Арсенал и Ливерпул се заинтересирани за дефанзивецот на Баер Леверкузен, Џереми Фримпонг, пренесуваат англиските медиуми.

Фримпонг пристигна во Леверкузен од Селтик за 11 милиони евра и има договор со „фармацевтите“ до 2025 година, а се етаблираше во еден од најдобрите бекови во Бундеслигата. Премиерлигашите го следат неговите настапи и веќе ја започнаа битлата за неговиот потпис.

Фримпонг има откупна клаузула во договорот од 40 милиони евра, сума која споменатите клубови се спремни да ја платат.

Реал Мадрид сака на лето да го врати во своите редови левиот бек на Милан, Тео Хернандез, пренесуваат шпанските медиуми.

Францунот игра фантастично и се етаблираше во еден од најдобрите леви бекови во Европа, па Реал сака да си ја поправи грешката. Милан пред неколку сезони го купи за 20 милиони евра, а Реал сега е спремен да понуди 60 милиони евра плус бонуси.

Анчелоти е во потрага по квалитетен лев бек и често на таа позиција го користи Камавинга, па Хернандес е прв на листата желби.

Милан не сака да се раздели со својата ѕвезда и нема да разгледува понуди помали од 80 милиони евра.

Рафаел Варан и Касемиро не е задоволни од тоа како се одвиваат работите во Манчестер Јунајтед и се спреми да го напуштат клубот.

Двајцата не се во добри односи со тренерот Тен Хаг и жалат што го напуштија Реал Мадрид. 31-годишниот играч за врска пристигна во Манчестер во летото 2022 година за сума од 70 милиони евра, но никогаш не пружи игри како тие во Мадрид.

Варан оваа сезона е подолго време надвор од терените, па и Јунајтед им ја отвори излезната врата на двајцата.

Клубовите од Саудиска Арабија покажуваат најсилен интерес и се спремни да испратат понуда во јануари.

Бојан Миовски во јануарскиот преоден рок би можел да се пресели во
Селтик, тренерот Брендан Роџерс го посетил македонскиот голгетер
како најголема желба.

Сезонава Миовски игра во одлична форма во дресот на Абердин, а
раководството на шкотскиот гигант било импресионирано од
Миовски по ланската дебитантска сезона во која во првенството на
Шкотска постигна 18 гола. Скаути на Селтик скоро на секој натпревар
го следеле Миовски и извештаите за него биле позитивни.
Абердин не сака да се раздели од својот најдобар стрелец, меѓутоа со
висока понуда ситуацијата би се променила. Шкотските медиуми
најавуваат дека трансферот би бил најскапиот во историјата помеѓу
два шкотски клуба.
Рекордот во овој момент го држи трансферот на Скот Браун за кого
Селтик во 2007 година плати 4.4 милиони фунти. Ќе потсетиме,
Абердин за Миовски плати 650.000 фунти.

Катарскиот шеик Јасим Бин Хамад Ал Тани и дефинитивно се откажа
од купување на Манчестер Јунајтед и сега може да се насочи кон
кушување на клуб во Италија.
Ал Тани се обидуваше да го купи Манчестер Јунајтед од семејството
Глејзер и понуди 5,5 милијарди фунти, но не успеа во намерата.
Актуелните сопственици на Интер и натаму имаат голем долг кон
фондот „Оуктри“, па се спремни да го продадат клубот.
Катарците не се откажуваат од намерата да инвестираат во европски
фудбалски гигант и се спремни да понудат 1,2 милијарди евра за
комплетно купување на миланскиот гигант.

Арсенал сака додатно да го засили тимот во зимскиот предоден рок, а
приоритет за тренерот Артета е квалитетен играч за врска.
Англиските медиуми пренесуваат дека најголема желба на „топџиите“ е Мартин Зубименди од Реал Сосиедад. Арсенал сака да создаде моќен среден ред со Деклан Рајс и Зубименди, кои би биле од големо значење и за иднината на тимот.
Зубименди е голема желба на Барселона и Манчестер Јунајтед, но
Арсенал е спремен да ја победи конкуренцијата и работи на
трансферот.
Реал Сосиедад досега одбиваше понуди за 24-годишниот фудбалер, но
Арсенал сега е спремен да понуди 60 милиони евра.

Манчестер Јунајтед е силно заинтерсиран за ѕвездата на Борусија Дортмунд, Донел Мален на крајот на сезоната.

24-годишниот фудбалер игра одлична сезона во Дортмунд и го привлече вниманието на многу европски гиганти. Манчестер Јунајтед веќе подолго време го следи Холанѓанецот и во него гледа идеална замена за Санчо.

Мален веќе се етаблираше како одличен фудбалер и е спремен да се пресели во Премиер лигата.

Барселона во последниот ден од преодниот рок успеа да го доведе Фоао Феликс од Атлетико Мадрид на едногодишна позајмица.

Феликс одлично се вклопи во тимот на Каталонците и Чави сака да го задржи во тимот и за следните сезони. 

Барселона ќе се обиде да го откупи, но нема немара да ја плати сумата која ја бара Атлетико Мадрид за Португалецот.

Каталонците се спремни да платат „само“ 25 милиони евра, или да договорат уште една позајмица до јуни 2025 година.

Менаџерот на Арсенал, Микел Артета, нема да може да го води тимот на следната средба од Премиер лигата. Шпанскиот стручњак кој лудо го прослави голот на Деклан Рајс во 97. минута од натпреварот против Лутон, кој Арсенал го доби со 4-3 и влета на теренот, доби жолт картон од судијата Сем Барот.

Бидејќи ова е трет жолт картон за Артета оваа сезона, тој автоматски ќе биде суспендиран. Во сабота, Арсенал ќе гостува кај Астон Вила, а на клупата ќе биде само неговиот асистент.

Голманот на белгиската фудбалска селекција, Тибо Куртоа го известил клубот дека нема да оди на Европското првенство во 2024 година.

Голманот моментално е на рехабилитација по тешката повреда на коленото, која ја доби во август. Тој нема да може да игра до мај 2024 година, непосредно пред почетокот на Европското првенство. Прашање беше дали дотогаш ќе биде 100 отсто фит, па затоа и самиот одлучил да не ризикува со предвремено враќање на голот.

Тој наводно го информирал својот клуб за ова прашање во последните месеци. Според „Радио Марка“, тој сака да го искористи целиот летен одмор за да ја продолжи рехабилитацијата.