Ненад Бјелица е новиот тренер на клупата на Динамо Загреб. Поранешниот хрватски репрезентативец вторпат седнува на клупата на хрватскиот шампион, откако претходно ги предводеше од 2018-тата до 2020-тата.

Стефан Ристовски и Аријан Адеми останаа без тренер после дебаклот од Баерн Минхен со 9-2, но и домашниот пораз од Хајдук со 0-1.

После смената на Јакировиќ, Динамо загуби од Славен Белупо со 4-1, па сега Бјелица ќе треба да го гаси пожарот во редовите на хрватскиот шампион.

Напаѓачот на фудбалскиот состав Лестер, Џејми Варди, веројатно
ќе го продолжи договорот со англискиот клуб, велат денешните
информации од островот.
37- годишниот ветеран го облече дресот на „лисциите“ во 2012
година и беше дел од големиот историскиот успех кога беше
освоена титулата во Премиер-лигата.
Варди во неговата ризница ги има и пехарите од ФА Купот и
Супер-купот на Англија. Неговиот актуелен договор со Лестер ќе
истече на крајот на сезонава.

Голманот, Карло Пинсољо и крилниот напаѓач, Самуел Мбангула,
ги обновија договорите со Јувентус.
34-годишниот чувар на мрежата ќе остане во Торино до 2026-та
додека 20-годишниот голгетер потпиша за верност до 2028
година.

Пинсољо во моментов фигурира како трет голман и допрва ќе
бара шанса за докажување. Мбангула се наоѓа меѓу стартерите и
во досегашните четири сезонски натпревари има еден гол и три
асистенции.

Мануел Нојер се врати на тренинзите на Баерн Минхен откако се
опорави од повредата на тетивата. Голманот треба да го започне
првиот саботен натпревар од Бундеслигата против шампионот
Баер Леверкузен.
Баварците ова го соопштија во четвртокот попладне откако Нојер
тренираше индивидуално претходните денови.
Ветеранот ја заработи повредата за време на победата на
„црвените“ од 9:2 во Лигата на шампионите против Динамо Загреб
минатата недела и го пропушти дуелот против Вердер Бремен на
крајот од минатата недела.
Баерн, исто така објави дека напаѓачот Матијас Тел, се вратил во
целосна акција откако ги надминал проблемите со грбот. Баерн
имаше силен почеток на сезоната под водство на новиот тренер
Винсент Компани. Баварците по четири одиграни натпревари се
на врвот во Бундеслигата со вкупно 12 бода.
Баер Леверкузен е втор со девет бода, откако на крајот на август
го претрпе првиот лигашки пораз по 15 месеци. Баер минатата
сезона триумфираше на првото место во Бундеслигата,
завршувајќи без ниту еден пораз.

Maрк Бернал играше одлично под водство на Ханси Флик во Барселона, но 17-годишникот немаше среќа и пред еден месец заработи тешка повреда поради која ќе паузира до крајот на сезоната.

Младиот дефанзивен играч за врска ова лето беше приклучен на сениорскиот тим и ги стартуваше првите три натпревари од сезоната во кои Барселона забележуваше победа. Кон крајот на август Бернал се повреди ви дуелот со Рајо Ваљекано.

Бернал ги скина лигаментите на левото колено и го чека пауза од околу девет месеци и најрано би можел да настапи во некој од последните натпревари во сезоната, сепак и тоа е малку веројатно.

Сепак, Барселона покажала дека не ја изгубила довербата во него и му дала нов договор со важност до 2029 година и откупна клазула од дури 500 милиони евра, објави Фабрицио Романо.

Според информациите на каталонските медиуми, Лионел Меси нема да ја заврши кариерата во тимот на Интер Мајами.

Каталонскиот „Ел Насионал“пренесува дека Меси пред да се повлече од фудбалот ќе одигра барем една сезона во дресот на Њуелс Олд Бојс од Аргентина каде што започна во младинските категории пред го доведе Барселона.

Најавите се дека вакво нешто можеби би се случило по Светското првенство во 2026 година. Меси сега има 37 година и влегува во залезот на кариерата, но и порача дека има желба да игра со Аргентина Мундијалот кој следи за две години.

Синоќа по завршувањето и на последните два меча од третото коло на Карабао Купот во Англија, беа извлеченидвојките за осминафиналната фаза. Дербито на рундата ќе го одиграат премиерлигашите Тотенхем и Манчестер Сити, чиј домаќин ќе биде лондонскиот гигант. Интересно ќе биде и на дуелот меѓу носителот на Лига куп трофејот Ливерпул и премиерлигашот Брајтон, меч кој ќе се одигра на теренот на „галебите“.

Манчестер Јунајтед во оваа рунда ќе му гостува на Лестер, додека Кристал Палас гостува кај Астон Вила.

Брентфорд – Шефилд Венздеј

Саутемптон – Стоук

Тотенхем – Манчестер Сити

Вимблдон/Њукасл – Челзи

Брајтон – Ливерпул

Престон – Арсенал

Астон Вила – Кристал Палас

Поранешниот српски фудбалски репрезентативец Зоран Тошиќ и
потврди дека заминува во фудбалска пензија. 38-годишниот
Тошиќ го најави своето заминување од фудбалот на социјалните
мрежи.
„За жал, на сите добри работи еден ден им доаѓа крајот. Се
надевав дека овој момент никогаш нема да дојде, но сега сум
сигурен дека е време да ја завршам мојата фудбалска кариера“,
напиша популарниор „Бамби“.
Тошиќ последната сезона ја помина како фудбалер на Ламија на
Кипар. Претходно настапуваше за бројни европски екипи, меѓу
кои и за Манчестер Јунајтед и ЦСКА од Москва. За селекцијата на
Србија одигра 76 меча.

Официјалната веб-страница на шпанската екипа Севиља го
објави продолжувањето на договорот со главниот тренер на
тимот, 50-годишниот Хавиер Гарсија Пимиента, кој ги презеде
Андалузијците во јули 2024 година. Во информацијата се вели
дека новиот договор со тренерот ќе важи до 2027 година.
Под водство на Гарсија Пимиента, Севиља одигра седум
натпревари во шпанската Ла Лига, на кои освои осум бода, две
победи, двапати ремизираше и три загуби. Во актуелниот поредок
во Примера, Андалузијците се на 12. место.
Според клупската прес-служба, продолжувањето на договорот со
главниот тренер на играчите и стручниот штаб го најави
претседателот на Севиља, Хозе Марија дел Нидо Караско синоќа
по домашната победа во мечот од 7. коло од Примера со
Ваљадолид.

Медиумите во Германија наведуваат дека Баерн (Минхен) во
наредното лето ќе се обиде да го ангажира напаѓачот на Баер
Леверкузен, Флоријан Вирц, кој има трансферна сума од 150
милиони евра.
Баварците сакаат да го засилат нападот но, дефинитивно ќе мора
да ја победат конкуренцијата за да дојдат до потписот на Вирц. За
младиот голгетер се заинтересирани и Реал Мадрид, Манчестер
Сити и Арсенал.
Фудбалерот на „фармацевтите“ неодамна, изјави, дека сака да
игра во клуб кој има шанса да ја освои Лигата на шампионите.