Фудбалерите на Ливерпул Трент Александер-Арнолд и Жоел Матип ќе бидат надвор од терените три недели, поради повредите кои ги заработија на дерби дуелот со Арсенал кој Ливерпул го загуби со 3:2.
На истиот натпревар потешка повреда на коленото заработи и Колумбиецот Луис Диаз кој се очекува да има пауза до почетокот на идната година.
Ливерпул поради повреди не може да смета и на Артур Мело, Окслејд Чембрлејн, Наби Кеита и Ендру Робертсон.
Баерн Минхен гостува кај Викторија Плзен во 4.коло од групната фаза на Лигата на шампионите, а од тимот стигнуваат информации дека нема да може да сметаат на сите играчи.
Дефанзивците на Баерн (Минхен) Матијс де Лихт и Алфонсо Дејвис ќе го пропуштат натпреварот против Викторија Плзен, објави новинарот Флоријан Плетенберг.
Двајцата фудбалери се повредија на натпреварот од 12. коло на германскиот шампионат против Борусија Дортмунд (2-2). Учеството на играчот од средниот ред Серж Гнабри на натпреварот против Викторија останува под знак прашалник.
На табелата во групата Ц води Баерн со 9 бодови. Екипата од Чешка е на последното, четврто место, откако ги загуби сите три натпревари во ова натпреварување.
Претседателот на Европската фудбалска асоцијација Александар Чеферин најави дека и по трет пат ќе се кандидира за таа функција.
55-годишниот Александар Чеферин е претседател на оваа фудбалска организација од септември 2016.година и одново посакува да добие четиригодишен мандат.
Словенецот кој е адвокат по професија веќе ги известил членовите на федерацијата за својата кандидатура пред одржувањето на квалификациите за Европското првенство 2024.година.
Изборниот конгрес на УЕФА е закажан за 5.мај 2023. година во Лисабон.
Лионел Меси падна на втората позиција по заработката помеѓу фудбалерите.
Тој беше престигнат од Килијан Мбапе, кој оваа сезона е најплатениот фудбалер во светот. Меси оваа сезона ќе има 120 милиони долари, а за прв пат по осум години ниту Меси ниту Роналдо не се на врвот на листата.
Одамна е јасно дека нивната ера полека поминува, ова е само уште еден доказ за тоа.
Инаку, Роналдо е трет на листата со 100 милиони, а Мбапе е прв со 128 милиони долари.
Тотенхем е подготвен да ја продолжи соработката со менаџерот Антонио Конте. Според „football365“, двете страни сакаат да се договорат за нов договор во блиска иднина.
Доколку тренерот потпише ажуриран договор, тој би можел да стане најплатениот менаџер во Премиер лигата. Неговата плата ќе се зголеми на 23 милиони евра годишно. Актуелниот договор на Италијанецот истекува во летото 2023 година.
Тотенхем е на третото место на табелата во Премиер лигата со 20 бодови.
Поранешниот клуб на македонскиот репрезентативец Дарко Чурлинов, Штутгарт е во потрага по нов тренер откако управата одлучи да се раздели со досегашниот предводник Пелегрино Матарацо.
Штутгарт е единствениот состав кој по 9. кола нема ниту една победа во Бундеслигата, па поради тоа беше решено дека е време за промена и отказ за Матарацо. Американецот три години го водеше овој клуб во кој имаше подеми и падови, добри и лоши моменти, но на секоја приказна и има крај, па така и е случајот со 44 годишниот стручњак.
„Нашето заедничко патување во Шттугарт заврши. Ова беа прекрасни години исполнети со многу неверојатни моменти и спомени кои ќе траат засекогаш. Секогаш ќе бидам благодарен што ми се укажа шансата да стапнам на тренерската скала овде. Штутгарт посебен клуб кој го разбирате само кога сте дел од него. На овој тим, на овој клуб со овие навивачи му посакувам се најдобро и максимален успех“, порача Матарацо.
Фудбалскиот клуб Атлетико Мадрид соопштува дека Антоан Гризман потпиша договор со клубот до 2026.година.
Францускиот фудбалер досега играше како позајмен играч на Барселона, а позајмицата му истекуваше наредното лето.
Според достапните информации од медимите се претпоставува дека Атлетико ќе му исплати на Барселона 20 милиони евра, плус дополнителни четири милиони низ бонуси.
Антоан Гризман во 2019.година премина од Атлетико во Барселона за 120 милиони евра, но тој не се снајде најдобро во каталонскиот клуб па беше вратен во Мадрид на позајмица.
УЕФА излезе со финален распоред на натпреварите во Ц-групата од квалификациите за пласман на Европското фудбалско првенство кое во 2024.година ќе се одржи во Германија.
Македонија е во група со селекциите на Италија, Англија, Украина и Малта. Нашите фудбалери квалификациониот циклус ќе го отворат во март 2023.година против Малта на домашен терен, а ќе го затворат на гости против Англија во ноември 2023.
1. коло: 23. март 2023. Македонија – Малта
2. коло: 26. март. Македонија слободна
3. коло: 16. јуни 2023. Македонија – Украина
4. коло: 19. јуни 2023. Англија – Македонија
5. коло: 9. септември 2023. Македонија – Италија
6. коло: 12. септември 2023. Малта – Македонија
7. коло: 14. октомври 2023. Украина – Македонија
8. коло: 17. октомври Македонија слободна
9. коло: 17. ноември 2023. Италија – Македонија
10. коло: 20. ноември 2023. Македонија – Англија
УЕФА одлучи да не го прошири Европското првенство. Форматот со 24 тима ќе биде задржан. УЕФА ја разгледа можноста за зголемување на бројот на учесници на 32 земји, објави „Скај њуз“.
Организацијата сметаше дека обезбедувањето дополнителни места ќе го девалвира квалификацискиот циклус на турнирот, што ќе ги направи натпреварите помалку атрактивни и ќе бара ревизија на форматот.
За денес во 12 часот е закажана ждрепката за квалификациите за Еуро 2024 година. Македонската фудбалска репрезентација се наоѓа во четвртиот шешир.
Медиумите од Англија пренесуваат дека фудбалерот на Челзи Нголо Канте не успеал да се договори со челниците на клубот околу продолжување на договорот и на крајот од сезоната најверојатно ќе си замине од Стенфорд Бриџ како слободен играч.
Францускиот фудбалер имал барање за нов тригодишен договор со Челзи, меѓутоа челниците на клубот од Лондон не се согласуваат со условите на Канте чиј договор истекува на крајот од сезоната.
Според информациите управата на Челзи не сака да го пушти Канте без обештетување па се бара начин тој да му биде понуден на некоја екипа во зимскиот преоден рок.
Канте е член на Челзи од 2016.година кога тој пристигна од Лестер.
