Дисциплинската комисија на УЕФА воведе санкции за фудбалските федерации на Србија, Унгарија, Грузија и Босна и Херцеговина поради прекршоци од навивачите за време на натпреварите од Лигата на нации.

УЕФА ја казни Србија со вкупно 52,5 илјади евра поради расистичко и дискриминирачко однесување на навивачите и непочитување при изведувањето на националните химни на натпреварот против Швајцарија на 12 октомври, освоен од Србите со 2-0.

Исто така, српската репрезентација може да биде казнета со еден домашен натпревар со делумно затворени трибини во случај на повторени прекршоци во следните две години.

Санкции за расистичко однесување на гледачите доби Фудбалскиот сојуз на Босна и Херцеговина (29,25 илјади евра) и Унгарската фудбалска федерација (34,5 илјади евра). Навивачите на тимовите, исто така, фрлаа предмети на теренот и користеа факели на натпреварот од Лигата на нации помеѓу двата тима на 14 октомври во Зеница, кој заврши со 2-0 за Унгарија.

УЕФА ја казни Грузиската фудбалска федерација со 56.000 евра поради блокирање премини на стадионите, употреба на ласери и пиротехнички средства од навивачите за време на мечот со Албанија (0-1).

Фудбалскиот сојуз на Естонија мора да плати 10.000 евра за расистичко и дискриминирачко однесување на навивачите на натпреварот против Шведска (0-3).

Шпанскиот прволигаш Атлетико Мадрид доживотно суспендираше девет навивачи поради расизам и недолично однесување, објавија „Колчонеросите“.

Атлетико Мадрид ја заврши истрагата по инцидентите кои се случија на дербито против Реал Мадрид, и натпреварот од Лигата на шампионите против Бенфика.

За време на дербито во Мадрид, голем број предмети и факели беа фрлени од долните трибини во јужниот дел на стадионот, додека во Лисабон дел од навивачите на Атлетико се однесуваа расистички.

Процесот на идентификација на инволвираните траеше речиси еден месец, а клубот во соработка со полицијата го прегледала целиот аудиовизуелен материјал што бил на располагање. Клубот успеал да идентификува девет лица кои добија доживотна забрана за присуство на натпреварите на Атлетико.

„Уште еднаш повторуваме дека силно го осудуваме секое изразување на насилство и нашата посветеност да се бориме против овој тип на став за кој нема место во фудбалот и го нарушува имиџот на Атлетико Мадрид“, соопштија од клубот.

Лаутаро Мартинез, напаѓачот на Интер и на аргентинската репрезентација, е разочаран од седмото место во изборот за Златната топка за сезоната 2023/24. Пред него беа Родри, Винисиус, Белингем, Карвахал, Халанд и Мбапе.

„Немам на што да им завидувам на Халанд, Мбапе, Кејн и Левандовски. На нивното ниво сум. Разочаран сум само од седмото место и очекував повисок пласман по одличната сезона што ја имав“, изјави Лаутаро.

Во текот на 23/24 ја освои италијанската титула со Интер, а јужноамериканската титула со Аргентина, придонесувајќи за споменатите трофеи како најдобар стрелец и во натпреварувањата во Серија А и во Копа Америка.

Џанлуиџи Буфон бранеше во четири различни децении, во кариерата се сретна со различни генерации фудбалери и е многу авторитетна личност кога е во прашање изборот на најдобриот играч во историјата. Џиџи кариерата ја заврши онаму каде што ја започна, во Парма на 46-годишна возраст.

Зборувајќи за најдобриот играч со кој се соочил, популарниот Супермен го избра оригиналниот Роналдо. Смета дека тој е бил прототип на совршен играч.

„Напаѓачот кој ми нанесе најголема штета беше Роналдо, Бразилецот. Изгледаше како да е создаден во лабораторија. Сè уште ми е неверојатно дека еден човек може да има таков талент, интуиција, техника, забрзување. Едноставно фудбалер кој ве остава без здив“, рече Буфон.

Пари Сен Жермен тргнува по голгетерот на Астон Вила, Џон Дуран. Според француски извори, агентот на фудбалерот веќе ја добил и првата понуда од ПСЖ. Претходно овој месец, Едуардо Бургос од Диарио АС објави дека и Баерн Минхен доставиле понуда за Дуран, но во текот на летото, која Астон Вила ја одби.

ПСЖ и Баерн не се единствените клубови заинтересирани за Дуран. Арсенал и Барселона исто така внимаваат на него како што се приближуваат преодните рокови во 2025 година. ПСЖ е решен да достави вредна понуда за него, па нема да биде изненадување првиот сериозен напад да го добијат потписот на Дуран да се случи уште во јануари.

Серхио Рамос ја разгледува можноста да се пресели во Бока Јуниорс, иако моментално е поврзан со Реал Мадрид, каде што тренира секојдневно.

