Рома и Лацио се силно заинтересирани за плејмејкерот на Торино и српски репрезентативец, Саша Лукиќ.
Лукиќ игра одлична сезона и го привлече вниманието на многу клубови, а „Тутоспорт“ пишува дека главната битка за неговиот потпис ќе ја водат Рома и Лацио.
Мурињо е голем симпатизер на Србинот и верува дека одлично ќе се вклопи во неговиот систем на игра, а во Лукиќ гледа наследник на Матиќ.
Само еден месец откако беше назначен за тренер на Сампдорија, Дејан Станковиќ се наоѓа пред отказ, како серија на лошите резултати на некогашниот италијански шампион.
Тимот од Џенова го претрпе четвртиот пораз во низа, овојпат од Лече со 0-2 на домашен терен, а тоа предизвика тензија на стадионот „Луиџи Ферарис“.
„Навивачите беа бесни и се обидоа да ги блокираат излезите од стадионот. Сакаа да ги задржат директорите и играчите во соблекувалните, тензијата достигна највисоко ниво, а Станковиќ изгледаше нервозно додека го гледаше натпреварот од трибина поради суспензијата“, пишуваат италијанските медиуми.
Сметката за сето ова најверојатно ќе ја плати Станковиќ кој не успеа да ја крене екипата. Желба на раководството на клубот е да се донесе Клаудио Раниери, но најверојатно нема да успее во тоа бидејќи искусниот стручњак минатиот месец ја одби понудата да ја преземе екипата.
Ајван Тони имаше свој блесок на „Итихад“ и успеа да го замолкне цел стадион во Манчестер, од едноставна причина што напаѓачот на Брентфорд постигна гол кој никој не го очекуваше.Длабоко во судиското продолжение, Сити фрли се на една карта откако на семафорот стоеше 1-1, но наместо гол за победа на шампионот, видовме неверојатна контра на гостите која ја круниса Тони со свој втор погодок на мечот. Истиот донесе огромна победа и големо изненадување во Премиер лигата, и тоа само два дена откако не беше награден од Герет Саутгејт за своите импресивни изданија.Тони остана без повик за Светското првенство, па денеска на новинарите се обиде да им објасни како ја примил непосакуваната вест.„Видете, единствено што ми преостанува е да продолжам да работам, да го давам најдоброто и да видам дали може да се промени ситуацијата. Јас ќе продолжам да го давам најдоброто за тимот и ќе видиме до каде ќе стигнам. Разочаран сум што не добив повик, но знам на што сум способен. Нема да дозволам тоа да ме кутне на земја, ќе продолжам напорно како и досега. Мотивацијата ми доаѓа од соиграчите во соблекувалната и од навивачите на Брентфорд кои секогаш се прекрасни“, изјави Тони
Фудбалерот од средниот ред на Барселона, Гави, повикан во репрезентацијата на Шпанија за Светското првенство во Катар, стана најмладиот фудбалер во историјата на националниот тим кој ќе учествува на Мундијал, објави „Марка“.
Претходниот рекордер беше Сеск Фабрегас, кој беше повикан на Светското првенство во Германија во 2006 година еден месец по неговиот 19-ти роденден. Осумнаесетгодишниот Гави се приклучи на Барселона во 2021 година. Неговиот сегашен договор со клубот, кој го обнови во септември, трае до 2026 година. Во сезоната 2022/23, шпанскиот играч од средниот ред забележа 14 настапи за тимот предводен од Чави во шпанското првенство.
Жерар Пике неодамна реши да ја заврши фудбалската кариера и да ѝ ги прости долговите на Барселона, па така ја воодушеви јавноста и навивачите на каталонскиот гигант.По повлекувањето на Пике пристигна вест во шпанските медиуми дека дефанзивецот всушност сакал да засили друг гигант, а тоа е Атлетико Мадрид.„АС“ објави дека Атлетико е заинтересиран за Пике и наводно веќе му понудиле соработка, но Пике веднаш реагираше по шпекулациите и јасно го кажа неговиот став.„Веќе кажав дека нема да носам друг дрес. Нема смисла да заминам од Барселона и да потпишам за Атлетико. Таа вест е глупава и смешна. Немам никаков проблем со Атлетико или со нивните навивачи, но јас решив да се пензионирам“, изјави Пике.
