Селекторот на аргентинската фудбалска репрезентација Лионел Скалони ќе остане да ги води „гаучосите“ уште четири години.

Скалони, после одличните резултати е награден со нов договор со кој ќе го заврши циклусот на Мундијалот кој во 2026 година ќе се одржува во САД, Мексико и Канада.

Веста за новиот договор ја потврди и претседателот на Фудбалскиот сојуз на Аргентина Клаудио Тапија, и тоа после победата над Јамајка со 3:0.

Аргентина со Скалони на клупата, не е поразена на последните 35 натпревари. На мундијалот во Катар ќе бидат во групата Ц со Саудиска Арабија, Мексико и Полска.

Лионел Меси ги пофали Килијан Мбапе и Нејмар со кои заедно играат за ПСЖ. Во интервју, тој зборуваше за тоа како се снајде во Париз и за новата фудбалска средина.

„Нејмар и јас се знаеме напамет – поминавме одлично време заедно во Барселона. Би сакал да играмве подолго за Барса, но животот повторно не собра во ПСЖ. Среќни сме што сме заедно. Сакам да си играм со него и да бидам околу него секој ден. А Мбапе е посебен играч. Ѕвер кој е добар во игра еден на еден. Килијан влетува во слободниот простор, тој е многу брз и постигнува многу голови. Мбапе е комплетен играч и тоа го демонстрира веќе неколку години. Во следните години тој ќе биде меѓу најдобрите, сигурен сум“, изјави Меси.

Познат е наградниот фонд на германската репрезентација на Светското фудбалско првенство кое оваа година ќе се игра во Катар.     

Германскиот фудбалски сојуз (ДФБ) соопшти дека секој играч ќе добие по 50.000 евра за победа во групата, 100.000 евра за пласман во четвртфиналето и 150.000 евра за пласман во полуфиналето. За третото место премијата достигнува 200.000 евра, а за т.н. вицешампион 250.000 евра. 

Секој играч ќе добие по 400.000 евра за победа на Мундијалот. Германија ќе игра во Е-групата со Шпанија, Јапонија и Костарика. Светското првенство ќе се игра од 20 ноември до 18 декември.

Финалето на Светското првенство во 2026 година ќе се игра на стадионот „ATT“ во Далас, објави „ЕСПН“.

Таму мечевите ги игра НФЛ тимот Далас Каубојс а капацитетот изнесува 80.000 седишта. Сепак, за потребите на Мундијалот ќе има дополнителни 20.000 седишта и финалето ќе се игра пред 100.000 гледачи.

Покрај САД, организатори на Светското првенство во 2026 година се уште и Мексико и Канада. Тогаш за прв пат ќе учествуваат 48 земји поделени во 12 групи. Натпреварите ќе се играат на 11 стадиони во САД, три во Мексико и два во Канада.

Италијанските медиуми ја пренесуваат веста дека фудбалерот на Јувентус Федерико Киеза, најверојатно за 10 дена се враќа на теренот после успешното опоравување од повредата на коленото.

Киеза поради повредата на коленото која ја задоби во првенствениот натпревар против Рома на почетокот од годината беше опериран, и според информациите неговото опоравување се одвивало подобро од очекуваното.

Фудбалерот на Јувентус ќе продолжи со тренинзите во наредните денови, и би можел да се најде во тимот за дерби дуелот со Милан.

Фудбалерот на Челзи Нголо Канте повторно тренира со екипата, откако поради повреда на бутниот мускул тој имаше пауза од шест недели.

Канте се повреди на 14.август во дуелот со Тотенхем кој заврши 2:2. Од тогаш тој пропушти осум натпревари на Челзи во сите натпреваувања.

Клубот од Стенфорд Бриџ после шест одиграни кола се наоѓа на 7.место на табелата во Премиер лигата со освоени 10 бода. Челзи во сабота му гостува на Кристал Палас.

Македонската фудбалска репрезентација жрепката за групите од квалификациите за Европското првенство 2024 ќе ја чека од четвртиот шешир.

Жребот е закажан за 9 октомври во Франкфурт, а Македонија остана во четвртата група по рејтинг откако Грција ја совлада Северна Ирска, а Косово славеше победа над Кипар.

Заедно со нашата селекција, во четвртиот шешир ќе бидат и Турција, Бугарија, Грција, Грузија, Казахстан, Азербејџан, Косово и Фарски Острови.

Иднината на Заниоло се уште е главна тема на Апенините, иако Италијанецот ова лето остана во Рома.

Милан и Јувентус се силно заинтересирани за Заниоло, но ова лето не беа спремни да платат 50 милиони евра колку што бараше Рома за неговата слобода.

Двата клуба не се откажуваат од Италијанецот и будно ја следнат ситуацијата околу преговорите за нов договор. Рома сака да му го продолжи договорот на Заниоло, кој на лето ќе влезе во последната година од договорот.

Луѓето од Челзи планираат во јануари да испратат понуда за фудбалерот на Интер, Дензел Дaмфрис.

Холанѓанецот беше на радарот на „сините“ во текот на летото но, траснферот не се случи. Сега, Англичаните сакаат да ги откупат правата на играчот за 50 милиони евра.

Тие воедно се подготвени да го пуштат дефанзивецот да ја заврши сезоната во Италија. За неговиот потпис се заинтересирани и Манчестер Јунајтед, Баерн Минхен и Евертон.

Аргентинскиот тренер, Маурисио Почетино, има шанса да го наследи Герет Саутгејт на кормилото на Англија, наведува весникот „Телеграф“.

Тој беше на стадионот „Вембли“ и го следеше натпреварот од последното коло во Лигата на нации меѓу Англија и Германија кој заврши 3-3.

Почетино е без ангажман откако на крајот на претходната сезона доби отказ во ПСЖ.