Њукасл е силно заинтересиран за напаѓачот на Барселона и шпаски репрезентативец Феран Торес.

Феран Торес пред две години пристигна во Барселона како големо засилување од Сити за 55 милиони евра. Меѓутоа, со доаѓањето на Левандовски тој падна во втор план и добива мала минутажа. Барселона поради финансиската ситуација е спремна да го продаде, а Њукасл внимателно ја следи ситуацијата и сака да го доведе во своите редови.

Премиерлигашот е спремен да поуди 50 милиони евра, сума која ќе ги задоволи финансиските апетити на Барселона.

Вулверхемптон упати понуда до Арсенал за нивниот голман Арон Рамсдејл. „Волците“ сакаат да го земат резервниот голман на Арсенал  репрезентацијата на Англија на позајмица со опција за откуп следното лето, пишуваат медиумите на Островот.

Вулверхемптон изрази подготвеност да го преземат поголемиот дел од платата на 26-годишниот Рамсдејл. Интересот за голманот датира од минатата година.

Разговорите меѓу двата клуба се во тек, а Арсенал сака да го продаде сега наместо да го ослободи. Во моментов не е јасно дали во зделката се разговара за евентуалното учество на играчот на „волците“ – Ден Бентли, за кој претходно интерес покажаа „Топџиите“.

Двата тима се сретнаа на стартот од Премиер лигата, при што лондончани го добија натпреварот со 2:0. Рамсдејл ја загуби битката за стартното место на голот на Арсенал со Давид Раја. Минатата сезона одигра само 6 натпревари во Премиер лигата.

И покрај тоа што уште не е излезена од лошата финансиска ситуација и мака мачи да ги регистрира новите фудбалери, Барселона цели кон скапи засилувања.

Информациите од Шпанија велат дека Барселона во финишот од преодниот рок ќе се обиде да потпише со Рафаел Леао.

Милан високо го цени својот фудбалер и сака околу 90 милиони евра за негово заминување.

Барселона не може да потроши толку, но се надева дека со размена на фудбалери значително ќе ја намали цената. Каталонците се подготвени да пратат неколку фудбалери во спротивен правец за да го добијат Леао.

Аргентинскиот фудбалер Лео Меси нема да биде во составот на селекцијата на Аргентина за септемвриските квалификации за СП 2026.

Имено тој уште заздравува од повредата на Копа Америка каде неговата селекција го освои првото место.

Лионел Скалони денеска го објави списокот со играчи на кои смета за дуелите со Чиле (5 септември) и Колумбија (10 септември), а на него го нема капитенот на светскиот првак.

Инаку ова е списокот на Скалони за претстојните мечеви на Аргентина.

Менаџерот на Тотенхем, Ангелос Постекоглу, откри дека играчот од средниот ред Родриго Бентанкур е „свесен и комуницира“ по сериозната повреда на главата што ја заработи синоќа на гостувањето кај Лестер во првото коло од Премиер лигата.

Бентанкур го напушти теренот на носилки откако падна на земја и изгледаше дека удри со глава по корнерот на Џејмс Медисон во 71. минута од натпреварот.

Фудбалерите на Тотенхем веднаш дадоа знак за помош од лекарскиот тим и по седум минути лекарска помош, Бентанкур успеа да се опорави пред да биде однесен на носилки додека добиваше кислород. За уругвајскиот интернационалец, тоа се покажа како уште една болна посета на Лестер откако имаше повреда на истото место во 2023 година.

„Немам многу информации, но знам дека е буден и комуницира, така што од таа гледна точка е добро. Тој има повреда на главата и тоа ќе го оставам на рацете на лекарскиот тим. Клучот е дека тој дефинитивно е свесен и комуникативен“, изјави Постекоглу по средбата.

На прашањето дали Бентанкур изгубил свест во инцидентот, Постекоглу рече дека не знаел. „Секогаш кога станува збор за повреда на главата и гледате како играчот паѓа – мислам дека во денешно време секогаш сме претпазливи и не ги знам вистинските околности, но знам дека тој ја удри главата“, додаде менаџерот на Тотенхем.

Шпанскиот фудбалер и ов играч на Милан Алваро Мората беше еден од најзаслужните за избегнување  на поразот на оваа екипа на „Сан Сиро“ од Торино кој заврши со резултат од 2-2.

Но, она што нема да им се допадне на фановите е повредата на Шпанецот. Се работи за мускулна повреда и настапот на Мората во следното второ коло е неизвесен и Милан до последно ќе се надева дека постојат шанси за навремена рехабилитација.

Противник на Милан во следната рунда е повратникот во Серија А, екипата на Парма.

Голманот на Интер, Јан Зомер објави дека ја завршува кариерата во швајцарската репрезентација. Тој го имаше своето деби во мај 2012 година.

Од 2014 година, Зомер играше на три европски и две светски првенства како број 1 на голот на Швајцарија. Неговиот последен натпревар со швајцарскиот тим беше во четврт-финалето на Евро 2024, каде што тимот загуби на пенали од Англија.

„Беше чест и привилегија да ја претставувам мојата земја на највисоко ниво во изминатите 12 години“, рече 35-годишниот Зомер во соопштението објавено на веб-страницата на Швајцарската фудбалска асоцијација.

„Со завршувањето на ЕП 2024 во нашата соседна земја Германија, каде што поминав незаборавни години во Бундеслигата, време е да се збогуваме“, додаде Зомер.

Англискиот фудбалски клуб Лестер се врати во Премиер лигата, а веќе му се заканува голема казна.

Можно е на клубот да му бидат одземени бодови поради кршење на правилата од финансискиот ферплеј и тоа по две основи.

Минатата сезона додека настапуваше во Чемшпионшип, утврдено е дека трошеле многу повеќе пари отколку што е предвидено.

Во периодот од 2020 до 2023 година, Лестер бил во минус од 215 милиони фунти, а само во сезоната 2022/23 имал загуба од 105 милиони поради што, исто така би можеле да му бидат одземени бодови.

Засега не е јасно колкава и дали воопшто ќе добие казна Лестер, но тоа им се случи лани на Евертон и Нотингем Форест.

Селекторот на хрватската фудбалска репрезентација, Златко Далиќ го објави списокотна  фудбалери на кои ќе смета за претстојниот настап во Лигата на нации, а на кој, на огромна радост на сите во земјата се наоѓа и капитенот Лука Модриќ.

Хрватска првиот меч ќе го одигра против Португалија на 5 септември во Лисабон, а три дена подоцна ќе ги пречека Полјаците во Осјек.

„Лигата на нации ќе ни биде добра платформа да создадеме тим кој ќе се квалификува за Светското првенство во 2026 година. Во споредба со годинешното ЕП, останавме без двајца ветерани, Вида и Брозовиќ, но затоа сите сме среќен што капитенот Модриќ останува со нас – Лука е нашата голема сила на теренот и надвор од него“, изјави Далиќ.

Клуб од Саудиска Арабија испратил понуда до Реал Мадрид од 100 милиони евра за Едер Милитао. 

Сепак, Флорентино Перез и Карло Анчелоти експресно ја одбиле оваа понуда. Да потсетиме дека Милитао го пропушти поголемиот дел од минатата сезона поради повреда на вкрстените лигаменти.

Тој одигра 90 минути во Суперкупот и Анчелоти смета дека е клучен играч за одбраната на „кралевите“.

Поради тоа Реал веднаш ја одбил богатата понуда за бразилскиот дефанзивец.