Англиската фудбалска асоцијација (ФА) му изрече казна од еден натпревар суспензија на тренерот на Ливерпул, Јирген Клоп.
Казната му е изречена поради добиениот црвен картон на средбата од Премиер лигата против Манчестер Сити.
ФА вложи жалба на одлуката на независната регулаторна комисија која претходно Клоп го казни со сума од 30 илјади фунти.
Клоп доби и предупредување да внимава на своето однесување на наредните натпревари.
Селекторот на аргентинската фудбалска репрезентација, Лионел Скалони, го соопшти списокот на играчи кои ќе настапуваат на Мундијалот во Катар.
Аргентина ќе биде предводена од седумкратниот добитник на Златната топка, Лионел Меси, а на списокот е и искусниот Анхел Ди Марија.
Под прашање беше настапот на Пауло Дибала кој се уште не е целосно опоравен од повреда, меѓутоа тој ќе биде спремен за дуелите во Катар.
Голмани: Емилијано Мартинез (Астон Вила), Херонимо Руљи (Виљареал) и Франко Армани (Ривер Плејт).
Одбрана: Нахел Молина (Атлетико Мадрид), Гонзало Монтијел (Севиља), Хуан Фојт (Виљареал), Кристијан Ромеро (Тотенхем), Херман Пецеља (Бетис), Николас Отаменди (Бенфика), Лисандро Мартинес (Манчестер јунајтед), Маркос Акуња (Севиља), Николас Таљафико (Лион)
Среден ред: Родриго Де Пол (Атлетико Мадрид), Леандро Паредес (Јувентус), Алексис Мекалистер (Брајтон), Гвидо Родригес (Бетис), Алехандро Папу Гомес (Севиља), Енцо Фернандез (Бенфика), Езекијел Паласиос (Бајер Леверкузен).
Напад: Лионел Меси (ПСЖ), Пауло Дибала (Рома), Лаутаро Мартинес (Интер), Анхел Ди Марија (Јувентус), Хулијан Алварес (Манчестер сити), Николас Гонзалес (Фиорентина), Хоакин Кореа (Интер).
Тренерот на Фулам, Марко Силва, соопшти дека напаѓачот на екипата Александар Митровиќ нема да игра на натпреварот од 16.коло во Премиер лигата против Манчестер Јунајтед.
Во соопштението се наведува дека Митровиќ уште не се опоравил од повредата на скочниот зглоб, која ја заработи на крајот од септември при настапот за Србија во Лигата на нации.
Тренерот Силва ги демантира и пишувањата на некои англиски медиуми дека Митровиќ ќе паузира поради скршеница на скочниот зглоб.
Серхио Рамос не доби повик во репрезентацијата на Шпанија за Светското првенство, Луис Енрике одби да објаснува зошто искусниот дефанзивец на ПСЖ не се најде помеѓу повиканите.
Иако Рамос е на залезот на кариерата голем дел од шпанската јавност смета дека морал да добие повик. Оваа одлука со изненадување е дочекана и во Париз, затоа што ниту соиграчите на Рамос од ПСЖ не можат да веруваат дека не доби повик за Мундијалот кој сигурно ќе беше негов последен во кариерата. На социјалните мрежи се огласи Ашраф Хакими кој јасно порача што мисли за одлуката на селекторот Луис Енрике.
„Серхио Рамос е најдобриот дефанзивец во светот“, напиша Хакими откако Енрике го соопшти списокот.
Последниот натпревар Рамос за Шпанија го одигра на 31. март минатата година против Косово, а потоа не се наоѓаше на списокот поради повредите со кои имаше проблем во текот на минатата сезона.
Ливерпул е силно заинтересиран за плејмејкерот на Милан, Исмаил Бенасер, пренесуваат италијанските медиуми. Клоп во алжирскиот репрезентативец гледа идеално засилување за средниот ред, каде „црвените“ имаат многу проблеми од почетокот на сезоната.
Тренерот е загрижен поради малкуте алтернативи кои ги има во средниот ред и верува дека Бенасер одлично ќе се вклопи во неговиот стил на игра.
24-годишниот Алжирец игра одлично и се промовираше во еден од најдобрите играчи за врска во Серија А.
Милан сигурно нема да прифати понуда во јануари, а доколку Бенасер не стави потпис на нов договор тогаш на лето би можел да се пресели во Ливерпул.
