Досегашниот фудбалер на Лајпциг и репрезентативец на Франција, Кристофер Нкунку, својата фудбалска кариера ќе ја продолжи во Челзи, бидејќи постигна договор со лондонскиот клуб.
Познатиот италијански новинар, Фабрицио Романо, објави на Твитер дека Нкунку ќе премине во редовите на Челзи на крајот од сезоната.
25-годишниот француски напаѓач имаше договор со Лајпциг до јуни 2026 година, а се очекува трансферот во Челзи да изнесува 70 милиони евра.

Италијанскиот весник Газета дело Спорт ја пренесува веста дека тренерот на Рома, Жозе Мурињо, одбил да биде селектор на репрезентацијата на Португалија.
Според информациите од весникот, Мурињо мисли дека уште е рано за таа позиција и е целосно посветен на водењето на Рома.
Италијанските медиуми наведуваат дека Мурињо бил прва желба на Фудбалскиот сојуз на Португалија за водење на репрезентацијата после отказот на Фернандо Сантош.
59-годишниот Мурињо во својата кариера бил тренер на Леирија, Порто, Реал, Челзи, Манчестер Јунајтед и Тотенхем.

Капитенот на фудбалската репрезентација на Хрватска, Лука Модриќ, вели дека сите играчи на селекцијата треба да бидат горди на освојувањето на бронзата на Светското првенство, и дека тој
планира да настапи за Хрватска и на завршницата во Лигата на нациите наредната година.
Фудбалерите на Хрватска се закитија со бронзен медал на СП во Катар, откако го совладаа Мароко со 2:1. За Хрватска тоа е трет медал на светските првенства после среброто пред четири години во
Русија, и бронзата од Франција во 1998 година.
37-годишниот Модриќ демантира дека натпреварот пртоив Мароко бил негов последен во дресот на националниот тим, бидејќи планира да игра за Хрватска во завршницата на Лигата на нации, а
можеби и на квалификациите за ЕУРО.

Џон Гудвин е презадоволен од тоа како Бојан Миовски игра во својата прва сезона во шкотскиот клуб и верува дека македонскиот напаѓач ќе тресе мрежи за Абердин и во пролетниот дел од сезоната. Миовски во редовите на Абердин дојде од редовите МТК од Унгарија и на 20 натпревари постигна 12 голови.

Со оглед на формата со која настапува веќе неколку клубови покажуваа интерес за неговите услуги. Тренерот Гудвин сега пред јануарскиот преоден рок изрази надеж дека Миовски ќе остане во клубот.

„Кога го доведувавме Миовски знаевме дека е добар играч, но секогаш сме внимателни со странските фудбалери затоа што доаѓаат од различна култура и различен стил на игра.

Миовски дојде од Унгарија и одлично се прилагоди, верувам дека ќе остане со нас. Ние не сакаме да останеме без него во јануари, но за добра понуда клубот можеби ќе го пушти“, изјави Гудвин.

Трансфермаркт ги објави десетте најскапи трансфери на фудбалери до 18 години. Најскап беше трансферот на 16-годишниот бразилски напаѓач Палмеирас Ендрик во Реал Мадрид.

Шпанскиот клуб плати 72 милиони евра за 16-годишниот напаѓач. Истовремено, Ендрик ќе му се приклучи на клубот од Мадрид во јули 2024 година. Договорот меѓу играчот и Реал Мадрид е потпишан до 2027 година, ќе вклучува опција за продолжување до 2030 година. Јасно е  дека Ендрик ќе наполни 18 години во летото 2024 година, па во тој период ќе му се приклучи на Реал Мадрид.

Играчи кои направиле трансфер на неполни 18 години:

1. Ендрик (72 милиони евра, Палмеирас во Реал Мадрид)

2. Родриго (45 милиони евра, Сантос во Реал Мадрид)

3. Винисиус Јуниор (45 милиони евра, Фламенго во Реал Мадрид)

4. Фабио Силва (40 милиони евра, Порто во Вулвс)

5. Лук Шоу (37,5 милиони евра, Саутемптон во Манчестер Јунајтед)

6. Вејн Руни (37 милиони евра, Евертон во Манчестер Јунајтед)

7. Ренато Санчез (35 милиони евра, Бенфика во Баерн)

8. Алесандро Бастони (31,1 милиони евра, Аталанта во Интер)

9. Едуардо Камавинга (31 милион евра, Рен во Реал Мадрид)

10. Антонио Касано (31 милион евра, Бари во Рома)

Англискиот тим Челзи веќе ги финализирал сите документи околу трансферот на Кристофер Нкунку, пренесува италијанскиот новинар Фабрицио Романо.

