Фудбалскиот натпревар меѓу Франција и Израел, закажан за 14 ноември на стадионот „Стад д Франс“ во Париз, нема да биде преместен на друга локација.

Ова го најави министерот за внатрешни работи, како одговор на можните инциденти меѓу пропалестинските и израелските навивачи.

„Некои бараат да се помести натпреварот Франција-Израел. Не го прифаќам тоа, Франција не се откажува бидејќи тоа би значело абдицирање пред заканите за насилство и антисемитизам“, напиша францускиот министер за внатрешни работи Бруно Ретаљо. на социјалната мрежа „Х“.

Синоќа во Амстердам се судрија навивачите на фудбалскиот клуб Макаби од Тел Авив и пропалестинските демонстранти, а според локалната полиција биле уапсени 62 лица, додека пет лица се пренесени во болница.

Ретаљо додаде дека на негово барање, префектот на париската полиција Лоран Нуњез „ги прави сите неопходни безбедносни процедури за овој натпревар да се одржи на стадионот „Франција“ како што е планирано“.

Фудбалерите на Франција и Израел ќе се сретнат на 14 ноември во натпреварот од петтото коло од А2 групата од Лигата на нации. Франција моментално е втора во групата со девет бодови, додека Израел е се уште без бодови и го зазема последното четврто место.

Фудбалерот на Манчестер сити, Родри, ја освои „Златната топка“ со 41 глас повеќе од второпласираниот играч на Реал Мадрид, Винисиус Жуниор, објави Фабрицио Романо.

Доделувањето на овогодинешната „Златна топка“, која се доделува на најдобриот играч од претходната сезона, се одржа на 28 октомври во Париз, а точниот број на гласови кои ги освоил секој играч не беше веднаш достапен.

Ниту еден претставник на Реал Мадрид не присуствуваше на церемонијата, бидејќи однапред знаеја дека Винисиус Жуниор нема да ја добие наградата. Реал сметаше дека организаторите на наградата покажале непочитување кон тој клуб.

Баерн му испрати последна понуда на 24-годишниот лев бек Алфонсо Дејвис за продолжување на неговиот договор кој завршува следното лето, објави „Билд“.

Според изворот, клубот од Минхен ги подобрил условите за канадскиот фудбалер, но не сака да ја дестабилизира ситуацијата во тимот. Сепак, поверојатно е Дејвис да го напушти Баерн во летото 2025 година.

Се нагласува дека Манчестер Јунајтед е подготвен да му понуди на 24-годишниот играч плата од 15 милиони евра по сезона, како и бонус за потпис од 10 милиони евра. Реал Мадрид е подготвен да му понуди на Дејвис уште подобри услови.

Оваа сезона, дефанзивецот учествуваше на 14 натпревари на сите турнири, на кои постигна три асистенции. Според информациите објавени на порталот Трансфермаркт, пазарната вредност на фудбалерот е 50 милиони евра.

Арне Слот не е изненаден од добриот старт во новата сезона и истакнува дека бил многу свесен за силата на тимот што го наследил од Јирген Клоп.

Од 16 одиграни натпревари, Ливерпул победи на 14, има едно реми и еден пораз. На „Енфилд“ се надеваат дека и по саботниот дуел со Астон Вила ќе останат на врвот на табелата во Премиер лигата.

„Не можам да кажам дека сум изненаден, тоа не е добар збор, бидејќи ја знаев силата на овој тим уште пред да дојдам. Но, квалитетот е едно, конзистентноста е сосема друго“, изјави Слот на прес-конференцијата во петокот.

„Понекогаш ви треба и малку среќа. Поголемиот дел од резултатите сезонава беа заслужени, но некои можеа да имаат и поинаков исход. Кога почнав да работам со тимот, видов колку труд вложуваат за да ги постигнат овие резултати“, додаде Холанѓанецот.

Слот потврди и дека се уште не може да смета на Диого Жота кого не го очекува на теренот пред крајот на ноември. Жота се повреди на 20 октомври на дуелот со Челзи. Сепак, тој не сакаше да објасни за што се работи:

„Тој ќе се врати на првиот или вториот натпревар по репрезентативната пауза. Тоа е приватна работа“.

Ливерпул во сабота од 21:00 часот ја пречекува Астон Вила.

Фудбалската федерација на Македонија ја информираше јавност дека од понеделник, 11 ноември започнува продажбата на билети за натпреварите на Македонија со Летонија и Фарски Острови во рамки од последната фаза од групите во Лигата на нации.

