Германските медиуми пренесуваат дека фудбалерот Јусуфа Мукоко одбил да го продолжи договорот со Борусија Дортмунд, бидејќи играчот барал плата од седум милиони евра по сезона.

18-годишниот Мукоко има договор со Борусија до крајот на сезоната, а годишно заработува 1,8 милиони евра. Според информациите, челниците на клубот од Дортмунд му понудиле на младиот фудбалер нов договор по кој ќе заработува шест милиони евра по сезона, меѓутоа Мукоко барал еден милион повеќе.

Според Трансфермаркт, вредноста на Мукоко на фудбалскиот пазар вреди околу 30 милиони евра.

Голманот на Манчестер Јунајтед, Давид де Геа, по цели 12 сезони ќе си замине од стадионот – „Олд Трафорд“ , најавија медиумите во Англија.

Тренерот, Тен Хаг, има намера да го врати Дин Хендерсон, кој брани како позајмен за Нотингем Форест а во опција влегува и чуварот на мрежата на Борусија Дортмунд, Зомер.

Актуелниот договор на Давид Де Геа со „црвените ѓаволи“ ќе истече на крајот на сезонава.

Португалскиот репрезентативец Жоао Феликс, сака да си замине од Атлетико Мадрид и да се пресели во Премиер лигата, пишуваат француските медиуми.

Откако извршниот директор на Атлетико, Анхел хил Марин призна дека имало конгфликт помеѓу Феликс и тренерот Симеоне, јасно е дека Португалецот ќе го напушти клубот. Порталот „Ле 10 спорт“ пишува дека ПСЖ нема намера да го купува Феликс бидејќи во нападот ги има Мбаше, Меси и Нејмар и дека Португалецот ќе избира меѓу Арсенал и Манчестер јунајтед.

Во Арсенал сакаат да го ангажираат Португалецот уште во зимскиот преоден рок како замена за повредениот Габриел Жесус, додека Манчестер јунајтед го гледа како идеален наследник на Кристијано Роналдо.

Зинедин Зидан и Луис Енрике се кандидати за селектор на португалската репрезентација, тврди весникот „А Бола“.

По одбивањето на Жозе Мурињо да работи со португалската репрезентација, главни кандидати за оваа функција се Зинедин Зидан, кој претходно работеше со Реал Мадрид и Луис Енрике, кој ја напушти шпанската репрезентација по Мундијалот во Катар.

Бразилскиот напаѓач Матеус Куња и официјално е нов фудбалер на Вулверхемптон. Оваа вест е потврдена од англискиот премиерлигаш.

Куња во Волвс пристигна на инсистирање на новиот тренер на екипата, Лопетеги. Фудбалерот од Бразил во клубот од Англија пристигнува како позајмен играч на Атлетико Мадрид каде претходно беше најавуван како огромно засилување за тимот, но тој не се вклопи во концепцијата на Диего Симеоне кој многу ретко му даваше шанса за настап.

На 54 натпревари за Атлетико Мадрид, Куња постигна само осум голови и имаше седум асистенции.

Италијанскиот фудбалски клуб Каљари соопштува дека за нов тренер на екипата е поставен искусниот стручњак Клаудио Раниери со кого е потпишан договор до 2025.година.

За Раниери ова ќе биде втор пат како седнува на клупата на Каљари. Претходно тој го водеше тимот од 1988.година до 1991.година, кога го воведе Каљари од Серија Ц во Серија А.

Клаудио Раниери има богата тренерска кариера и во минатото меѓу другите ги има водено Рома, Интер, Монако, Лестер, Нант, Фулам, Сампдорија, Фатфорд.

Најголем успех во тренерска работа на Раниери е освојувањето на Премиер лигата со екипата на Лестер во 2015.година.

Јувентус ќе се бори со сите сили за да ја задржи позицијата меѓу четирите најдобри екипи во Серија А, изјави тренерот Масимилијано Алегри, кој потенцира дека ова е минималната цел на тимот до крајот на сезоната.

Бјанконерите беа трети на табелата во Серија пред паузата за Светското првенство, два бода зад Милан и 10 зад водечкиот Наполи, но само еден бод повеќе од четвртопласираниот Лацио и петтопласираниот Интер.

„Минималната цел е да останеме меѓу првите четири, но и да се обидеме да се приближиме што е можно повеќе до Наполи, кој продолжува да има сериозно водство. Потоа, тука се натпреварите во Лигата на Европа и Купот на Италија. Би било добро да стигнеме до самиот крај на овие натпреварувања“, истакнува Алегри.

Милан покажува сериозен интерес за ѕвездата на Лајпциг, Дани Олмо, пренесува „Газета дело Спорт“.

Олмо игра одлично во Лајпциг каде оваа сезона има постигнато 4 гола и 5 асистенции, а покажа добри партии и на Мундијалот. Олмо на лето влегува во последната година од договорот, па Милан сака да ја искористи таквата ситуација и да го доведе на „Сан Сиро“.

Шпанецот може да игра на сите позиции во нападот, а „росонерите“ се спремни да понудат 40 милиони евра за неговиот потпис.

Претседателот на Барселона, Жоан Лапорта ги коментираше резултатите од годината која завршува за каталонскиот клуб, а исто така рече дека финансиските инекции кои ги активирале летото овозможиле да се создаде конкурентен тим.

„Тоа беше тешка година, почеток на нашето опоравување. Ова лето, напорно работевме на градење тим кој може да се претстави добро две години – со мали измени доколку е потребно. Ова е тим кој може да се натпреварува за трофеи. Дел од радоста се врати, но нема да се врати целосно додека не почнеме да освојуваме титули. Сега го контролираме нашиот долг и ги намалуваме платите на играчите. Работите одат во добра насока и спортски и финансиски. Сигурен сум дека има работи кои можеа да бидат подобри, но ние даваме се од себе и мораме да гледаме во иднината. Навивачите на Барса имаат чувство дека доаѓа ера на величина и тоа мора да го оствариме. Летните засилувања ни помогна да изградиме поконкурентен тим и сега го враќаме престижот во фудбалскиот свет“, рече Лапорта во новогодишното интервју за официјалната веб-страница на Барселона.