Француското крило ќе се пресели на „Стемфорд Бриџ“ за 60 милиони евра, а зделката ќе стапи на сила во јуни следната година. Нкунку исто така ги помина медицинските прегледи и трансферот е одобрен од менаџерот на „сините“, Греам Потер.

Познато е дека Кристофер Нкунку беше дел од репрезентацијата на Франција за Светското првенство во Катар, но во последен момент отпадна откако заработи повреда на коленото. Се очекува тој да биде надвор од составот најмалку еден месец.

Доминик Ливаковиќ стана хит на Светското првенство во Катар со
неговите интервенции со кои ѝ помогна на својата репрезентација да
постигне добри резултати.
Англиските медиуми пишуваат дека за Ливаковиќ се заинтересирани
голем број гиганти ширум Европа. Лондонскиот гигант Челзи бара
нов голман со оглед на тоа дека Едуард Менди и Кепа Аризабалага не
се стабилни на голот на премиерлигашот. Иако за нив беа платени
вкупно над 100 милиони евра, сепак тренерот Грем Потер сака нов
голман и токму Ливаковиќ изгледа како најдобро решение во
моментов.

Гонсало Рамош е една од желбите на Манчестер јунајтед за нов
напаѓач на месото на Кристијано Роналдо, но Бенфика нема лесно да
се откаже од младиот голгетер. Гонсало Рамош е единствениот фудбалер кој забележа хет-трик на мундијалот во Катар, фудбалерот на Бенфика неочекувано доби шанса пред Кристијано Роналдо на натпреварот против Швајцарија и на укажаната доверба одговори со три гола.
Младиот напаѓач сега може да го наследи својот поискусен сонародник и на Олд Трафорд, според пишувањата на Телеграф, Гонсало Рамош е едно од имињата во бележникот на „ѓаволите“ за
засилување на офанзивната линија по разделбата со ЦР7.
Но зделката воопшто нема да биде лесна, Бенфика не сака да го загуби Гонсало Рамош во јануари, и прстот го вперува кон откупната клаузула од 120 милиони евра.
„Единствена цел е да имаме победничка сезона, па ниту еден играч нема да замине, односно може да замине само доколку некој ја плати откупната клаузула“, вели претседателот на „орлите“, Руи Кошта.

Челзи е многу блиску до ангажман на Давид Датро Фофана од Молде
во зделка вредна околу 10 милиони евра.
Челзи го договори првото засилување за зимскиот преоден рок, на
Стемфорд Бриџ пристигнува талентираниот Давид Датро Фофана, кој
често знае да биде ословен како „новиот Дрогба“.
Неколку извори пренесуват дека преговорите се во завршна фаза и
наскоро ќе пристигне официјална потврда за зделка вредна околу 10
милиони евра.
Фудбалерот од Брегот на Слоновата Коска има одлична сезона во
Молде со 21 погодок и 7 асистенции зад своето име.

Мемфис Депај најверојатно ќе ја напушти Барселона во зимскиот
преоден рок, пренесуваат каталонските медиуми. Депај и ова лето
беше на излезна врата, но сепак остана во Барселона, каде не добива
голема минутажа и е во втор план. Поради тоа сака да ја промени
средината и побарал од Барселона предвремен раскин на договорот за
да замина во јануари.
Барселона сака да го пушти во јануари и за неговата слобода бара
само два милиони евра, но ниту еден од клубовите не сака да ја плати
таа сума.
Холанѓанецот ќе биде слободен агент на крајот на сезоната, па
заинтересираните клубови бараат да го раскине договорот во јануари
и да го добијат неговиот потпис без обештетување.