Цената на билетите за натпревар изнесува од 200 и 400 денари, во зависност од секторот. На јужна и северна трибина цената ќе биде по 400 денари, додека на запад и исток по 200 денари.

Продажбата на билети за натпреварите Македонија – Летонија и Македонија – Фарски Острови ќе се организира преку продажната мрежа на MKTickets. 

Прв гостин на Градски ќе биде селекцијата на Летонија (14 ноември, 20:45), а три дена подоцна ни гостуваат фудбалерите на Фарски Острови (17 ноември, 15:00 часот).

Фудбалерите на Манчестер Јунајтед сакаат привремениот тренер Руд ван Нистелрој да остане во тимот по доаѓањето на новиот менаџер Рубен Аморим, потврди голманот Андре Онана.

Холанѓанецот го презеде местот на отпуштениот Ерик тен Хаг и ги предводеше „црвените ѓаволи“ до победа од 2-0 над грчки ПАОК во Лига Европа во четвртокот.

Ван Нистелрој, поранешен напаѓач на Манчестер Јунајтед, викендов ќе ги предводи „црвените ѓаволи“ против Лестер Сити пред да му ја предаде менаџерската функција на Аморим.

Запрашан од „ТНТ Спортс“ дали играчите на Јунајтед сакаат да продолжат да работат со Ван Нистелрој, Онана рече: „100%. Тој е многу пријатен човек и многу добар тренер. Неговото искуство ни помага и ние сме среќни под негово раководство. Тоа не е нешто за што ние решаваме, тоа е она што ќе го направи менаџментот, а ние само треба да го прифатиме тоа“.

Заврши сезоната за Мауро Икарди. Аргентинецот поради повреда ќе отсуствува од терените најмалку до крајот на сезоната.

Напаѓачот на Галатасарај се повреди на натпреварот од Лигата на Европа против Тотенхем синоќа, а по прегледите е констатирано кинење на вкрстените лигаменти на десното колено, како и оштетување на менискусот.

Оваа сезона тој постигна 4 гола на 7 натпревари во турскиот шампионат.

Поранешниот предводник на Монако, Леонардо Жардим, ќе биде нов тренер на Ал Аин од Обединетите Арапски Емирати, објави денеска италијанскиот новинар Фабрицио Романо.

Жардим на клупата на Ал Аин ќе седне на место на Ернан Креспо, кому во средата клубот од Абу Даби му го раскина договорот. Според информациите, Жардим ќе потпише договор до јуни 2025 година.

Поранешниот аргентински репрезентативец Креспо, беше отпуштен по поразот саудиски Ал Наср од 5-1 во последното коло од азиската Лига на шампиони, што беше четврти последователен натпревар во кој неговата екипа не успеа да забележи победа

Професионалната фудбалска дисциплинска комисија на Турската фудбалска федерација (ТФФ) го суспендираше тренерот на Фенербахче, Жозе Мурињо на еден натпревар. Тој е казнет и со приближно 2.600 евра.

Мурињо во изјава за телевизијата „Беин спортс“ ги критикуваше судијата Огужан Чакир и ВАР судијата – Атила Караоглан.

„Ги обвинувам луѓето од Фенербахче кои ме доведоа овде. Ми кажаа само половина вистина. Не ми ја кажаа целата вистина бидејќи да ми ја кажеа целата вистина немаше да дојдам. Но, со половина вистина и моите момци се бориме против противникот и системот. Тој (Караоглан) беше подготвен да досуди два пенали кои судијата не ги досуди, а потоа пиеше турски чај кога беше чист пенал за нас, а тој не го досуди“, изјави Португалецот по дуелот со Трабзонспор.

Фенер моментално е на третото место во турската прва лига со пет бода помалку од лидерот Галатасарај.

Австрискиот дефанзивец Давид Алаба се врати на тренинзите со топка и влезе во нова фаза на опоравување, речиси 11 месеци откако ги скина вкрстените лигаменти на коленото во декември минатата година.

Целосното закрепнување се уште се очекува да биде за неколку недели и може да се очекува тој да се врати на терените до стартот на 2025 година. Враќањето на играчот на теренот треба да биде постепено, како што секогаш се препорачува по такви повреди, а исто така земајќи ги предвид компликациите што ги претрпе Алаба.

32-годишниот фудбалер имаше две операции на коленото.