Микел Артета, потврди дека првотимците Букајо Сака и Даклан Рајс се повредени.

„Не ми изгледа добро. Двајцата ми кажаа дека не можат да продолжат и тоа очигледно не се добри вести“, изјави Артета со потврда дека Сака и Рајс ќе продолжат со терапија во Лондон.

„Топчиите“ по кратката пауза поради настапите на репрезентациите ќе треба да играат со Нотингем Форест , Спортинг Лисабон (ЛШ), Вест Хем и Манчестер Јунајтед.

Иван Јуриќ повеќе не е тренер на Рома, објавено е на официјалниот сајт на римскиот клуб.

49-годишниот фудбалски стручњак ја презеде екипата на Рома во септември. Под негово водство тимот одигра 12 натпревари, од кои четири победи, три пати одигра нерешени и пет пати загуби.

Рома денес загуби од Болоња (2-3) во натпреварот од 12. коло во Серија А.

Италијанскиот калчолигаш Лече одлучи да се раздели со тренерот Лука Готи. Клубот објави дека ја раскинува соработката со стратегот кој дојде во март на клупата на Лече. минатата сезона успеа да избори опстанок со клубот, но во новата на тимот не му оди најдобро.

„Лече известува дека господинот Лука Готи е разрешен од должноста тренер на првиот тим. Му благодариме за работата, професионализмот и посветеноста која ја покажа и му посакуваме сè најдобро во иднина“, објави клубот.

Лече по 12 кола во Серија А освои само девет бода и се наоѓа на 18. позиција на табелата.

Навивачите на Реал Мадрид го повикуваат 38-годишниот поранешен централен бек на оваа екипа, Серхио Рамос да се врати во клубот поради тешката повреда на Едер Милитао поради која ќе го пропушти остатокот од сезоната.

Во моментов шпанскиот фудбалер е без клуб.

Навивачите на Реал Мадрид почнаа да го повикуваат Рамос да се врати во клубот откако тој сподели видео на кое тренира, на кое се гледа дека 38-годишниот играч е во добра физичка форма.

Рамос играше за Реал Мадрид од 2005 до 2021 година. Во овој период учествувал на 671 натпревар на сите турнири каде постигнал 101 гол и 40 асистенции.

Леон Горецка изминатите години беше еден од најважните фудбалери на Баерн Минхен, но неговата позиција во тимот се промени.

Горецка има договор до 2026 година и од „Алијанц Арена“ се спремни на лето да го продадат Германецот.

Најсилен интерес за Германецот покажува Манчестер Јунајтед кој веќе стапил во контакт со неговиот агент.

„Црвените ѓаволи“ се во потрага по квалитетен играч за врска, а Аморим е голем симпатизер на Горецка.

Реал Мадрид покажува сериозен интерес за плејмејкерот на Милан и холандски репрезентативец Тижани Рејндерс.

Рејндерс игра фантастично во дресот на Милан и се промовираше во лидер на холандската репрезентација, па го привлече вниманието на многу европски гиганти.

Милан не сака да се откаже од својата ѕвезда и наскоро ќе почне преговори за продолжување на соработката.

Реал Мадрид е во потрага по квалитетен играч за врска кој ќе го замени Чуамени, па го посочил Рејндерс како примарна трансфер цел и е спремен да плати 50 милиони евра.

Иван Јуриќ е пред отказ во Рома, а сега изненади со неговиот потег пред утрешниот натпревар.

Имено, Аргентинецот Паоло Дибала не доби повик за натпреварот со Болоња. На прес-конференцијата како објаснување Јуриќ изјави дека Дибала се соочил со мал физички проблем, но во Италија веруваат дека тоа е само оправдување.

Италијанските медиуми пренесуваат дека Дибала бил шокиран од ваквата одлука бидејќи се чувствувал подготвен да игра, но по одлуката на Јуриќ нема да биде ниту на клупата.

Од почетокот на сезоната Дибала е еден од најважните во Рома, а во летото одби и богата понуда од Саудиска Арабија за да остане во Рим.

Манчестер Сити вчера го претрпе четвртиот пораз по ред, откако загуби од Брајтон на гости со 2-1 во натпревар од 11. коло на Премиер – лига. За Сити ова е првпат од август 2006 година да доживее четири последовлни порази, додека за менаџерот Пеп Гвардиола ова е првпат во неговата кариера да загуби четири натпревари по ред.

Иако Гвардиола и порано се соочувал со поголеми заостанувања кои успевал да ги надомести, англиските медиуми ја истакнуваат неговата изјава по натпреварот и се прашуваат дали е завршена доминацијата на Манчестер Сити во Премиер – лигата.

„Откако освоивме шест титули во Премиер лигата за седум години, можеби е време шампионот да биде некој друг. За сè постои прв пат. Натпреварите се губат. Ова е мојот предизвик, а јас ги сакам предизвиците и нема да отстапам. Ова го сакам повеќе од кога било“, истакна менаџерот на Манчестер Сити.

Атланта во третиот натпревар од осминафиналето на плејофот на МЛС го совлада Интер Мајами на гости со 3-2.

Кај гостите двоен стрелец беше Џамал ​​Тјаре, уште еден гол постигна Бартош Слиш. Матијас Ројас и Лионел Меси погодија за домаќините.

Атланта ја доби серијата со 2-1 во победи и се пласираше во четвртфиналето од плејофот на МЛС, каде ќе ги одмери силите со Орландо Сити.

Ливерпул планира да потроши сериозна сума на пари за една од своите трансфер цели. Станува збор за голгетерот на Ајнтрахт Франкфурт, Омар Мармуш.

„Црвените“ сакаат да го имаат офанзивниот фудбалер во својот состав уште во јануари, а во Англија тврдат дека клубот од „Енфилд“ е подготвен да понуди 60 милиони фунти за египетскиот интернационалец.

Многумина потегот на Ливерпул го протолкуваа како обид да се најде замена за Мохамед Салах, чиј договор истекува на крајот од сезоната и во моментов нема индикации дека ќе биде обновен.

Мармуш има импресивна сезона во Бундеслигата, а напаѓачот постигна 13 гола на 15 натпревари од почетокот на сезоната.

Египќанецот може да игра и како централен напаѓач и на десното крило на нападот, што би било одлична опција за тренерот на „црвените“, Арне Слот.