фудбал

Алмирон и Хау најдобри во октомври во Премиер лигата

Напаѓачот на Њукасл, Мигел Алмирон и менаџерот, Еди Хау, беа издвоени како најдобри за месец октомври во фудбалската елита на Англија.

„Црно-белите“ се во одлична форма од почетокот на сезоната и се на третото место на табелата со 27 бодови од 14 натпревари. Тие во изминатиот месец забележаа пет победи во шест натпревари.

Крилото Алмирон, кој постигна шест голови, за првпат во кариерата е прогласен за „играч на месецот“. Покрај тоа, парагвајскиот интернационалец ја доби и наградата за „Гол на месецот“.

Жоао Феликс го напушта Атлетико Мадрид и сака преселба во ПСЖ

Француските медиуми пренесуваат дека фудбалерот на Атлетико Мадрид и репрезентативец на Португалија, Жоао Феликс, е незадоволен од статусот во клубот од Мадрид и сака на почетокот од наредната година да го напушти неговиот актуелен клуб.

Според информациите Феликс веќе побарал од неговиот менаџер Жорж Мендеш во јануари да му побара нов клуб. Наводно, за Португалецот интерес покажува францускиот шампион Париз Сен Жермен, клуб кој е прифатлив и за Феликс.

23-годишниот фудбалер е член на Атлетико од 2019.година. Тој за клубот има одиграно 128 натпревари и постигнато 32 гола.

Пеп спремен да го жртува Алварез за Леао

Пеп Гвардиола ќе има на располагање 100 милиони фунти за зимската селекција, а позната е и најголемата трансфер желба.

Сити потрошил околу 104 милиони фунти за нови играчи ова лето, а во меѓувреме, клубот заработи околу 250 милиони фунти од продажба на играчи. Најголема желба на Гвардиола е најдобриот играч од Серија А и ѕвезда на Милан, Рафаел Леао, за кого е спремен да понуди 100 милиони евра.

Милан не сака лесно да се откаже од Португалецот, па поради тоа „граѓаните“ се спремни покрај кеш да го понудат и Јулијан Алварез. Аргентинецот пристигна ова лето на „Етихад“, но не добива голема минутажа.

Милан е заинтересиран за Алварез, па Сити е спремен да го вклучи во договорот за Леао.

Сантош: Португалија може да стане светски првак

Селекторот на фудбалската репрезентација на Португалија, Фернандо Сантош, ги објасни причините кои доведоа до изоставување на Гуедеш и Ренато Санчес од списокот на патници за Мундијалот во Катар.

„Гледавме и анализиравме се во овие неколку месеци. Повиците се базираат на она што го видовме и тука нема ништо ново. Сакаме да ги имаме најдобрите играчи и во напад и во одбрана. Можевме да направиме друг избор. До крајот имаше сомнежи, бидејќи некои играчи имаат слични перформанси и статистика. Преземам целосна одговорност за направениот избор“, изјави Сантош.

За амбициите на Португалија на шампионатот во Катар, Сантош додаде:

„Мислам дека можеме да целиме кон трофејот, овој тим има квалитет да го стори тоа. Според мене фаворит е Франција, тие и се актуелни светски шампиони“.

Пике: Еден ден би сакал да станам претседател на Барселона

Поранешниот фудбалер на Барселона Жерар Пике во изјава за шпанските медиуми вели дека еден ден сака да стане претседател на клубот од Камп Ноу.

„Мислам дека во еден момент од својот живот би сакал да станам претседател на Барселона. Сега имам уште некои работи кои сакам да ги остварам, но во иднина сакам да му помагам на својот клуб и тим а тоа е Барселона“, изјавува Пике.

Пике пред пет дена на Камп Ноу го одигра својот последен натпревар во кариерата.

Ван Гал го соопшти списокот на холандски фудбалери за Катар

Селекторот на фудбалската репрезентација на Холандија, Луј ван Гал, го соопшти списокот на 26 играчи кои ќе патуваат на Светското првенство во Катар. Предводници на репрезентацијата ќе бидат фудбалерот на Ливерпул Вирџил ван Дајк и играчот на Барселона Мемфис Депај.

Холандија на Светското првенство ќе биде во групата А со Катар, Еквадор и Сенегал.

Голмани: Џастин Бејло (Фејенорд), Ремко Пасвер (Ајакс), Андрис Ноперт (Херенвен).

