Фудбалот е спорт кој секогаш обединува и носи насмевки на лицата на огромен број фанови ширум светот, па дури и во моменти на голема тага поради трагедијата која се случи во Кочани, легендите на Македонија и Бугарија (шампионскиот тим од СП во 1994. година) покажаа дека спортот знае да преовлада и за хуманитарни цели.

Натпреварот кој беше од хуманитарен карактер се одигра ова попладне во Варна, а легендарните играчи на двете земји се погрижија за извонредна фудбалска претстава во која видовме пет погодоци.

Христо Стоичков како капитен на домашниот тим доби дрес од македонската фудбалска репрезентација пред стартот на натпреварот, а потоа доби и громогласни аплаузи од публиката кога излезе од игра во 8-та минута.

Во услови на фудбалска ревија, резултатот беше во втор план, но сепак вреди да се одбележи дека избраниците на Ѓоко Хаџиевски кој денеска беше селелктор, на крајот извојуваа победа од 2-3.

Божинов, Пандев и Тасевски беа стрелци на погодоците за нашиот тим, додека Бугарија во два наврати израмнуваше на 1-1 и 2-2 преку Камбуров и Михтарски.

Собирот на легендите и на сите присутни фудбалски навивачи во Варна беше организиран со една јасна цел, а тоа е да се соберат финансиски средства за семејствата кои ги загубија најблиските во трагедијата во Кочани.

Лидерот Шкендија и второпласираниот Силекс не ја искористија предноста од домашниот терен и освоија по бод во денешното 29. коло во Првата македонска фудбалска лига (ПМФЛ), во рамки на кое не се доигра дуелот меѓу Гостивар и Работнички, откако домашниот тим го напушти теренот.

ПМФЛ: 29 коло

Шкендија – Шкупи 3-3

Пелистер – Тиквеш 1-0

Силекс – Струга 0-0

Гостивар – Работнички 1-2 (прекинат натпревар)

Вардар – Беса 3-1 (одиграно в сабота)

Табела: Шкендија 63, Силекс 59, Работнички 52 (-1), Гостивар 48 (-1), Струга 47, Вардар 35, Шкупи 34, Пелистер 32, Брера 27 (-1), Тиквеш 26, Беса 24, Воска 13 (-1).

Минатата недела топ-тема беше повлекувањето на Воска Спорт на мечот со Вардар, а сега во 29. коло на ПМФЛ дојде до слична ситуација.

Имено, во 85. минута од натпреварот при негатива од 1-2 екипата на Гостивар се повлече во дуелот со Работнички. Овој тим со турска сопственичка структура во текот на неделата имаше жалби за дуелот со Струга минатиот викенд. Сега и на овој натпревар против Работнички веројатно одредени ситуации ги налутија гостиварци.

Пред повлекувањето на теренот дојде дури и газдата Енес Уста кој поразговара со судиите, а потоа ги „собра“ играчитет.

Играчите и тренерскиот тим се повлекоа во соблекувалните, а противничките фудбалери и судиите останаа на теренот.

Интер загуби од Рома со 0-1 во 34. коло од Серија А на „Џузепе Меаца“ и со тоа му ја отстапи пол-позицијата на Наполи во борбата за титулата.

Избраниците на Симоне Инзаги одиграа лош натпревар и кон средината на следната недела ќе се борат за финалето во Лигата на шампионите против Барселона.

Во првото полувреме потценување е да се каже дека Рома беше подобриот противник. Сосема заслужено „Вучица“ поведе во 22. минута откако одбраната на „нероазурите“ беше летаргична. Шомуродов му додаде на Суле кој го провери Зомер.

Фудбалерите на Манчестер сити вечерва се пласираа во финалето на ФА Купот откако на „Вембли“ го совладаа Нотингем Форест со 2-0.

Лошата сезона на Сити сепак би можела да заврши со барем еден освоен трофеј, бидејќи момците на Пеп Гвардиола ја оправдаа својата улога на фаворити против „шумарите“ кои 34 години чекаат на трофеј во англискиот фудбал.

„Граѓаните“ го започнаа натпреварот на идеален начин со оглед на тоа што поведоа во втората минута, убава тимска акција по додавањето од Ковачиќ ја круниса Рико Луис.

Второто полувреме започна со непрецизен шут на Еланга, веднаш потоа се истакна голманот на Нотингем, Силс, кој успеа да го одбрани ударот на Луис, а Белгиецот повторно забележа одбрана по ударот на Ковачиќ.

