Нашата најдобра селекција е во група со Белгија, Велс, Казахстан и Лихтенштајн во квалификациите за Мундијалот во 2026 година во САД, Мексико и Канада. Селекторот, Благоја Милевски вели дека може да се надеваме на добри резултати.

„Добивме група со репрезентации со кои може да играме и да се надеваме на добар пласман. Белгија е голем фаворит. Една од најсилните светски селекции и ќе биде големо изненадување доколку не успее да го освои првото место во оваа конкуренција.Велс е одлична репрезентација, тим кој игра динамичен и брз фудбал. Казахстан и Лихтенштајн можеби немаат позитивни резултати во последните квалификациски циклуси, но секој нов почеток е нова надеж и за условно, помалите репрезентации во групата.

За мене е важно ние да го задржиме истиот пристап како на последните натпревари од Лига на нации, силно мотивирани да влеземе во квалификациите и да одново да се бориме за резултат кој може да ни донесе можност за евентуален пласман на големо натпреварување”, потенцираше Милевски.

Македонската фудбалска репрезентација ќе игра против Белгија, Велс , Казахстан и Лихтенштан во рамките на групата – Ј во квалификациите за Светското првенство во 2026 година кое ќе се организира во САД, Канада и Мексико.

Денешната ждрепка во Цирих не смести во една од групите во која ќе играат пет селекции. „Црвените ѓаволи“ предводени од големите ѕвезди: Куртоа, Де Бруин и Лукаку, се главните фаворити за првото место додека Велшаните според рејтингот се наметнуваат како втори. Казахстан и Лихтенштајн се во улога на аутсајдери

Во нашата група мечевите ќе започнат да се играат во март догодина.

Легендарниот стопер на Реал Мадрид, Серхио Рамос, кој набрзо ќе наполни 39 години, може да замине во фудбалскиот состав Бока Јуниорс.

Имено, претседателот на аргентинскиот клуб, Хуан Роман Рикелме и тренерот, Фернандо Гаго, одлично го познаваат Шпанецот и веруваат дека тој ќе биде од голема помош за претстојното Светско клупско првенство во 2025 година.

Рамос е слободен играч откако му заврши договорот со Севилја.

Чуварот на мрежата на фудбалскиот состав Брајтон, Барт Вербриген, влегува во радарот на Баерн Минхен, наведуваат дел од медиумите.

Холанѓанецот треба да биде замена за ветеранот, Мануел Ноер, кој во еден период се измачуваше со повреди и сега не ги прикажува очекуваните партии.

Се претпоствува дека луѓето од – „Алијанц арена“, може да испратат понуда за Вербриген во летниот трансфер период. Тој на 14 сезонски натпревари прими 21 гол.

Фудбалерот, Федерико Гати, може да ја продолжи соработката со Јувентус, наведуваат денеска медиумите во Италија.

26-годишниот централен дефанзивец се наметна како главен столб во одбраната на „бјанконерите“. Неговиот договор е валиден до 2028 година но, „старата дама“ сака да му го продолжи за уште една или две години.

Гати беше донесен во Јувентус од екипата на Фросиноне во 2022 година за 9 милиони евра. Тој има одиграно 81 натпревар и постигнато 6 голови.

Беноа Бадиашиле кој се појави на 12 средби во тековнава сезона во дресот на Челзи, нема да биде ставен на трансфер-листата, велат последните информации од фудбалска Англија.

Французинот иако не добива голема минутажа нема да го напушти стадионот – „Стемфорд Бриџ“ . За 26-годишниот централен бек е заинтересиран составот на Олимпик Марсеј.

Фудбалерот во 2023 година го напушти Монако за речиси 40 милиони еври и го облече дресот на „сините“.

Јувентус се избори за победа во дерби соочувањето со Манчестер Сити во Лигата на шампионите, средба која заврши со 2-0 со головите на Душан Влаховиќ и Вестон МекКени во второто полувреме.

Со ова „старата дама“ ја прекина серијата на нерешени натпревари или по точно еден месец се радуваше на победа, додека пак Сити продолжи да тоне и најдобар доказ за тоа е само едната остварена победа на последните десет средби во сите конкуренции.

Пресметката во Торино со внимание ја испратил и легендарниот англиски ас, Пол Сколс кој имаше една интересна реакција и тоа за играчот кој дефинитивноо го импресионирал.

„Кој по ѓаволите е овој Јилдиз“, порача Сколс алудирајќи на 19-годишниот Кенан кој беше асистент на првиот гол на „бјанконерите“.

Фудбалерите на Челзи ја совладаа Астана со 1-3 во натпреварот од петтото коло на Конференциската лига.

Тренерот на „сините“ Енцо Мареска реши да ги одмори своите најголеми ѕвезди со оглед на оддалеченоста до Казахстан и за да ги има подготвени з викенд кога „сините“ ќе играат во Премиер лигата.

Марсека шанса им даде на младите сили предводени од Марк Гуиу, поддржани од малку поискусните Педро Нето, Аксел Дисаси, Тосин Адарабио, Филип Јоргенсен и Друсбери-Хол, кои беа единствените сениори во стартните 11.

Шпанецот го предводеше англискиот тим до победа постигнувајќи два погодоци во првите 20 минути, а Ренато Веига по третпат да ја погоди мрежата во 39. минута.

Голот за домашните го постигна хрватскиот фудбалер Марин Томасов непосредно пред одморот. За казахстанскиот тим цел натпревари одигра македонскиот интернационалец Алекса Амановиќ.

Челзи го забележа петтиот триумф во исто толку пет натпревари, а во следното коло го пречекува Шамрок.

Фудбалерите на Манчестер Јунајтед, ПАОК и Рома забележаа триумфи во натпреварите од шестото коло во Лига Европа.

Јунајтед во Пилсен ја победи Викторија со 1-2.

„Црвените ѓаволи“ не можат да фатат ритам и со новиот тренер Рубен Аморим. Сепак на крајот Португалецот ја запиша првата победа на гостински терен.

Голманот на Јунајтед, Андре Онана гим подари гол на гостите во 48.минута, пораз спречи резервистот Расмус Хојлунд со два гола.

Рома се доближи до место во Топ 8 откако полесно од прогнозите ја победи Брага со 3-0. Головите за „волчицата“ ги постигнаа Пелегрини, Абдулхамид и Марио Хермосо.

Семејството Берлускони бара партнер или купувач за италијанскиот фудбалски клуб Монца, кој стигна во Серија „А“ за време на шест години на чело на семејството, изјави Пјер Силвио Берлускони.

Поранешниот италијански премиер Силвио Берлускони, кој претходно беше сопственик на Милан, ја презеде контролата врз Монца преку семејната холдинг компанија „Фининвест“ во 2018 година, кога тие играа во третото ниво на Италија во зделка, наводно, вредна само 3 милиони евра.

-Во Монца, целта е да се најде некој кој, заедно со нас или сам, ќе може да се грижи за Монца како што ние би сакале. Фудбалот е луд свет во денешно време, рече Пјер Силвио Берлускони, еден од акционерите на „Фининвест“ и член на управниот одбор на брифингот.

Гласините за можна продажба на Монца од страна на семејството Берлускони се интензивираа по смртта на поранешниот премиер во јуни 2023 година.

Предводена од поранешниот шеф на Милан, Адријано Галијани, Монца, со седиште во истоимениот град северно од Милано, освои промоција во Серија „А“ за прв пат во 2022 година. Тие се мачат оваа сезона и се на претпоследното 19. место во поредокот.

Клубот забележа загуба од 60,3 милиони евра во 2023 година, додека приходите се удвоија на 68,3 милиони евра.