Челзи е заинтересиран за потписот на фудбалерот на Борусија Дортмунд и играчот од средниот ред на Англија, Џад Белингем, објави „Телеграф“.

Според изданието, лондонскиот клуб е сериозно заинтересиран за ангажманот на младиот талентиран фудбалер. Претходно беше објавено дека за играчот се заинтересирани Ливерпул, Реал Мадрид и Манчестер Сити.

19-годишниот Џад Белингем се приклучи на Борусија Дортмунд во летото 2020 година од Бирмингем за 25 милиони евра. Фудбалерот од средниот ред постигна три гола на 10 настапи во сите натпреварувања оваа сезона.

Договорот меѓу двете страни истекува во 2025 година. Во ноември 2020 година, Белингем го направи своето деби за репрезентацијата на Англија и досега успеа да забележи 16 настапи за националниот тим.

Катар потроши околу 208 милијарди евра за организација на Светското првенство во 2022 година. Оваа сума е 17 пати поголема од Мундијалот во Русија во 2018 година.     

Пред четири години Русија потроши околу 13 милијарди евра за организација на Светското првенство. Во 2014 година, Бразил потроши околу 17 милијарди евра, а во 2010 година Јужна Африка инвестираше приближно 4 милијарди евра. Директорката за комуникации на турнирот Фатма Ал Нуаими објасни како Катар ги потрошил парите. 

„Светското првенство е дел од националниот проект за развој на Катар до 2030 година. Ова е широка владина стратегија насочена кон интензивен развој на градовите, индустријата и различните капацитети низ државата, како и развој на образовниот и здравствениот систем. Сумата од околу 208 милијарди евра која често се поврзува со Светското првенство е всушност дел од оваа амбициозна стратегија за националниот развој и модернизација на Катар. Повеќето од големите инфраструктурни проекти од кои тимовите и навивачите ќе имаат корист во 2022 година, како што се нови патишта, метро, аеродром, хотели и други туристички објекти, беа планирани уште пред да ни биде доделено правото да бидеме домаќини на Светското првенство“, соопшти Ал Нуаими.

Фудбалерот, Н’Голо Канте, се опорави од повредата и повторно тренира со соиграчите од Челзи, објави клубот.

Играчот од средниот ред заработи повреда на бутот во август во ремито со Тотенхем во второто коло од англиската Премиер лига. Французинот мораше да пропушти 8 натпревари.

Канте (31) му се приклучи на Челзи од Лестер во 2016 година. Неговиот актуелен договор е до крајот на сезоната 2022-23. Н’Голо Канте во сезонава забележа два меча без постигнат гол.

Фудбалерот на Реал Мадрид Лука Модриќ се повреди настапувајќи за Хрватска во двата натпревари со кои „коцкестите“ изборија пласман на завршниот турнир во Лигата на нации.

Модриќ во Мадрид се враќа повреден поради што ќе мора да направи пауза од осум до десет денови, пренесуваат шпанските медиуми. Наводно се работи за замор на мускул кој е пропратен со болки во колкот.

Во Реал се надеваат дека Лука ќе биди подготвен за Ел Класико кој е закажан за 16 октомври.

Поранешниот италијански фудбалски репрезентативец Антонио Касано му порача на Кристијано Роналдо дека е време да ја заврши кариерата, пренесуваат медиумите во Италија.

Португалија не успеа да се пласира на завршниот турнир во Лигата на нации, откако во Брага доживеа пораз од Шпанија со 1:0.

Португалските медиуми и навивачи го окривуваат Роналдо за поразот, и истакнуваат дека тој бил еден од најслабите играчи на теренот, кој по завршетокот на дуелот ја фрли капитенската лента на теренот.

Касано вели дека Роналдо во овој момент треба да си направи услуга и да сфати дека е време да се повлечи од фудбалот бидејќи не може да игра на високо ниво, и веќе освои доволен број на трофеи во кариерата.

37-годишниот Роналдо за Португалија одигра 191 натпревар и има постигнато 117 гола.

Играчот од средниот ред на турскиот Истанбул Башакшехир, Месут Озил ќе пропушти околу три месеци поради операција, објавија од неговиот клуб.

„За нас е големо задоволство што имаме играч како Озил на располагање. Сепак, Месут веќе подолго време има проблеми со грбот. Поради оваа причина, оваа сезона тој помина само 10-15 минути на теренот. Донесена е одлука да се изврши операција за решавање на проблемот. Месут нема да ни помогне околу три месеци по интервенцијата. И тогаш мислам дека ќе даде голем придонес за нашите победи. Озил е наша гордост“, изјави оретседателот на клубот Гумушдаг за весникот „Фанатик“.

Всушност, Месут Озил оваа сезона одигра 21 минута. Озил се пресели во Истанбул Башакшехир на 14 јули. Претходно беше играч на Фенербахче, клуб во кој минатата сезона  одигра 26 натпревари во сите натпреварувања, постигна девет гола и две асистенции.

Нигерискиот фудбалер Џон Оби Микел соопшти дека става крај на професионалната кариера. Тој својата одлука ја објави преку Инстаграм пост.

35-годишниот фудбалер својата кариера ја започна играјќи во норвешкиот Лин, од каде потоа замина во Челзи каде остана до 2017 година.

За клубот од Стендфорд Бриџ запиша 372 настапи, и освои две титули во Премиер лигата, една Лига на шампиони  и Лига Европа.

После Челзи тој настапуваше за Тјанџин, Мидлзборо, Трабзонспор, Стоук и Кувајт СЦ.

Фудбалската репрезентација на Данска на Мундијалот во Катар ќе игра во специфично дизајнирани дресови, на кои е намалено истакнувањето на сите детали вклучувајќи го логото и шарите на дресот.

Производителот на спортската опрема Хумел, на овај начин одлучи да искажи протест кон земјата домаќин Катар.

„Со новите дресови данската репрезентација сака да испрати двојна порака. Дизајнот е инспириран од Европското првенство во 1992 година и најголемиот фудбалски успех на Данска, но со дресовите сакаме да искажеме и протест кон домаќинот Катар поради кршењето на човековите права и илјадниците животи кои се загубени за време на градежните работи и организацијата на првенството“, порачуваат од Хумел.

Дефанзивецот на Манчестер Јунајтед, Виктор Линделоф, може да добие понуда да се пресели во редовите на турскиот гигант, Галатасарај.

28-годишниот Швеѓанец не е прв избор на тренерот, Ерик тен Хаг и се чини дека нема да добие голема минутажа до крајот на сезонава. Затоа, Галатасарај сака да ја искористи ситуацијата и да се обиде да го земе фудбалерот на позајмица до крајот на сезоната. 

Договорот на Линделоф со „црвените ѓаволи“ е до 2024 година.

Некогашниот фудбалски репрезентативец на Англија Фабијан Делф, реши да ја заврши својата професионална кариера.

32.годишниот фудбалер беше без клупски ангажман од јуни оваа година кога му истече договорот со Евертон. Делф ја започна својата кариера во Лидс каде играше од 2006 до 2009 година. потоа заигра за Астон Вила, Манчестер Сити, и Евертон каде беше член од 2019 до 2022 година.

Фабијан Делф одигра 20 натпревари за репрезентацијата на Англија во периодот од 2014 до 2019 година.