Младата репрезентација на Македонија до 15 години денес на тренинг центарот „Петар Милошевски” во Скопје, го одигра првиот од двата контролни натпревари против соодветната селекција на Србија.

Во еден возбудлив, интересен и отворен натпревар со многу голови, противникот успеа да забележи победа со 2-4. Репрезентацијата на Србија фуриозно го отвори натпреварот и по првите 25 минути имаше убедлива предност од 0-3. Данило во втората минута од пенал го доведe противникот во предност од 0-1. Во 16. минута истиот играч постигнува нов погодок. Во 25. минута Кикиќ се запишува во листа на стрелците за убедливо водство на Србија од 0-3.

Нашите млади фудбалери по почетниот шок успеаа да ги консолидираат своите редови и во продолжението од првиот дел успеаа во краток рок од три минути да постигнат два погодоци со што ја вратија незивесноста на овој натпревар. Најпрво Спировски во 28. минута ја намали предноста, а во 31. минута и Ристиќ погоди за намалување на резултатот на 2-3.

Во продолжението од средбата, Македонија се обидуваше да го израмни резултатот, но не успеаа да постигне уште еден гол во противничката мрежа. Србија преку Исаков во 90. минута ги постави конечните 2-4.

Тренерот на Баер Леверкузен, Чаби Алонсо ги сподели своите очекувања за натпреварот од Лигата на шампионите против Ливерпул.

„Убаво е што се враќам овде неколку години подоцна. Забележливо е дека клубот се развива, новата трибина изгледа неверојатно. Ни претстои голем натпревар против Ливерпул. Ова е еден од најдобрите тимови во Европа во моментов, имаат одлични играчи, одличен тренер. Со нетрпение го очекуваме овој предизвик и ќе видиме што ќе излезе од него“, изјави Алонсо.

Натпреварот меѓу Ливерпул и Баер Леверкузен ќе се одигра вечер со почеток во 21:00 часот.

Ливерпул по три кола во Лигата на шампионите е втор со максимални девет бодови, Баер е на шестото место со седум освоени бода./

Играчот од средниот ред на Јувентус, Даглас Луиз се врати во тимот за натпреварот од Лигата на шампионите против францускиот Лил.

Четворица фудбалери на Јувентус ќе го пропуштат претстојниот меч, тоа се суспендираниот Данило и повредените Аркадиуш Милик, Глеисон Бремер и Нико Гонзалез.

Франциско Консеисао се очекува да се врати во стартните единаесет против Лил. Прашање е дали Кенан Јилдиз или Тимоти Веа ќе бидат исто така стартери.

Ендрик, бразилскиот вундеркинд, летово кога го прослави својот 18-ти роденден потпиша за Реал Мадрид.

Во досегашниот тек од сезоната не доби многу шанси да се наметна. Одигра само 67 минути во Лигата на шампионите и 40 минути во Ла Лига.

Карло Анчелоти не се сомнева во неговиот квалитет, но смета дека клубот треба да биде внимател со тинејџерот, кој неодамна стапи во брак.

Клубот ја планира иднината со Ендрик, а сметаат дека најдобро за него во овој момент е да замине на позајмица. Според медиумите во Мадрид, клубот му нуди можност во јануари да се пресели на позајмица во Тотенхем или Јувентус.

Навивачката група на Вардар „Комити“, се огласи на социјалните мрежи по повод одлуката Гоце Седлоски да биде новиот тренер на најтрофејниот македонски клуб.

Ставот на „Комити“ е дека „Гоце Седловски не смее и нема да биде тренер на ФК Вардар!“.

„СЕДЛО – МРШ ОД ВАРДАР!

Гоце Седловски не смее и нема да биде тренер на ФК Вардар!

Човечкиот отпад кој уживаше во друштвото на убијците на нашиот брат Саздо, кој со огромно задоволство се радуваше на поразите на ФК Вардар и кој беше избркан од клубот во 2017 година поради сомнително работење, по кое е општо познат во јавноста, не заслужува да седне на црвено-црната клупа!

Во сабота или седни на клупата на Слога Југомагнат, онаму каде што природно припаѓаш или воопшто не доаѓај. Вардар и Градскиот стадион во Скопје, за тебе веќе не постојат. Никогаш нема да ти биде простено!

Воедно ги повикуваме сите навивачи на клубот, сите оние кои беа во неделата во Битола, на баражите во Струмица и Кавадарци, но и на скалите пред стадионот, кога се испаѓаше, кога се боревме сами против сите, дур вакви гниди мирно си уживаа во своите провизиски комбинации и хоштаплерски зделки!