Сепак, Нотингем не беше во можност да го запре налетот на Сити, кој во 51. минута ја зголеми предноста преку Јошко Гвардиол.

Сити 14.пат ќе игра во финалето и ќе се обиде да го освои осмиот трофеј во ФА купот. Во финалето противник на „граѓаните“ ќе им биде Кристал Палас.

Ракометниот клуб Вардар е на пат да договори уште едно засилување, овојпат за бековската линија. Станува збор за словенечкиот ракометар од редовите на Слован Љубљана, Јака Малус.

28-годишникот зад себе има и бундеслигашко искуство, а во редовите на тимот на Урош Зорман има централна улога и е меѓу лидерите на тимот.

Според информациите од словенечките медиуми, Вардар е пред потпис со Малус и останува да се договорат само детали за овој трансфер да се реализира.

Во својата кариера освен за Слован средниот бек Малус играше и во Лигата на шампионите за матичниот Целје и белоруски Мешков Брест, додека настапуваше уште за шпански Синфин и бундеслигашот Гепингем.

Малус би бил петто засилување на „црвено-црните“ за следната сезона, откако тимот досега ги примовира Виктор Јанковски, Милош Валах, Марек Марчињак и Мамаду Кеита.

Сезоната полека се ближи кон крај, а Манчестер Јунајтед ја игра една од најтешките во Премиер лигата. Сепак, за конечна оценка ќе се чека исходот во Лига Европа, каде „црвените ѓаволи“ сè уште се во игра за трофеј.

На Олд Трафорд веќе се планираат крупни промени, а тренерот Рубен Аморим првпат ќе има шанса сам да го скрои тимот за новата сезона. Летниот преоден рок ќе биде исклучително важен за иднината на клубот.

„Многу фудбалери сакаат да играат за овој клуб. Тоа е мојот впечаток. Сепак, ова е Манчестер Јунајтед – сите сакаат да бидат дел од овој клуб“, изјави Рубен Аморим.

Дали навистина е така ќе се види летово, а многу ќе зависи и од тоа дали Јунајтед ќе успее да ја освои Лига Европа и да обезбеди место во Лигата на шампионите – што би го направило клубот уште попривлечен за потенцијалните засилувања.

Фудбалерите на Вараждин забележаа победа над Локомотива Загреб од 2-1 во 32. коло на ХНЛ.

Оваа победа беше инспирирана и осигурана од страна на македонскиот репрезентативец Димитар Митровски. Крилниот фудбалер беше двоен стрелец за својата екипа и донесе пресврт-победа и три бода.

Локомотива успеа да поведе по половина час игра по голот од пенал на Мудражија. Овој резултат беше активен точно половина час, а тогаш Митровски ја изведе првата мајсторија. Македонецот стрела директно од слободен удар со помош на стативата (1-1).

Потоа течеше 83. минута кога Митровски доби проигрување од Маглица, одлично се снајде и со движењето се ослободи од чуварите, па убаво погоди за пресврт (2-1).

Фудбалерите на Барселона го освоија трофејот во Купот на Кралот, откако во финалето во Севилја го победија Реал Мадрид со резултат од 3-2 (1-0).

Барселона со тоа го освои вториот трофеј во сезоната, откако во јануари го победи Реал Мадрид со 5-2 во финалето на шпанскиот Суперкуп.

Претходно, во првиот дел од сезоната, тие го победија својот најголем ривал на „Сантијаго Бернабеу“ со 4-0.

Хројот на Барселона е Жил Кунде кој го постигна голот за победа во 116.минута.

Лука Модриќ испрати лошо додавање до Брахим Диас, Кунде ја пресече топката,шутираше на прва и го постави конечниот резултат.

Шампионската трка во шкотското фудбалско првенство денеска официјално заврши, откако Селтик извојува гостинска победа од 5-0 над Данди јунјатед и стекна недостижна предност пред второпласираниот Глазгов.

Селтик има 84 бодови, 18 повеќе и натпревар повеќе од второпласираниот Глазгов Ренџерс.

За Селтик ова е 55 шампионска титула во историјата, а четврта во серија.

На денешниот дуел во составот на Данди јунајтед во завршните 30 минути се најдоа македонските репрезентативци Давид Бабунски и Кристијан Трапановски