УЕФА потврди дека натпреварот меѓу Арсенал и ПСВ Ајндховен нема да се одигра во четврток бидејќи нема доволно полиција која има посебна ангажираност во деновите по смртта на кралицата Елизабета.

Поради тоа што има лимитиран број на полиција во Лондон, натпреварот меѓу Арсенал и ПСВ Ајндховен нема да се одигра.

Голем број на полицајци се ангажирани во посмртните активности за кралицата Елизабета, па нема доволен број за безбедна организација на натпреварот.

„УЕФА соопштува дека натпреварот од Лига Европа меѓу Арсенал и ПСВ Ајндховен, кој требаше да се игра во четврток на 15 септември, е одложен за нов датум кој ќе биде дополнително определен. Мечот е одложен поради ограничен број на полиција која е ангажирана околу настаните по повод смртта на кралицата Елизабета“, стои во соопштението на УЕФА.

Јаховиќ се повлекува од македонската репрезентација Септември 12, 2022 Спорт, Фудбал Селекторот на македонската фудбалска репрезентација Благоја Милевски повеќе нема да може да смета услугите од Адис Јаховиќ. Напаѓачот кој има 19 настапи и три голови во репрезентативниот дрес одлучи да се повлече од националниот тим.     

Фудбалерот долги години со успех настапува во турското првенство и едноставно вели дека сега е време за збогум од репрезентативниот дрес, бидејќи повредите и возраста во голема мера бараат повеќе време за одмор и закрепнување. Јаховиќ преку допис до Фудбалската федерација на Македонија ја образложи својата одлука: 

Да настапуваш во дресот на македонската репрезентација е исполнување на детскиот сон. Токму затоа воопшто не е лесно да се каже збогум, но сега е време за тоа. Не само заради мене, туку и поради репрезентацијата, соиграчите и селекторот. Чувствувам дека повеќе не сум во можност на вистински начин да одговорам на репрезентативните обврски и сега е време чесно да го соопштам тоа. Би сакал да се заблагодарам на сите соиграчи од репрезентацијата и целиот стручен штаб. Благодарност за селекторот Благоја Милевски за соработката и целата поддршка. Минавме и тешки и радосни моменти. Спомените ќе ги чувам засекогаш. Во оваа репрезентација има талент и квалитет. Убеден сум дека ќе продолжат да напредуваат и да ја радуваат македонската спортска јавност. Оваа генерација на македонски фудбалери зад себе веќе има големи резултати и се што треба е да продолжат да даваат се од себе на секој натпревар за Македонија. Во победа или пораз, навивачите тоа го ценат. Јас секогаш ќе бидам поддршка за тимот и цела репрезентација. 

Напред Македонија“.

ФФМ му се заблагодари на Јаховиќ за неговиот придонес во репрезентацијата и му посaка успех во понатамошните клубски настапи. За македонската репрезентација Адис Јаховиќ дебитираше на 14. ноември 2012 година на пријателскиот натпревар против Словенија.

Фудбалскиот клуб Вулверхемптон соопшти дека потпиша договор со напаѓачот Диего Коста. 33-годишниот фудбалер остана без клуб откако во јануари го напушти бразилскиот Атлетико Минеиро, а со популарните Волци потпиша договор до крајот на сезоната. Коста лекарските прегледи ги мина минатата недела после што ја доби и потребната работна дозвола, па така тој ќе биде замена за Саша Калајџиќ кој доживеа тешка повреда на своето деби во дресот на Вулверхемптон. Коста во својата кариера има забележано 500 настапи, има освоено 12 трофеи, од кои две титули во Премиер лигата со Челзи и две Примери со Атлетико Мадрид.

Екипата на Бока Јуниорс е победник на можеби најголемото дерби на светскиот клупски фудбал. Бока на својот популарен стадион „ Бомбоњера“ беше подобар од Ривер Плата со резултат 1:0.

Стрелец на голот за победа  го постигна Дарио Бенедето во 63.минута од средбата, која изобилуваше со тензична игра и жестоки стартови типични за ова дерби.

Бока Јуниорс со оваа победа се наоѓа на четвртото место од табелата со освоени 32 бода на 18 натпревари.

