противникот имаше предност и со двата постигнати погодоци стигнавме до првите бодови.

По овој триумф одиме на второто гостување и на соочување со селекцијата на Црна Гора.

„Од поразите против Полска и Италија извлековме многу поуки. Ги видовме нашите грешки и напредокот е евидентен. Домашниот дуел против Ерменија, добро ни дојде. Освоивме три бода, сакаме да продолжиме во таа насока. Црна Гора е доволно анализирана, знаеме што може овој противник, но и кои му се слаби страни. Нема што премногу да се осврнуваме на противникот, треба да ја дигнеме нашата игра на што е можно повисоко ниво, и да постигнеме уште еден добар резултат“ – вели нашиот капитен Матеј Ангелов.

Фудбалската репрезентација на Македонија одигра 1-1 против Казахстан на Арената „Тодор Проески“ во Скопје. По осмото коло од квалификациите за СП 2026, Македонија се наоѓа на втората позиција со 13 бода, зад Белгија која е лидер со 14.

Избраните на Благоја Милевски имаа неколку шанси во првиот дел, но не успеаја да ја погодат мрежата на противникот. Во 54. минута Казахстан неочекувано дојде во водство со голот на Караман, а во 74. минута Енис Барди израмни со прекрасно изведен слободен удар.

Во последните моменти, убава можност имаше и Никола Серафимов, но шутираше крај голот.

На крајот, реми за Македонија на домашниот дуел со Казахстан.

Македонската фудбалска репрезентација до 21. година утре со почеток од 18:00 часот на гостински терен во Црна Гора го игра четвртиот натпревар во овој квалификациски циклус.

Нашите фудбалски надежи во овој дуел влегуваат по домашниот триумф над Ерменија од 2-1. До победата стигнавме откако противникот имаше предност и со двата постигнати погодоци стигнавме до првите бодови.

По овој триумф одиме на второто гостување и на соочување со селекцијата на Црна Гора.

„Од поразите против Полска и Италија извлековме многу поуки. Ги видовме нашите грешки и напредокот е евидентен. Домашниот дуел против Ерменија, добро ни дојде. Освоивме три бода, сакаме да продолжиме во таа насока. Црна Гора е доволно анализирана, знаеме што може овој противник, но и кои му се слаби страни. Нема што премногу да се осврнуваме на противникот, треба да ја дигнеме нашата игра на што е можно повисоко ниво, и да постигнеме уште еден добар резултат“ – вели нашиот капитен Матеј Ангелов.

Фудбалерот Диего Коста проговори за своето провокативно однесување на теренот за време на неговата играчка кариера.

риесет и шестгодишниот напаѓач е без клуб од јануари 2025 година, откако го напушти Гремио.

Ги навредував сите. Кога бев мал, немав почит кон моите противници. Мислев дека морам да ги убијам. Момчињата кои растат играјќи во академии се учат на самоконтрола и почит кон другите, но никој не ме научи на тоа. Бев навикнат да гледам играчи како се удираат со лакти и мислев дека е нормално. Гледајќи наназад, не би променил ништо. Учев од сè. Затоа сум таму каде што сум денес, изјави Коста за „ Football Talk“.

Напаѓачот играше и за Атлетико Мадрид, со кого освои две шпански првенства, две титули во Лигата на Европа и три Суперкупа на УЕФА. Тој е двократен шампион на Англија со Челзи.

Покрај овие клубови, Коста играше за Ботафого, Вулверхемптон, Атлетико Минеиро, Реал Ваљадолид и други тимови.

Челниците на Милан веројатно ќе му понудат нов договор на фудбалерот, Фикајо Томори, велат последните информации од Италија.

Дефанзивецот има одлична сезона а тренерот Алегри сака да го задржи на подолг период. Црномурестиот играч има договор до летото во 2027 година но, „росонерите“ сакаат да го задржат уште неколку сезони.

Преговорите засега се базираат на подобри финансиски услови откако самиот дефанзивец изјави дека сака да остане во Милано.

Селекторот на германската репрезентација, Хулијан Нагелсман, јавно ја искажа својата поддршка за Флоријан Вирц, кој се соочува со предизвици на почетокот од својата кариера во Ливерпул. Откако премина од Баер Леверкузен за рекордни 116 милиони фунти, Вирц сè уште нема постигнато гол или асистенција, иако покажува креативност на теренот. 

Нагелсман смета дека бавниот прилагодливост на Вирц се должи главно на привикнувањето на новата средина и соиграчите, а не на слабости кај самиот играч. Тој истакна дека Вирц и понатаму е лидер во Премиер Лигата по бројот на создадени шанси, нагласувајќи дека недостатокот на голови е резултат на неуспехот на соиграчите да ги искористат можностите. 

Селекторот додаде дека статистиката не ја прикажува целосната важност на Вирц на теренот. Тој увери дека играчот е свесен за своите способности и игра со слобода, но му треба време и упорност да се прилагоди на предизвиците на Премиер Лигата. 

Нестабилната форма на Ливерпул се совпадна со раните денови на Вирц во клубот, а играчот беше и делумно исклучен од првиот тим. Сепак, тој останува значаен дел од германската репрезентација, каде неодамна постигна извонреден гол од слободен удар. 

Нагелсман со својата поддршка ја нагласува довербата во потенцијалот на Вирц, и покрај тековните тешкотии во Англија. И поранешниот менаџер на Ливерпул, Јирген Клоп, го опиша Вирц како „талент кој се раѓа еднаш во генерација“, додавајќи дека критиките се преголеми и дека тие се резултат на пошироките проблеми во тимот. 

Двата тренери се уверени дека Вирц ќе ја врати својата најдобра форма наскоро.