Одбрана: Нејтан Аке (Манчестер сити), Вирџил ван Дајк (Ливерпул), Матијс де Лихт (Бајерн), Јуријен Тимбер (Ајакс), Стефан де Фрај (Интер), Дејли Блинд (Ајакс), Дензел Дамфрис (Интер), Тајрел Маласија (Манчестер јунајтед), Џереми Фримпонг (Бајер Леверкузен).

Везни ред: Стивен Бергојс (Ајакс), Френки де Јонг (Барселона), Коди Гакпо (ПСВ), Тен Копмејнерс (Аталанта), Мартен де Рон (Аталанта), Ћави Симонс (ПСВ), Кенет Тејлор (Ајакс).

Напад: Стивен Бергвејн (Ајакс), Мемфис Депај (Барселона), Винсент Јансен (Антверпен), Лук де Јонг (ПСВ), Ваут Вегхорст (Бешикташ), Ноа Ланг (Клуб Бриж).

Шпанија во Катар ќе патува без Рамос, Алкантара, Алонсо и Де Хеа

Селекторот на шпанската фудбалска репрезентација Луис Енрике го соопшти конечниот список на патници за Мундијалот во Катар. На списокот ги нема Серхио Рамос, Тијаго Алканатара и Маркос Алонсо. Од порано беше познато дека Енрике го изостави голманот на Манчестер Јунајтед Давид Де Хеа.Голмани: Роберт Санчез (Брајтон), Давид Раја (Брентфорд), Унаи Симон (Атлетик Билбао).

Одбрана: Дани Карвахал (Реал Мадрид), Цезар Аспиликуета (Челси), Пау Торес (Виљареал), Ерик Гарсија (Барселона), Уго Гиљамон (Валенсија), Емерик Лапорте (Манчестер сити), Жорди Алба (Барселона), Хосе Гаја (Валенсија).

Среден ред: Серхио Бускетс (Барселона), Коке (Атлетико), Гави (Барселона), Родри (Манчестер сити), Карлос Солер (ПСЖ), Педри (Барселона), Маркос Љоренте (Атлетико Мадрид).

Напад: Пабло Сарабија (ПСЖ), Алваро Мората (Атлетико Мадрид), Ансу Фати (Барселона), Феран Торес (Барселона), Марко Асенсио (Реал Мадрид), Дани Олмо (Лајпциг), Жереми Пино (Виљареал), Нико Вилијамс (Атлетик Билбао).

Французинот Калулу потпиша нов договор со Милан

Пјер Калулу потпиша нов договор со Милан. Ова момче кое има само 22 години одигра 20 натпревари сезонава и е еден од најважните играчи на клубот бидејќи може да игра на неколку позиции во тимот.

Калулу по природа е стопер, а новиот договор со Милан има важност до 2027 година.

Французинот со потекло од Конго во Милан пристигна од Лион во 2020 година, оттогаш има одигра 75 натпревари во дресот на славниот италијански клуб.

Американската репрезентација прва пристигна во Катар

Фудбалската репрезентација на САД е прва од 32 учесници на Светското првенство во Катар која допатува во Катар.

Селекцијата на САД пристигна од Њујорк, а слета на меѓународниот аеродром Хамад во Доха чиј нов дел беше свечено отворен.

Американскиот тим своите натпревари ќе ги започне на 21.ноември со натпреварот против Велс. Целата америчка експедиција ќе биде сместена во хотел во западна Доха, а своите тренинзи ќе ги одржува на терените на клубот Ал-Гарафа. За селекцијата на САД ова е 11.учество на Мундијалите.

Садио Мане сепак ќе биде подготвен за Мундијалот во Катар

Францускиот Франс Прес пренесува дека фудбалерот на Баерн Минхен Садио Мане ќе патува со селекцијата на Сенегал на претстојното Светско првенство во Катар.

Мане се здоби со повреда пред неколку дена, и првичните информации од Баерн беа дека тој нема да игра за Сенегал на Мундијалот во Катар. Меѓутоа француските медиуми тврдат дека најдобриот играч на Сенегалската репрезентација сепак ќе патува во Катар заедно со своите соиграчи.

Според Франс Пренс Садио Мане ќе биде во Катар и се надева дека ќе биде подготвен за игра доколку неговата репрезентација избори пласман во нокаут фазата на СП.

«< 482 483 484 485 486 >»