Инаку Седлоски беше во Вардар во периодот од 2015 до 2017 година, дојде на местото на Срѓан Захариески.

Навивачка група Комити

Фудбалската федерација на Македонија со свои претставници учествуваше на годишната работилница за клупско лиценцирање во Белград организирана од УЕФА.

Системите за лиценцирање клубови и финансиска одржливост се еден од важните сегменти во европскиот фудбал. Нивната цел е дополнително да го промовираат и континуирано да го подигаат стандардот на фудбалот, не само од аспект на играта. Исто така, битна е заштитата и долгорочната одржливост на клупскиот фудбал во машка и женска конкуренција.

Како дел од тековната поддршка на УЕФА за имплементација на лиценцирање на клубови и финансиска одржливост, оваа година, годишната конференција на УЕФА за лиценцирање клубови и финансиска одржливост се одржа во Белград.

На настанот присуствуваа даватели на лиценца од сите 55. национални асоцијации и други фудбалски соработници. Годишната конференција е одлична платформа за размена на искуства и дискусија, адресирајќи ги најновите промени во регулаторната рамка, обезбедувајќи ажурирања на системот и нудејќи можност за споделување на најдобрите практики и информации поврзани со европскиот клупски фудбал.

Како дел од темите кои се дискутираа беа: финансиска одржливост, клупски мониторинг, женски фудбал, таленти и натпреварувања, комуникации, солидарна шема за клубови кои не се дел од натпреварувањата, социјална одговорност и одржливост.

Фудбалската федерација на Македонија на годишната конференција на УЕФА беше претставувана од Горанчо Костовски – лиценцен менаџер, Александра Ѓурчиновска – заменик лиценцен менаџер, Александар Спасовски – експерт по финансиски критериуми и Александар Најдовски – претседател на Комисија за лиценцирање.

Потпретседателот на Фудбалската федерација на Ерменија, Армен Никхосјан, изјави дека легендата на Реал Мадрид, Раул Гонзалез, може да седне на кормилото на репрезентацијата.

Поранешниот фудбалер од Шпанија е опција да го замени Александар Петраков, кој беше отпуштен во октомври. Во исто време и екипата на Шалке 04 за која на времето играше Раул, сака да го ангажира за нов тренер .

47-годишниот поранешен напаѓач сега работи со вториот состав на Реал Мадрид но, има желба да ја промени средината.

Фудбалерот на Ал-Итихад, Карим Безема го сподели своето мислење за притисокот врз напаѓачот на Реал Мадрид, Килијан Мбапе.

„Мбапе знае дека има голем притисок во Реал Мадрид, таму те убиваат ако одиграш 2-3 натпревари без постигнат гол. При тоа, можете да ја освоите Златната топка, а потоа да не постигнете гол на три натпревари“, рече Бензема.

Оваа сезона Мбапе на 14 натпревари во сите натпреварувања постигна осум гола и две асистенции. Последен пат 25-годишниот Французин погоди на гостувањето во Ла Лига со Селта Виго (2:1) на 19 октомври.

Мбапе веќе изложен на критики, како од медиумите, така и од стручниот штаб на „Кралскиот клуб“.

Милан покажува голем интерес за ѕвездата на Торино, Самуеле Ричи, објавува „Газета дело Спорт“.

23-годишниот Ричи игра одлично и се наметна како еден од најдобрите играчи од средниот ред во Серија А, привлекувајќи внимание од многу европски гиганти.

Тој веќе го доби прекарот „новиот Пирло“, а неговата цена моментално се движи меѓу 40 и 50 милиони евра.

Милан бара квалитетен играч од средниот ред и го идентификуваше Ричи како главна трансферна цел, но ќе треба да ја надмине сериозната конкуренција за неговиот потпис. За него се заинтересирани и Интер, ПСЖ, Манчестер Сити и Барселона.

Нејмар повторно ќе мора да паузира поради повреда. Тој неодамна се врати на терените по едногодишна пауза, но се чини дека повторно се повреди на вечерашниот меч меѓу Ал-Хилал и Естехал (3-0) во азиската Лига на шампиони.

Нејмар влезе во игра во 58. минута на местото на Ал Хамдан, но мораше принудно да ја напушти играта неколку минути пред крајот на натпреварот. Најверојатно се работи за повреда на бутниот мускул.

Србинот Александар Митровиќ беше стрелец на хет-трик за Ал-Хилал на овој натпревар.