Натпреварот од 5. коло од групната фаза на Лига Европа меѓу турскиот Бешикташ и Макаби Тел Авив ќе се одигра во Унгарија без навивачи поради тоа што се случи во Амстердам. Ова го објави прес-службата на Бешикташ на социјалната мрежа Х (поранешен Твитер).

Да потсетиме, навивачите на Макаби ТА беа нападнати во Амстердам по натпреварот од 3. коло од Лига Европа со Ајакс (0:5).

„Одлучено е натпреварот од Лигата на Европа на УЕФА помеѓу Бешикташ и Макаби Тел Авив да се одржи во Дебрецен, Унгарија, единствената земја која се согласи да биде домаќин како резултат на преговорите меѓу нашиот клуб и УЕФА, федерациите поврзани со УЕФА и локалните власти. Иако постигнавме договор со унгарските власти за прием на гледачи на натпреварот, неодамнешната одлука на унгарските локални власти доведе до тоа натпреварот да се игра без навивачи поради инцидентите што се случија за време на натпреварот Ајакс – Макаби Тел Авив“, се вели во соопштението на прес-службата на Бешикташ.

Францускиот тим Рен го објави назначувањето на Хорхе Сампаоли за главен тренер на клубот. 64-годишниот фудбалски стручњак потпиша договор со францускиот клуб до 2026 година.

Сампаоли претходно ја водеше репрезентацијата на Аргентина, како и клубови како Фламенго, Севиља, Марсеј, Атлетико Минеиро и Сантош.

Во моментов Рен се наоѓа на 13. место на табелата во францускиот шампионат, со 11 бодови. На последните седум натпревари во Лига 1, тимот забележа една победа, претрпе четири порази и двапати ремизираше.

Во следното коло Рен ќе се сретне со Лил. Натпреварот ќе се одигра на 24 ноември.

Кристофер Нкунку ги разгледува опциите да го напушти „Стемфорд Бриџ“ во зимскиот преоден рок. Французинот е во втор план кај Енцо Мареска, нема доволно минутажа, освен во Конференциската лига за која никој не е заинтересиран.

Интересно е тоа што Енкунку е најдобар стрелец на Челзи во сите натпреварувања, во досегашниот тек од сезоната има постигнато 10 гола, но повеќето од нив во квалификациите, а потоа и во Конференциската лига (6), два во Лига купот и само еден во Премиер лигата. .

Се споменува дури и можност да биде купен од Манчестер јунајтед, а ситуацијата внимателно ја следат и во ПСЖ, клуб со кого и претходно беше поврзуван. Се очекува ПСЖ во јануари да го напушти 90 милиони евра платениот Рандал Коло Муани.

Челзи за Нкунку издвои 60 милиони евра, но тешката повреда го спречи да се наметне.

Еден од најталентираните и најзначајните играчи на Шпанија, Ламин Јамал, ќе ги пропушти натпреварите од последните две кола во Лигата на нации против Данска и Швајцарија.

Повредата што најдобриот млад играч на светот ја доби во Белград на гостувањето кај Црвена Звезда и поради која го пропушти синоќешниот натпревар против Реал Сосиедад во Сан Себастијан е од посериозна природа. Станува збор за истегнување на десниот скочен зглоб и тој ќе биде надвор од терените две до три недели.

Ова практично значи дека тој нема да биде во составот за натпреварите од групата 4 во А дивизијата во Лигата на нации против Данска во петок и Швајцарија во понеделник.

Шпанија веќе обезбеди пласман во четвртфиналето и место во првиот шешир за мундијалските квалификации.

Македонскиот фудбалски репрезентативец, Никола Серафимов, проговори за мечевите со Летонија (четврток) и Фарски Острови (недела) во завршните две кола во Лигата на нациите.

„Ова е последен собир за годинава, мислам дека досега сè што планиравме, го остваривме, се надевам дека така ќе биде и сега . По мечот во Фарски Отрови променивме некои работи и мислам дека сме на добар пат. Нема да ги потцениме двата противника, но нашата цел е да оствариме две победи.

Фарски Острови имаат нивна игра, ја препуштаат иницијативата и опасни се од контранапади и прекини. Летонија има одлични играчи во средината на теренот и во нападот. Ние сепак играме дома и одиме на максимални шест бодови“ –

Тренерот на Манчестер јунајтед, Рубен Аморим сè уште не може да допатува во Велика Британија поради проблеми со визите.

Според „Тајмс“, процесот може да се одолговлекува уште неколку дена. Триесет и деветгодишниот Португалец требаше да се приклучи на тимот на 11 ноември.

Договорот на Аморим со Манчестер јунајтед е до јуни 2027 година, со можност за продолжување на уште една година.

Аморим го предводеше Спортинг од 2020 година. Под негово водство, тимот двапати го освои португалскиот шампионат – титулата во сезоната 2020/21 беше прва за Лавовите по 19 години. Пред Спортинг, Аморим работеше за Брага.

Фудбалскиот клуб Вардар иницира итна смена на Марјан Ристевски, комесарот за делегирање судии при Фудбалската федерација на Македонија.

Ние како клуб вината за неуспесите и поразите ја гледаме во сопствените редови, но по консултација со стручни лица, констатиравме дека во изминатите 13 кола Вардар е најоштетн во однос на судиските грешки. Оставаме органите и телата на ФФМ да си ја работат работата и да ја покажат својата стручност околу грешките и спорните моменти.

Поради ова бараме и од останатите клубови поддршка за ИТНА смена на Ристевски и воведување ВАР за следната сезона, стои во соопштението на ФК Вардар.

Од таборот на „црвено-црните“ очекуваат со евентуална промена на комесарот да се зголеми транспарентноста и одговорноста , како и модернизирање и зајакнување на судскиот систем во македонскиот фудбал.

Тренерот на Интер, Симоне Инзаги, беше разочаран по ремито во дербито со Наполи. Тој процени дека неговиот тим бил подобар.

„Ако некој требаше да победи, тоа бевме ние. Во второто полувреме доминиравме на теренот. Примивме гол од статична ситуација. Погодивме две пречки, пропуштивме и пенал, не гледам што повеќе можевме да направиме“, изјави Инзаги.

Шпанските медиуми денес објавија дека Рел Мадрид сака да го ангажира дефанзивецот Јонатан Та од Баер Леверкузен.

Корпулентниот фудбалер треба да биде замена за повредениот Милитао. На „Сантијаго Бернабеу“ го планираат и 18-годишниот Витор Реис од Палмеирас како и 21-годишниот Валентин Гомез од Велез Сарсфилд.

Фаворит останува и Лапорте и покрај неговата висока нето плата од 8 милиони евра по сезона во Ал-Насер.

Роберто Манчини и Паоло Соуса се главните кандидати да го заменат Иван Јуриќ на клупата на фудбалскиот состав Рома, наведуваат дел од медиумите.

Хрватскиот стратег заработи отказ по серијата лоши резултати а челниците на тимот експресно се обидуваат да пронајдат негова замена.

Статистиката вели дека Јуриќ е најлошиот тренер во последниве 20 години што седел на клупата на „римската волчица“ гледано според резултатите.