Тренерот на Бока, Фернандо Гаго, поранешен соиграч на Рамос во Реал, стапил во контакт со шпанскиот ветеран во обид да го доведе како клучен играч во својот тим.

Иако Бока не може да ги понуди високите плати од претходниот клуб на Рамос, Севиља, привлечноста Рамос да игра во Аргентина и шансата да стане идол на Естадио Бомбоњера ја прават оваа атрактивна опција.

Без разлика на другите понуди од Емиратите и Саудиска Арабија, Рамос сериозно размислува за краткорочна авантура во Јужна Америка.

Рубен Аморим е новиот тренер на Манчестер Јунајтед, соопшти денеска трикратниот европски шампион.

Како што е објавено на клупската веб-страница, 39-годишниот Аморим потпишал договор со челниците на „црвените ѓаволи“ до јуни 2027 година, со опција за продолжување на договорот на уште една сезона.

„Рубен Аморим ќе му се приклучи на нашиот клуб во понеделник на 11 ноември. Рубен е еден од највозбудливите и најценетите млади професионалци во Европа. Освои трофеи и како играч и како тренер“ – пишува во соопштението на клубот и се додава дека до доаѓањето на Португалецот, Јунајтед од клупата на следните три натпревари ќе го води Руд ван Нистелрој, кој беше назначен за привремен тренер по отказот на Ерик Тен Хаг.

Рафаел Леао е еден од најважните, клучните играчи на Милан, но тој често знае да се изгуби во одредени периоди од сезоната, да не биде на посакуваното ниво, но никогаш не му се случило да остане без првотимски статус, поточно да не биде стартер.

Мауро Тасоти е легенда на „росонерите“, скоро две децении го носеше дресот на истиот, а потоа долго време работеше како тренер, скаут, привремено решение во таборот на италијанскиот великан, па така според него оваа ситуација е неповолна за сите страни.

Милан не може без него, тој е премногу важен за тимот. Не ја знам ситуацијата внатре, но да го задржам на клупата како казна е една работа, но ако Леао остане надвор поради технички избор, тогаш нешто не е во ред. Ако имате одличен играч во вашиот тим, треба да го ставите во состојба да го изрази најдоброто од себе. Во ред е да се прават ротации на моменти за да се поттикне да биде подобар, но без да дојде до мазохизам.

Да бидам фер, очекував да го видам како стартер против Наполи. Тој сигурно би создал опасности на левата страна, можеби од некој друг би можело да се побара жртва да покрива. Мората веќе трча како очаен. Леао секогаш имаше одлични партии против Наполи, ако се чувствува добро, треба да го држите на теренот што е можно подолго. Ако тој не е фит, тоа е друга работа. Но, тој е најсилниот играч во тимот, ако може, мора да игра. Можеше да ја искористи својата брзина [против Наполи]. Според мене, тој треба да го прави тоа уште повеќе, особено кога ја нема топката.

Рафа на моменти претерува, многу бавно ја враќа топката со висната глава: тоа е досадно за навивачите. Тоа може да додава побрзо и со поинаков став, но да го убедите да ги прави работите на одреден начин е во рамките на задачите на менаџерот. Соиграчите исто така можат да го туркаат и тој ќе разбере порано или подоцна, бидејќи не е глупав. Очекував поголема хармонија меѓу двајцата [Леао и Фонсека], мислев дека врската ќе биде полесна бидејќи зборуваат на ист јазик, – порача Тасоти за „Газета Дело Спорт“.

Арсенал е заинтересиран за германскиот фудбалер Лерој Сане, објави во денеска весникот „Билд“.

Според истиот извор, крилниот напаѓач на Баерн Минхен е вклучен во листата на потенцијални трансфери на лондонскиот тим, а тренерот Микел Артета има искуство од соработката со Сане во Манчестер сити.

Актуелниот договор на Сане со клубот од Минхен е до лето 2025 година.

Според Билд, раководството на Баерн од своја страна напорно работи на продолжување на договорот со 28-годишниот Сане.

Претседателот на шпанската Ла Лига, Хавиер Тебас, го критикуваше денеска Реал Мадрид поради бојкотирањето на церемонијата за доделување на „Златната топка“.

Актуелниот европски шампион одби да присуствува на гала церемонијата која се одржа во понеделникот вечер во Париз, откако клубот дозна дека главната награда ќе ја освои играчот од средниот ред на Манчестер Сити и Шпанија, Родри.

Во последните недели пред доделувањето на Златната топка. Винисиус, една од ѕвездите на Реал Мадрид, важеше за главен фаворит за наградата.

Реал ја освои наградата за најдобар клуб во 2024 година, додека стратегот на шпанскиот шампион Карло Анчелоти го доби признанието за најдобар т.

„Реал Мадрид не покажа џентлменски менталитет, нивниот однос не ме изненади. Тие добија две почести и нивната позиција е неразбирлива“, изјави Тебас.