Марио Балотели наскоро би можел да игра фудбал во шпанската трета лига.

Балотели во кариерата го носеше дресот на: Милан, Ливерпул, Олимпик Марсеј, а негов последен клуб беше Адана Демирспор од Турција. Според последните информации на „АС“ Италијанецот кој е без клуб преговара со клубот Интереси кој се натпревара во третата шпанска лига.

Преговорите за „АС“ ги поврдиле извори од клубот и наводно тие одат во добра насока. Балотели во претходните денови се поврзуваше и со трансфер во Бугарија во екипата на ЦСКА Софија, но очигледно од тоа нема да има ништо.

Фудбалерот, Лука Јовиќ, нема желба да го напушти тимот на Милан иако неодамна се појавија шпекулации дека напаѓачот може да си замине во јануарскиот трансфер период.  

Реално гледано, 26-годишниот интернационалец од Србија има мала минутажа кај тренерот, Фонсека, кој главно го држи на клупата за резерви.

Во меѓу време се појавија информации дека за потписот на Јовиќ се заинтересирани неколку екипи од Турција.

Раководството на Манчестер Јунајтед ќе треба да исплати отштета од околу 17,5 милиони фунти на менаџерот Ерик тен Хаг доколку одлучи да го отпушти Холанѓанецот.

Интересно, оваа сума е околу половина од она што „црвените ѓаволи“ го заштедиле по отпуштањето на 250 свои вработени во обид да ги намалат непотребните трошоци.

„Отпуштањето на Тен Хаг во јуни ќе ги чинеше Јунајтед околу 10 милиони фунти. Да го направат тоа сега, по едногодишното продолжување на договорот, ќе чини околу 17,5 милиони фунти. Ова е речиси половина од сумата што клубот ја заштеди со отпуштањето на 250 вработени“, објавија медиумите на Островот.

Манчестер Јунајтед доживеа нов понижувачки пораз во неделата, кога загуби од Тотенхем со 0-3 на домашен терен, што предизвика нов бран на шпекулации за иднината на менаџерот.

Некогашниот камерунски фудбалер Самуел Ето се најде во фокусот на јавноста поради заканите кои им ги испраќаше на селекторите на различни камерунски репрезентации, но сега е казнет од ФИФА поради недолично однесување на Светското првенство за жени до 20 години.

Според објаснувањето на светската Федерација, Ето го прекршил ФИФА кодексот според две точки со своите погрдни зборови за противниците и официјалните лица на натпревар на мундијалот, а во дадениот случај станува збор за осминафиналето меѓу Бразил и Камерун.

Ето ја прелил чашата на толерантност кај ФИФА и со своето некултурно однесување предизвика реакција од дисциплинците, кои денеска соопштија дека Самуел е суспендиран во период од шест месеци.

Според последните информации кои пристигнуваат од Франција, Усман Дембеле бил отстранет од тимот на Пари Сен Жермен поради расправија со тренерот Луис Енрике.

Дембеле како што се најавува нема да биде дел од составот на францускиот гигант за утрешниот натпревар во Лигата на шампионите.

Од почетокот на сезоната Дембеле настапи на сите шест натпревари во Лига 1 и во нив оствари учинок од четири гола и четири асистенции. Беше асистент Дембеле и во натпреварот против Рен во петокот навечер (3-1).

Во оваа ситуација за ПСЖ е добра вест што во составот по повредата се враќа Витиња и тој ќе може да настапи во Лондон.

Матија Мирков, по денешниот пораз од Работнички, поднесе оставка од позицијата главен тренер на Шкупи, имајќи ги предвид резултатите и сметајќи дека за клубот во овој момент е најдобро да се повлече, објави прволигашот од Чаир.

Управниот одбор на клубот известува дека ја прифатил оставката на тренерот Матија Мирков, благодарејќи му за досегашниот придонес како помошен тренер, но и како главен тренер, и му посакува многу успех во неговата кариера.

Матија Мирков секогаш ќе остане дел од нашето семејство. Ти Благодариме, стои во соопштението на Шкупи.

Тренерот Мирков, во образложението на оставката вели дека дал максимално се залагал за време на тренерската работа во Шкупи и му посака на тимот повеќе успех во понатамошниот дел од сезоната.

Манчестер Јунајтед го претрпе третиот пораз во шестиот лигашки меч во оваа сезона и тоа против Тотенхем кој го освои „Олд Трафорд“ со 3-0.

Овој резултат дефинитивно го зголеми притисокот врв менаџерот Ерик Тен Хаг, но Холанѓанецот не стравува од отказ и порачува дека сите се заедно во оваа приказна.

„Сите заедно донесовме оваа одлука да останеме заедно ова лето. Исто така, донесовме одлука со јасна идеја што треба да подобриме и како сакаме да изградиме тим, но знаевме дека ќе потрае некое време. Сите сме таму на иста страница, во ист брод – јас, играчите, раководството. Сите сме заедно“; подвлече стратегот.

Шпанската Ла Лига постигна договор со другите големи европски лиги за затворање на летниот преоден рок пред почетокот на сезоната 2025/26. Претходно, клубовите во Европа побараа од нивните национални лиги да работат заедно на договор за промена на сегашните правила, објави „Тајмс“.

„Ла Лига и другите водечки европски лиги се договорија за датумот на затворање на трансфер прозорецот во 2025 година“, се вели во соопштението на „Фудбал Шпанија“.

Според „Тајмс“, летниот преоден рок сега ќе се затвори на 15 август. Како такви, трансферите ќе бидат затворени до почетокот на најдобрите пет европски домашни лиги, вклучувајќи ги Ла Лига, Премиер лигата, Бундеслигата во Германија, Лига 1 во Франција и италијанската Серија А.

Нема планови за какви било промени во вонсезоната. Така, во 2025 година, Ла Лига ќе се отвори на 2 јануари и ќе се затвори на 3 февруари, заедно со четирите главни лиги.

Фудбалерот на Манчестер сити, Ерлинг Халанд се најде на врвот на листата на најдобри напаѓачи во светот според специјализираниот портал за фудбал „FourFourTwo“.

Норвежанецот го зазеде првото место меѓу првите десет најсилни напаѓачи во моментов.

Во Топ 10 се најдоа:

1. Ерлинг Халанд (Манчестер сити)

2. Килијан Мбапе (Реал Мадрид)

3. Хари Кејн (Баерн)

4. Лаутаро Мартинез (Интер)

5. Виктор Осимен (Галатасарај)

6. Александар Исак (Њукасл)

7. Виктор Ѓекереш (Спортинг)

8. Оли Воткинс (Астон вила)

9. Каи Хаверц (Арсенал)

10. Хулијан Алварез (Атлетико).

Фудбалерот на Ал Наср, 39-годишниот Кристијано Роналдо, влезе во преговори со саудискиот клуб за продолжување на договорот, објави новинарот Николо Шира на социјални мрежи.

Португалецот има намера да се натпреварува на Светското првенство во 2026 година и потребни му се натпревари за да остане во форма, смета Шира.

Доколку тоа се случи, Роналдо ќе стане првиот играч во историјата кој учествувал на шест различни Светски првенства.

Роналдо се пресели во Ал-Наср на 30 декември 2022 година. Клубот од Саудиска Арабија потпиша договор со Португалецот на 2,5 години. Беше објавено дека зделката е вредна 200 милиони евра по сезона.

Во тековната сезона, Роналдо забележа седум настапи за Ал-Наср во сите натпреварувања, постигнувајќи шест гола и две асистенции.