Тренерот на Барселона Чави Ернандез изјави дека пред неговиот тим е огромен предизвик, во двомечот од нокаут фазата во Лига Европа против Манчестер Јунајтед.

„Мораме да се натпреваруваме, одиме во Манчестер против квалитетен ривал и клуб со богата историја кој многу напредна со доаѓањето на Ерик тен Хаг. Тие имаат сјајни индивидуалци и повторно го добивме најтешкиот ривал во Лига Европа“ изјави Чави.

Барселона на првиот натпревар на 16.февруари ќе го пречека Јунајтед на Камп Ноу, а реваншот е седум дена подоцна на Олд Трафорд.

Тренерот на лондонскиот Арсенал, Микел Артета, го предводеше тимот до победа во натпреварот од 15. коло од англиската Премиер лига со Челзи (1-0).

За 40-годишен тренер ова беше 87. победа во 150 средби на кормилото на тимот. Според овој показател, тој е најдобар тренер на Арсенал: Арсен Венгер, кој го зазема второто место во оваа ранг листа, има 82 победи. Исто толку победи има и Џорџ Грем (82). Артета беше играч на Арсенал од 2011 до 2016 година, кога ја заврши кариерата. Подоцна, тој беше дел од стручниот штаб на Пеп Гвардиола во Манчестер Сити, а од декември 2019 година ја започна својата самостојна тренерска кариера во Арсенал.

Оваа сезона тимот под негово водство има освоеноа 34 поени во 13 натпревари од шампионатот на Англија и го зазема првото место на табелата пред Манчестер Сити (32 бода).

Челзи ќе се обиде да ја прекине позајмицата на Денис Закарија уште во јануари, пренесуваат медиумите на Островот.

25-годишниот играч за врска пристигна на „Стенфорд Бриџ“ од Јувентус во последните денови од преодниот рок и тоа по желба на Томас Тухел.

Англиските медиуми пишуваат дека Закарија нема да остане во Челзи затоа што не бил во плановите на Потер, кој сака да ја прекине позајмицата уште во јануари.

Пред почетокот на актуелната сезона се очекуваше дека Ливерпул ќе биде најблиску до Манчестер Сити во борбата за титулата во Премиер лигата, но ситуацијата не е таква.

После 13 одиграни кола Арсенал е лидерот на табелата. Избраниците на Артета имаат 11 победи, едно реми и еден пораз.

„Точно, денес може да се каже дека се бориме за титулата, но утре ќе биде тешко. Треба да видите што направи Манчестер Сити во изминатите шест години.

Го имаат најдобриот тренер и најдобриот тим во светот, покажаа континуитет во секое натпреварување. Ние растеме и стануваме подобри како тим, имаме добри резултати, но сезоната е долга“, изјави Артета.

Бекот на Манчестер Јунајтед, Арон Ван-Бисака би можел да му се приклучи на Кристал Палас на позајмица во јануарскиот преоден рок, објави Дејли Меил.

Според изворот, фудбалерот ја загубил довербата кај главниот тренер на „црвените ѓаволи“ Ерик тен Хаг. Ван-Бисака оваа сезона е надвор од првиот тим на Јунајтед бидејќи Португалецот Диого Дало е стартер како десен бек.

Кристал Палас не е единствениот кој се труди да го добие Бисака на позајмица, бидејќи за него се интересира и Њукасл.

Синоќа во Аргентина се одигра натпревар за трофејот на шампионите во кој се сретнаа Бока Јуниорс и Расинг. Степенот на емоции беше толку висок што натпреварот заврши предвреме – Бока Јуниорс не можеше да го продолжи натпреварот поради големиот број на исклучувања.

Како дел од Бока Јуниорс беа исклучени седум играчи (пет на теренот, двајца на клупата), како и главниот тренер на тимот Уго Ибара. Во екипата на Бока Јуниорс на теренот останаа помалку од седум играчи, па главниот судија беше принуден да го заврши натпреварот неколку минути порано. За одбележување е тоа што во Расинг беа исто така имаше три црвени картони. Така на оваа средба беа покажани вкупно 10 црвени картони , но и еден на тренерот на Бока Јуниорс. Натпреварот заврши со резултат 2-1 во корист на Расинг.

Барселона е подготвена да се раздели со дефанзивецот Жорди Алба со цел да ги оптимизира трошоците за платите. 33-годишниот фудбалер е интересен за Наполи, кој е на првото место во италијанското првенство.

Алба е дете на Барселона, но од 2005 до 2012 година играше и за други тимови. Враќајќи се во таборот на Каталонците, одбранбениот играч долги години имаше стартна позиција на лев бек. Од оваа сезона, Алба има мала минутажа и се поверојатно е во јануари да си замине.

Челзи не се откажува од намерата да го доведе Рафаел Леао на „Стенфорд Бриџ“.

Челзи во последните денови од преодниот рок испрати богата понуда за Леао, но Милан експресно ја одби бидејќи не сака да го продава Португалецот.

Леао беше прогласен за најдобар фудбалер во Серија А минатата сезона и Милан порача дека може да замине само ако некој ја плати откупната клаузула од 150 милиони евра. Челзи не се откажува, особено ако Леао не стави потпис на нов договор со „росонерите“, кој истекува во 2024 година.

Фудбалерот на Париз Сен Жермен, Нејмар, изјави дека очекува Бразил да ја освои титулата на претстојното Светско првенство во Катар.

„Очекувам Бразил да ја освои титулата, а најголеми конкуренти ќе ни бидат Франција, Аргентина, Англија, Германија и Белгија. Со нетрпение чекам да почне СП. Натпреварите на Мундијалот се поинакви, атмосферата е посебна и тоа многу ме мотивира. Играчите на ова првенство ќе бидат физички многу спремни бидејќи доаѓаат на турнирот на сред сезона. Ќе биде поинаку да се настапува во Катар, но се радувам на запознавањето нови земји и култури“, истакнува Нејмар.

СП во Катар започнува на 20.ноември. Бразил ќе игра во група Г со Србија, Швајцарија и Камерун.

Тренерот на ПСЖ, Кристоф Галтие, проговори за повредата што ја доби напаѓачот на клубот Килијан Мбапе на натпреварот со Лориент.

„Ништо сериозно. Ја видовме веста за Карим Бензема, но Килијан нема ништо сериозно. Тој игра постојано, а во овој случај е многу подобро да не ризикувате и да барате замена. Се разбира, беше можно да го оставиме на теренот, но во исто време имаше шанса да биде надвор од игра долго време“, изјави Галтие.

Да потсетиме дека натпреварот помеѓу Лориент и ПСЖ заврши со победа на парискиот клуб со резултат 1-2.