Фудбалерот на Тотенхем и репрезентативец на Јужна Кореја, Хонг Мин Сон, заработи повреда на натпреварот од Лигата на шампионите против Олимпик Марсеј, и мораше да биде принудно заменет од игра. Сон во еден дуел со противнички играч доби удар во окото по што се јави голем оток па беше одлучено дека тој не може да го продолжи натпреварот.

Од Тотенхем информираат дека следуваат подетални лекарски прегледи и најверојатно тој ќе го пропушти неделниот дерби натпревар во Премиер лигата со Ливерпул.

Продолжуваат проблемите на Барселона со повредени фудбалери, а последен на оваа листа е Френк Кеси.

Вчера на натпреварот од Лигата на шампионите против Викторија Плзен Кеси се здоби со повреда на задната ложа. Повредата ја потврди и тренерот Чави по средбата.

„Не е добро, изгледа дека задната ложа е во прашање“, изјави Чави.

Според првите прогнози, Кеси ќе отсуствува околу шест недели, што значи дека ќе ги пропушти Алмерија и Осасуна и ќе биде подготвен кога ќе продолжи првенството на крајот на декември.

Она што треба многу повеќе да го загрижува Чави се честите повреди на неговите играчи. Кеси од почетокот на сезоната е дури деветти играч кој треба да направи одредена пауза, која нема да биде кратка.

Веќе со недели учеството на фудбалската репрезентација на Иран на Светското првенство е доведено во прашање поради наводната помош на земјата за Русија во тековната војна.

Најгласен во лобирањето за протерување на Иран е фудбалскиот сојуз на Украина, кој сега и официјално побара исфрлање на оваа азиска земја од Светското првенство во Катар.

И покрај притисокот од Украина, ФИФА остана на својата првична одлука да го задржи Иран во натпреварувањето

Една од причините за овој потег е желбата на Украинците наместо Иран да бидат тие кои ќе влезат на Мундијалот. Но, правилата налагаат во случај на исклучување таа селекција да ја замени само некој од истата федерација. Според информациите тоа најверојатно ќе биде репрезентацијата на Обединетите Арапски Емирати.

Тренерот на фудбалерите на Манчестер Јунајтед, Ерик тен Хаг, јавно го пофали Касемиро кој во текот на летото го напушти Реал Мадрид и се пресели во Премиер-лигата.

„Јас за него велам дека е бетон во нашиот среден ред. Каземиро навистина има одлична соработка со сите на теренот. Секогаш може да види што се случува“, вели Холанѓанецот.

Ќе потсетиме дека  бразилскиот интернационалец  со „краелвите“ успеа да освои дури пет пехари во Лигата на шампионите.

Глазгов Ренџерс и официјално е најлошиот тим кој учествувал во групната фаза од Лигата на шампионите. по синоќешниот пораз од Ајакс во последното коло од натпреварите по групи, шкотскиот клуб групата ја заврши без да освои ниту еден бод во шесте одиграни натпревари.

Ренџерси претрпеа два порази со резултат 3-0 од Наполи, 2-0 и 7-1 од Ливерпул, како и два порази од Ајакс со 4-0 и 3-1.

Тоа значи дека избраниците на Џовани ван Бронкхорст во шест меча примија вкупно 22 гола, а постигнаа само два со негативна гол разлика од -20. Со овој антирекорд, Ренџерс го минаа хрватски Динамо Загреб, кој групната фаза од Лигата на шампионите во сезоната 2012/13 ја заврши без бодови и негатива од -19 голови.

Чави Хернандез на прес-конференцијата по синоќешната победа во Чешка над Викторија Плзен, истакна дека неговиот тим со истиот елан ќе продолжи и во Лигата на Европа.

„Оценка на нашиот настап во групната фаза од Лигата на шампионите е секако неативна. Имавме шанси да влеземе во плеј-офот, се зависеше од нас, но не успеавме, не ги искористивме сопствените можности. Сега сме фаворити во Лигата на Европа. Тоа е големо натпреварување, и во него ќе се бориме за освојување на трофејот“, вели Чави.

Барселона освои седум бода на шест натпревари и го зазеде само третото место во групата Ц, што беше доволно само за пласман во Лигата на Европа следната пролет.

Шпанскиот весник Марка пренесува дека челниците на Реал Мадрид се подготвени на крајот од сезоната да понудат најмалку 100 милиони евра за играчот на Борусија Дортмунд, Џуд Белингем.

Шпанските медиуми тврдат дека Борусија за младиот англиски фудбалер ќе бара дури 150 милиони евра.

Белингем има договор со германскиот тим до јуни 2025.година, но се поизвесно е дека тој следното лето ќе го напушти Дортмунд. Освен Реал Мадрид, сериозен интерес за доведување на англискиот репрезентативец покажуваат Ливерпул, Манчестер Сити и Челзи.

Тренерот на Манчестер Сити, Пеп Гвардиола, истакна дека играчите на тимот Кајл Вокер и Калвин Филипс би требало да бидат на располагање на селекторот на Англија за Светското првенство во Катар.

Селекторот на репрезентацијата на Англија, Гарет Саутгејт, следната недела ќе го објави официјалниот список со фудбалери за Катар, но мали се шансите дека тој ќе ги вклучи Вокер и Филипс.

Вокер минатиот месец имаше операција на препоните, додека Филипс во септември го оперира рамото. Двата фудбалери имаа важна улога во пласманот на Англија во финалето од минатогодишното Европско првенство.

Лионел Меси нема да игра во последното коло од Лига 1 пред паузата за Светското првенство.

Француските медиуми откриваат дека Меси побарал од тренерот Галтие да го остави надвор од составот за натпреварот против Оксер, закажан за 13 ноември.

ПСЖ вечерва ќе му гостува на Јувентус во последното коло од групната фаза на Лигата на шампионите, по што ќе има уште два првенствени натпревари со Лориен на гости и Оксер на „Паркот на принцовите“.

Азар повеќето натпревари ги следи од клупата – само во белгиската репрезентација игра нешто повеќе. Намерата на Реал е да го продаде крилниот напаѓач, а англиските и шпанските медиуми пренесуваат дека Астон Вила е заинтересирана да го доведе Белгиецот уште овој јануари.

Вила, која неодамна ја презеде Унаи Емери, е подготвена да го врати Азар на Островот. Еден има договор со Реал до 2024 година, се уште не е јасно дали Астон Вила прво би се обидела со позајмица, па дури потоа откуп.

Клубот од Бирмингем се бори за опстанок во ПЛ, има само бод повеќе од Лестер кој е во опасната зона. Интересно би било да се врати Азар во англискиот фудбал и тоа во тандем со Фелипе Кутињо кој го носи дресот на Вила.