Шпанските медиуми пренесуваат дека Јаник Караско би можел да го напушти Атлетико Мадрид во зимскиот преоден рок.

Караско оваа сезона добива шанса кај Симеоне, но и самиот е спремен за нова авантура после Мундијалот. Белгиецот на лето влегува во последната година од договорот, па „јорганџиите“ се спремни да го продадат уште во јануари.

Најсилен интерес за Караско покажува Њукасл, кој сакаше да го доведе уште во летниот преоден рок.

Жозе Мурињо потврди дека му рекол на еден од неговите играчи во Рома да го напушти клубот поради „непрофесионален однос“. Мурињо на една од своите најбрутални прес-конференции до сега го потврди она за што веќе пишуваат медиумите.

Мурињо не беше расположен синоќа откако неговиот тим одигра само 1-1 против Сасуоло во новото коло од Серија А. По последниот судиски свиреж, бесниот Мурињо не се воздржа во оценката за перформансите на неговата екипа. Всушност, 59-годишниот стретег рече дека еден неименуван играч ги „издал“ своите соиграчи со својот став пред да му каже на тој играч да го напушти клубот во јануари.

„Жал ми е што напорите на тимот беа предадени од ставот на еден непрофесионален играч. Непрофесионалниот однос не е фер кон неговите соиграчи, тоа е она што ме разочарува. Бод на гости се уште не е негативен резултат и јас сум среќен со генералниот однос на мојот тим“, вели „специјалниот“.

Менаџерот на Тотенхем, Антонио Конте по поразот од Нотингем Форест во третото коло од англискиот Лига куп изјави дека е разочаран.

„Секако дека има големо разочарување од резултатот и поразот. Добрата работа за вечерва беше што повторно ги видов Ришарлисон и Кулушевски. Мислам дека се подготвени за Лидс Јунајтед во сабота. Ова е добра вест за нас. Многу е тешко да се каже што не беше во ред, бидејќи посветеноста беше добра. Но, ние го играме нашиот дванаесетти натпревар од 1-ви октомври и да бидам искрен, некои играчи се навистина уморни. Се обидов да ја менаџирам ситуацијата на средината на теренот со Хојбјерг и Бентанкур со делење на полувремињата. Исто така и Хари Кејн, тој утрово изјави дека е подготвен за игра, но беше навистина уморен“, вели Конте.

Десниот бек на Челзи, Рис Џејмс , поради повреда, нема да добие повик од селекторот на Англија, Герет Саутгејт и нема да настапи на Светското фудбалско првенство во Катар од 20 ноември до 18 декември, најавија медиумите на Островот.

Менаџерот на „Три лава“ утре ќе го објави составот во кој ќе го нема 22-годишниот Џејмс кој не можеше навреме да се справи со повредата на десното колено.

Тоа го потврди денеска и менаџерот на Челзи, Греам Потер. Џејмс има 15 натпревари за репрезентацијата на Англија.

Англиските медиуми ја потврдија веста дека премиерлигашот Саутемптон за нов тренер на екипата го назначи Нејтан Џонс. 

49-годишниот Џонс претходно го водеше тимот на Лутон, а со Саутемптон ќе потпише долгорочен договор. Тој на клупата на англискиот клуб ќе го замени Австриецот Хазенхитл кој беше отпуштен во понеделникот после слабите резултати во оваа сезона.

Саутемптон во моментот го зазема 18.место во Премиер лигата со освоени 12 бода, и се наоѓа во зоната за испаѓање.

Фудбалерот на Челзи, Рис Џејмс, поради повреда нема да настапи на Светското првенство во Катар.

После разговорот со селекторот на Англија, Гарет Саутгејт, е одлучено дека Џејмс не е доволно опоравен после повредата на коленото која ја доби минатиот месец за време на натпреварот помеѓу Челзи и Милан во ЛШ. Бекот на клубот од Лондон последниов период имаше интензивна рехабилитација во Дубаи, но сепак нема доволно време за целосно закрепнување од повредата. 

Според информациите, 22-годишниот Џејмс е длабоко разочаран од одлуката но во исто време ја разбира ситуацијата во која се наоѓа селекторот Саутгејт.

Англија на Мундијалот во Катар ќе игра во група со Иран, САД и Велс.