Екипата на Струга Трим Лум не знае за друго освен за победа од почетокот на новата сезона во Првата македонска фудбалска лига.

Стружани веќе нанижаа седум победи на исто толку натпревари, и имаат максимален учинок од 21 бод. 

Во досегашните натпревари веќе се гледа дека тимот игра во одлична форма и дека со сигурност се движи кон освојување на титулата во домашното првенство.

Тренерот на Барселона, Чави Ернандез, се запиша во историјата на шпанскиот фудбал, откако тренерот на каталонскиот клуб остана непоразен на 17 гостувања по ред.

Барселона во петтото коло од шпанската Ла Лига славеше победа во гости над Кадиз со 4:0. Чави нема пораз на гостински терен откако во ноември минатата година ја презеде екипата од „Камп Ноу“.

Сега Чави се изедначи со Зинедин Зидан кој како тренер на Реал Мадрид во 2016.година 17 пати остана непоразен на гостински терен.

Тренерот на Барселона ќе има прилика да го престигне Зидан на 1.Октомври кога екипата ќе гостува на Мајорка.

Арсенал во последниот ден од преодниот рок се обиде да го донесе играчот на Астон Вила и бразилскиот репрезентативец, Даглас Луиз.

Даглас Луиз е еден од најдобрите поединци во Астон Вила, но влезе во последната година од договорот и сака да ја промени средината,  па одби продолжување на договорот.

И покрај тоа Астон Вила ја одбие понудата на „топџиите“ бидејќи немаше време да донесе соодветна замена.

Меѓутоа, Арсенал не се откажува и во јануари повторно ќе се обиде да го донесе Бразилецот на „Емирати“.

Англиските медиуми пренесуваат дека Арсенал е спремен да понуди 18 милиони фунти.

Најдобриот стрелец на Рома, Тами Абрахам, сега тренира заедно со своите соиграчи, откако заработи повреда во тешкиот пораз од Удинезе со 4-0 пред една недела. Англискиот интернационалец го пропушти гостувањето кај Лудогорец во Лигата на Европа (1:2), но се очекува да стартува против Емполи во понеделник.

Рик Карсдорп исто така не отпатува за Разград, но се опорави од повредата и ќе стартува од првата минута против Емполи. Во амбулантата на „волците“ остануваат Мараш Кумбула, Стефан Ел Шарави, Николо Заниоло, Џорџињо Вајналдум и Ебрима Дарбо.

Пауло Дибала и Лоренцо Пелегрини кои стартуваа против Лудогорец нема да бидат поштедени. Двајцата ќе играат во понеделник, а на голот ќе се врати Руи Патрисио.

Тренерот Жозе Мурињо ќе треба да одлучи на кој меѓу Леонардо Спинацола и Никола Залевски ќе се обложи на левото крило.

Поранешниот дефанзивец на Интер и на репрезентацијата на Италија, Давиде Сантон објави дека се повлекува од фудбалот на 31-годишна возраст поради постојани проблеми со повреди.

Фудбалерот ги помина последните четири години во Рома, но не успеа да забележи ниту еден настап под водство на Жозе Мурињо во сезоната 2021/2022. Сантон заработи осум настапи за Италија помеѓ 2009 и 2013 година и ја освои титулата во Серија А двапати со Интер за време на првата од неговите две периоди во клубот.

Сепак, повредите сериозно се одразија на кариерата на Италијанецот, кој својата одлука ја објави во интервју за изданието Tuttomercato.

Касемиро го растури легендарното трио на Реал Мадрид, кое уште беше составено од Тони Крос и Лука Модриќ, откако потпиша за Манчестер јунајтед.

Крос наскоро би можел да го напушти Мадрид и да се пресели во Манчестер, но овој пат да му биде ривал на Касемиро. Германецот е на листата со желби на тренерот Пеп Гвардиола, кој планира да го купи искусниот фудбалер за врска, кој претходно најави дека сака да си замине.

Искусниот фудбалер ја почна кариерата во Баерн, по што беше во Баер Леверкузен на позајмица, а потоа се пресели во Реал Мадрид, каде што стана еден од најдобрите во свет.